如果我好愛佢，我會原諒。
一定要保持生活水平，和搵到新人可以離婚?
純粹咁諗，呢幾年一齊，大家都過得唔錯
諗返之前果個小插曲，係咪要去到離婚咁樣
其實都有啲難揀
1個讚
你絕對可以降低生活水平至綜援級別，但係咪好？自己諗諗
身材樣貌金錢性格都無樣夠吸引下一個同伴的，係咪真心覺得孤獨終老係好？都係自己諗諗
無嘢話唔得，即刻執嘢分居離婚都得，但係咪你想要嘅嘢？係嘅話，樓主一早做咗
1個讚
一個人終老就叫孤獨終老？我去做過不少義工、發覺大把人老左的老人家even 單身、生活精彩快樂開心、已經去到無欲無求旦求健康。亦大把人有兒有女有老公但係老人院冇人理而孤獨寂寞。亦大把有老公但去到八、九十歲冇愛情又冇感情、婚又離不到。
5個讚
咁硬係要曲解孤獨嘅意思都無乜好講
有伴侶唔代表唔孤獨，唔駛畫出腸
搵個平凡但夾得來生活嘅，就夠
就係咁
你覺得佢最愛唔係你？曾經想揾番以前果個甩左你？
有人會介意，有人唔介意做後備。
又或者對方條件好做後備都拾到啦，
又或者揾個好過佢好容易，做咩要輪為後備。
自己先知，唔會勸你，心中有條刺即係你介意，條刺有可能會因為佢對你好而無左，但唔會忘記，除非你失憶。
1個讚
突然諗起"夫妻的世界" 高藝琳同佢老公
佢老公又係間中出軌
佢心淡打算分居時條佬又追番佢對佢好體貼
但最後佢自己都接受唔到復合
話雖然佢相信老公第時唔會再不忠
但自己仲係諗起以前既事
1個讚
婚姻問題一律以離婚
人人唔同要求啫
你覺得夾到生活就夠
有人追求雙方係一生最愛，寧願尋尋覓覓都唔勉強
無話邊樣好啲嘅
已經係拍拖時嘅事，結咗婚四年對你專一、大家又夾已經好難得，點解仲要介意番以前嘅小事？
換過段感情可能係blemish free 既history, 但係個對象只要都係男人就會遵從男人本色，亦都逃不離人性，未來唔合樓主標準既可能性都係一樣咁多。
樓主呢件插曲換著邊個做事主都唔舒服，程度而已。
但如果真係了解男人既話，樓主老公係男人黎講「無大錯」。
男人面對異性個心係野，行為專一既程度視乎個男人既價值觀，而決定同邊個做人世係非常理性，佢只會選擇一個佢權衡輕重後覺得合適穩定而且心甘情願既女人，絕對唔係比較緊自己鍾意邊個多D.
所謂好想同對方一齊下，都唔代表人地肯佢就會撇左你，可以係人地肯佢會同人玩下但心入面你都係堅定不移既選擇，呢 d 就係男人，明嗎？
揀過個個可能都一樣好好，行為上係同你段感情未出格，心態上都係一樣。佢可能以前都試過，以前未試過唔代表以後唔會，又或者佢有咁既心態但已經過左會咁做個個年齡段，其實同你而家呢位無咩本質上既分別。
一段早開始既感情就係要經歷二人各種唔成熟，時間長等如風險高。標準係一回事，現實係另一回事。長久未必因為愛，但一定係有適度妥協。
人品可以約束人性，但超越唔到人性，尤其係後生既時候。做人世最緊要係對方人品，同埋對你點，適唔適合做屋企人，步調是否一致。有愛情無呢d 都係做唔黎人世，成熟既人會選擇一個有愛又合適既人，唔強求是否最愛，都唔會執著自己係咪對方最愛。
4個讚
好難有完美婚姻
錯在老公的秘密守唔住
守得好，就同無事發生一樣
佢有冇諗過寫下內心想法會有一日比人發現呢？
如果天意要樓主發現
咁可能係注定要分
如果你要搵個一定要一心一意，完全忠於你既人，真係無話可說。你老公可能中途曾對你有異心，你多年後得知就要離婚？我真心吾明。當然外人無法理解。
諗返轉頭，如果你當日沒發現件事，你又會點做？你係真係吾愛佢，定係覺得被騙？吾甘心輸比佢Ex? 你覺得無呢個人同你行埋落去下半生你覺得ok嗎？你肯定無左佢既生活會更精彩開心？或者你又可否當無睇過，繼續前行？
你能答晒呢啲問題，你就會搵到答案。祝好運。
大事定小事，其實因人而異嘅
1個讚