因為小朋友要準備升中，佢成績唔好，所以我揀state school 。我唔要名校，但求學校對成績差小朋友包容，少欺淩。
不幸地，符合呢個條件嘅學校，就係outstanding school 。其實學校成績唔係話超級好，但attainment 高（小朋友入學前後比較進步大），包容高，就好自然rating會高。outstanding school 就自然引到香港和其他家長嚟爭。
過去3年，學校競爭漸漸加大，收生距離由0.9 mile, 0.7 mile, 0.6 mile咁縮，嚟緊呢一年應該0.5 mile，只可以住一街距離，租貴已經唔係問題（香港和本地家長都係住一年就搬走），問題係無咩盤。
終於睇到一個啱嘅盤，難得地有三房兩廁 ，地方同香港一樣細已經唔係問題。以為apartment少本地人，點知agent話有30戶一齊爭 大家今朝睇樓，1點前出價，價高者得，2點confirm。業主開價£1900，agent 開頭話啲人cls，開到過£2050，後嚟我偷聽到有個進取港媽志在必得，agent就冷待我哋。我開£2100，但最後俾人£2200成交
未完待續
我朋友果區果間要0.2 mile 先穩
我未走到，但心底係有擔心過呢樣
好多謝你嘅分享，LM
好癲喎
係咪因為有feeder school？
係因為O/S, ATTAINMENT , GCSE + A LEVEL都好
有冇feeder school?如有入定feeder school穩陣，priority可以高過catchment
所以真心唔好去香港人多嘅地方啦，本地人爭香港人又爭，惡性循環
0.2mile… Crazy
有疑問，英國d樓咁疏，0.2 miles內真係有足夠學生入讀？！講緊中學一個year都收成300人喎，間學校特別細？定優先收feeder school畢業生，最後先收catchment?
優先兄弟姐妹先feeder schools
呢到啲人生三四個
另外有一啲唔知足嘅香港家長都係克人憎嘅
識一個家長派咗間outstanding school，但仲waiting list另一間outstanding⋯⋯因為佢覺得嗰間outstanding勁過佢小朋友派到嗰間outstanding⋯⋯⋯⋯⋯⋯⋯⋯⋯⋯⋯⋯
其實派到outstanding or good school都已經很不錯，唔好咁貪心勒。
我繼續講樓頂嘅經歷。
其實未bid, agent都已經知道我哋會輸，一早勸我哋睇同一座屋苑另一個盤。呢個盤兩房一廁，其實唔係好啱。
3房兩廁個盤一bid完，我哋就諗著睇下兩房一廁個盤啦。點知因為bid唔中個29戶，好多都有興趣睇呢個第二選擇，agent決定唔俾睇盤，剩係俾video我哋睇，同日4點截bid。佢根本不愁沒生意。
樓主開價£1900咁上下，我都唔記得咗，因為已經唔重要。Agent開口話£2250就差唔多。cls！細過上個盤，但價更加貴！
本來打算開£2200。但和老公一諗，29戶入面，一定至少有一個開£2250，低過呢個價等於放棄。我哋一係唔玩呢個遊戲，一係就開高過£2250。其實放棄都係一個選擇，我原地址都會派到入一間校風稍差嘅good school 。
最後都決定去馬，開£2270。結果我哋真係比第二名£2250多£20 bid中。
Bid中咗，開心，然後失落。到頭嚟去到英國，都係要玩呢個遊戲。用儘財力智力，但我小朋友係咪會讀得開心呢？呢間學校係咪真係適合佢呢？仍然係未知。
我寄望英國教育制度下，中學會同而家嘅小學一樣，係outstanding但唔谷成績 嘅happy school
係呀通常sibling, feeder school，最後先係catchment，有宗教背景就一定係first priority收教友，好學校好多時頭2至3個criteria已經7788，淨俾catchment嘅唔會太多，所以真係唔係住得近有著數
我睇過中學部internal 通告，priority 冇提宗教
所以應不是每間宗教學校都係咁
唔知，我睇過有宗教背景學校都有呢個criteria，而事實上都真係，我有朋友申請in year因為係教友，可以override哂所有人上waiting list第一
我樓主，講返我區嘅資料。
我呢區雖然好多香港人，但學位好足。如中學只係要good school ，就一定有位。但如果要outstanding school 就要爭。小學更多位，outstanding 係唔洗排直接入。當初嚟呢區就係因為咁。
又，我呢區樓價和香港相若，校區更甚，其實已經嚇走咗啲人，所以我呢區競爭已經唔算係好激烈。
我間不是，我自己睇，唔係人講
好校網當地家長都會追棒、反而係話包容到成績差既小朋友但又進步多既學校、好似有啲矛盾、會唔會好谷架
同埋之前睇個有段片、個Youtuber 分享過搬離catchment area 可能影響學位呢
有聽過一啲中學，住學校對面都唔收。真係cls
對面都唔入咩人入到
職員子女，弟妹啦