因為新人想畫面靚，以家就講到包裙益左你咁
1個讚
問題係你問個姊妹係管人情丫嘛
唔見即係她能力不足啦
所以姊妹答咩都好尷尬
相信你叫得她管錢你地一定有返咁上下友誼
但願呢次唔會影響你地友誼啦
其實點解有啲新娘子，成日覺得自己係「送左」姊妹裙 + 化妝比班姊妹好皇恩浩蕩咁？
有無諗過啲姊妹真係完全唔鐘意條裙同化妝？
唔少姊妹其實佢為咗友情，先至勉強著起條裙，喺新娘子面前讚好靚呀好鍾意呀，有冇諗過其實係客套說話呢？（唔通同新娘子講話條裙好核突呀著得我好肥咩？）
其實姊妹裙，就好似公司制服咁，一定唔會係婚宴（公司）以外既地方再著。如果一間公司規定員工指定服飾，就要包制服，正如新娘子如果想姊妹著自己鍾意嘅顏色，就要包姊妹裙，咁就唔叫送姊妹比人地啦。
利申：做過10次姊妹，另推左3次，我只可以講我全部姊妹裙都未著過第二次，以上亦係做姊妹時聽返黎嘅心聲。
15個讚
所以結婚越嚟越多嘢搞
唉，作為被人圍過嘅人，我開始同情樓主啦…
其實樓主都澄清咗，唔係特登問。
當然我同意問嚟都無謂，咁可能樓主一時思路無咁清晰，衝口而出問咗啦。
樓主應該係介意對方無禮數，唔一定係介意錢先出po，樓主講嘅祝福呀、 禮數呀，其實就係佢由細到大嘅觀念入面，好難接受有姊妹唔做人情。就好似華人一定要供養父母，但鬼佬唔會咁。佢唔一定係貪錢嘅，應該係文化衝擊太大…
樓主，由細到大嘅觀念，唔一定係人人認同嘅。樓主，下次記得匿名出po。
1個讚
我由頭都講：個姊妹唔啱多啲，做姊妹同做人情係兩個separate issues，我冇聽過可以自己選擇唔比，除非新娘講明
當然問就太老尷
我都試過
但係會一齊夾同一個數
好嘔心
我見身邊啲fd多數都唔洗姊妹俾，會事先溝通。食飯應該類似慶功宴，多數都見係新娘請返班姊妹食…其實班姊妹婚禮個日都冇啖好食，有啲人可能要特登攞假…其實大家都係為件事開心啫，咁計較真係唔太好
1個讚
我對上一次做姊妹無比人情，朋友講明人情全部捐去做慈善，所以買禮物instead of 人情。
不過，我哋冇姊妹裙，只係襯色著返自己既裙。
我都係咁話
果條裙平時又無咩機會著
真係掉又唔係, 唔掉又唔係
我做過兩次姊妹，d姊妹裙都唔會著得番，好嘥
所以我自己結婚個陣，買兩件頭款式，衫同裙都可以平日襯其他衫褲著，配波鞋、斯文鞋都得
我見我個姊妹喺日本旅行，直情著咗我送個套姊妹衫+姊妹裙去影相
另一個就著咗件姊妹衫配牛仔短褲去街著
我覺得咁樣冇咁浪費，d姊妹又著得舒服
7個讚
平時做姐妹要5am起身，做到晚上11pm，清埋場都12點；工作19小時
就算waive 咗1500蚊人情，都係平均得78蚊
做姐妹真係唔係咁易架，葉師傅
3個讚
其實我一直覺得冇budget就唔好攪咁多嘢
4個讚
其實做姊妹都係捱義氣，我想講嗰啲裙，化妝都好唔適合自己。因為自己唔係走公主名媛路線。不過，因為friend, 就惟有要配合劇情需要
2個讚
但我真係好怕做姐妹
好在要嫁都嫁曬
如果因為有人冇比人情就嬲嬲，根本件事本末倒置，個心態已唔係「請」人嚟飲慶祝自己結婚，而係想「屈」人夾錢比自己結婚，所以人哋唔比錢冇「夾」錢先會令自己咁嬲。
4個讚
根本就係，硬係覺得蝕左咁
又當然有啲嘢雙向，一家6口比$500又食又拎又係over
我都覺
但又唔諗下有時d 主角果晚rundown太多節目
姊妹根本有一半時間都唔響位
飯都食唔好呀陰功
咪係~把口又講無所謂, 但又要人地有dress code 著同一隻色, 又要人地打扮唔好寒酸。
d 姊妹裙訂造三四百蚊一條都要慳迫人著二手, 又唔洗乾淨, 送二手BB衫俾人都應該洗過先啦下嘛?
1個讚