仔仔而家20個月大，但都未識講野，少眼神接觸，有少少逃避人目光，唔識聽指令，剩係識聽‘俾’，就會俾佢手上嘅物件我。叫佢個名都係十問九唔應。而家約左8月頭去智力測驗中心見我，做登記，但聽人講要排好耐先有得做評估
想問問大家，而家應該等政府個排期，定盡早同仔仔出去私家做好？有無家長有經驗
唔該哂
我個小朋友都係確診自閉症，
1歲半健康院醫生轉介，
Cac 本來要排期到3歲，
二歲3個月有人唔要插隊做左評估。
算好好彩發現得早。
要睇吓你好唔好彩有人唔要啲位。
1個讚
識唔識手指指?
如果經濟許可，
最好就私家。
小朋友訓練時間唔好浪費左。
2個讚
我有件衫有啲英文字，佢會捉住我隻手黎指，我就讀俾佢聽，佢會笑，會篤我面上面粒墨，如果佢想要果樣野，佢只會捉我手去攞 或者捉我手帶我去，但平時無見佢有指其他野
我想問如果做左評估，佢係咪會即刻轉介你去做治療㗎？咁如果我出去私家做，佢會唔會幫我轉介去政府跟進？定點？我而家好迷惘，都唔知應該點做
我唔係專業人士, 不敢亂俾意見
不過趁細個盡快睇啦
1個讚
二至八歳係小朋友訓練黃金期、私家訓練嘅話旺角有間叫「領先 Links」、 唔確認咁細個小朋友有冇訓練、不過你可以打電話去問下。
同埋小朋友平時照顧者係邊個、多啲除口罩用誇張表情同小朋友講野、同比反應、因為呢兩年好多B少出街、少見人、少同人互動、少左好多刺激、變相好多野都遲咗左、我朋友教幼稚園、都話今年好多K1有咬字問題。
1個讚
知唔知私家做邊間好？我上網睇有好多間，唔知點揀，又唔知有無認受性
私家醫生都會寫紙比你排政府傢
協康會，耀能果啲，你可以先打電話去問下
1個讚
自閉症嚟講，全港最好有3間：協康，邁步，仲有間唔記得咗，搵到話你知
政府和私人可以同時排和做
好呀唔該你
你可以問下邁步，佢有個初步評估，話你知有咩features 再先做正式評估。我仔做評估個陣已經小學，係貴，但幫到佢係值得，唯有自己慳下
1個讚
之前歲半去健康院有冇同姑娘講？可以係健康院搵醫生寫紙，之後再轉介去政府或者私家做評估先，政府要排1年半左右（我小朋友排緊），私家快的話都可能要幾個月到半年先評估，評估完先開始治療。其實最好嘅方法係媽媽自己首先去睇D關於自閉症嘅書再觀察下小朋友，唔好諗住出去治療就夠，最好係媽媽自己每日都同佢做練習，媽媽永遠係小朋友最好嘅老師。
2個讚
可以揾註冊臨床心理學家做，我仔細時係浸會醫院做。
1個讚
我仔健康院話佢言語發展遲緩，轉介去評估，我上年年尾好似11月左右，去智能檢測中心見姑娘排期，果陣預計2023年頭先排到我仔去評估。結果上個月尾打黎，話6月尾就可以去做評估。比想像中快好多，唔洗等年半。
1個讚
我係過來人，我會建議盡早做評估，
一來解答左你既疑慮
二來如果小朋友真係ASD，你都要有報告先可以排到政府既支援，幼稚園入I位O位E位之類。
排CAC , 依家大約要 15個月…你小朋友依家20個月，排得黎都讀緊幼稚園。
想快啲，比較多人會考慮協康，耀能呢啲SEN大機構，大約6千幾，做完評估佢地會教你點搵服務。
另外，私家有好多地方都可以做評估，你google 下丫，大好似都要成萬蚊。
1個讚
我女係step上過言語治療，又唔係好幫到手
主要都係教我地父母點同佢練
不過唔呃錢就真嘅，隔星期上左4堂就話佢可教嘅都教晒，唔洗再上。之後就要靠我地自己同佢練，及等佢口部發育好，就會慢慢好。
但其實過左都成一年，我女講野一急就lur, 問題仲係到又唔知點解決…
1個讚
Step邁步係叻處理自閉症，言語治療就未必係。