尤如眼入面一粒吹唔走嘅沙。
睇到野，但睇野唔清唔舒服。你可以選擇越了越深，了到隻眼流血。又或者隻眼開隻睇閉。
我自己就年紀大了，睇野逾黎逾蒙，都唔係好覺有粒沙礙眼。
3個讚
移民係點都會做嘅事, 而離婚就有可能唔離, 咁梗係做咗一件必要嘅事先喇
而離婚, 我覺得暫時俾自己靜吓, 約吓朋友, 過返自己嘅生活先喇
5個讚
好似樓主咁忠誠嘅人，佢係值得人忠誠對待，而且追求一個忠誠嘅人其實冇話成唔成熟，忠誠根本係基本
只係而家過去左，又因為老公個時唔成功
所謂有幾愛就有幾恨
樓主真心真意咁愛足咁多年，難以接受好正常
不過比起當時老公成唔成功
佢而家已經表示好內疚，誠心道歉，其實咁都係珍貴嘅
好多野都真係一念之間
9個讚
我都覺呢個先係樓主真正想離婚既原因
信任問題/ 安全感問題
3個讚
我直頭覺得簽左約都可以違約，我真係冇信心自己/對方可以從一而終，唔係話要亂黎，但冇小朋友的話其實冇咩大不了。
應該冇咩人好似我咁諗。
1個讚
樓主令我諗起以前亡國一個大媽, 老公疑似同酒樓侍應flirt, 老公亦認左精神出軌, 當事人亦信老公未除褲,
佢同樓主一樣有道德潔癖(我唔係話有問題),
當事人講明唔離婚, 但就一直放唔開(我亦都唔係話佢有錯),
佢聲稱想修補關係, 老公亦有行動(e.g去旅行、食飯), 但當事人就一直比說話老公聽, 一直累鬥累。
我講咁多, 只係想問樓主有咩決定?
如果決定move on, 不如搵輔導, 我地呢度講咁多, 你未必入到腦, 你唔打算有改變的話, 我睇你性格同亡國大媽好似, 只會兩公婆繼續累鬥累
1個讚
樓主個PO標題同第一層嘅內容都令人疑惑。講到已容忍唔到自己老公之前嘅行為，思想，咁離。離咗都可以自己移民；或者唔離，自己移民，之後再搞離婚手續。移民同離婚係冇關係
移民定離婚… 估唔到係我要開topic
我覺得我唔會原諒到
第三者 出軌果d係我底線
依家諗緊係對我移民有咩影響
因為離婚會搞起碼一年
但唔離 自己一個移民又唔想有手尾跟
3個讚
唔離婚一定要改變自己想法，向前望，一味怨似怨婦好恐怖。
令我諗起Sammi，我一路都唔鐘意佢，但出事後佢寫咗篇文我好認同、好佩服佢。
樓主提到佢要老公坦白, 我已即諗起亡國大媽, 佢一樣係chur老公坦白(講緊件事發生後幾年都仲chur), come on, 男人角度認左出軌已經係坩白, 仲想佢講乜? 出軌嘅時地人?
2個讚
樓主，你要得到幸福要放下某啲執著
我明白原則重要，但好似上面有好多sis講：婚姻包括寛容，你老公冇大錯，唔需要離婚
1個讚
講緊幾年前…可唔可以當佢當年年紀輕思想唔成熟,比個機會呀…
函豐年間嘅野由!佢!啦! 
難得有人咁合拍,結左婚又專一,最緊要你愛呀嘛,
又唔係結左婚都係咁,活在當下啦
1個讚
點解咁多人覺得接受到？
如果我老公結婚之前，同緊我拍拖時原來諗過同第二個女仔一齊
我都會好嬲同埋失望囉
原來佢都唔係一心一意對我
係咪騎牛搵馬，搵唔到馬要生隻牛嘅心態先同我結婚？
但我都會聽佢解釋返
睇下佢咩理由 考慮翻呢幾年佢對自己好唔好
唔好去到先移民 好煩 搞掂哂先走
2個讚
淨係呢三樣，好多人搵一世都未搵到個咁嘅伴侶
感覺樓主都唔係好鍾意個老公，佢標題開宗明義嘅著眼點係離婚vs移民，佢嘅猶豫只係因為阻住佢移民，而唔係如何修補關係，如果佢無計劃移民，可能9秒9離咗。
3個讚
發現到老公曾經想出軌唔開心好正常喎
我唔明點解係「潔癖」？比著你發現你老公原來想追過第二個，即係選擇放棄呢段關係，都會心裡有刺啦！
係樓主「唔成熟」定係唔係發生喺自己身上所以講得咁易呢？
朋友講過女人要識隻眼開隻眼閉，我唔認同，但原來咁多人都係咁架？
講真比我都會嬲到想離婚，呢個係好真實嘅感受，亦都唔覺得要合埋眼當冇事發生過，我會講出黎甚至爆佢一鑊，唔期望要佢解釋啲咩，而係要比佢知佢咁樣破壞左我對佢嘅信任，我真係好唔開心。
不過樓主都要諗定你期望老公點回應，點處理呢件事，因為你問得應該其實都唔係好絕對地覺得一定要離婚？只係實在太失望？你話要佢坦白咁你想佢坦白啲乜野？同埋發生左其實佢都補救唔到，重要係佢點樣照顧返你當刻嘅感覺。
原唔原諒我都覺得無錯，但如果選擇左原諒就要學習真正close file，唔好下次鬧交又拎返出黎講，咁樣無限鞭屍會對雙方都冇好處。
4個讚
心理學有research講過,一啲冇結尾嘅事情,係最令人難以忘記
你老公對人念念不忘,未必因為好愛佢,而係因為當年可能冇好好結束
所以先會咁記掛
可能佢見完一面,問清楚想問嘅嘢,俾個結束自己
就唔會再係咁
再講多句,即使佢唔會再見到佢,未必有個結束
但係佢都揀咗你做老婆,你先係贏家
我有時都會諗返啲舊情人,有時甚至會message吓
純粹好奇對方近況
如果我老公因為咁同我離婚
就真係佢問題啦
4個讚
相愛很難
就難在其實雙方各有各寄望
你願意放下，就可以一齊再行落去
你不願放下，唯有分開
嘗試諗下佢對你的好
如果諗唔到就搵下一個
The best is not yet to come
移咗民可能有另一個天空
等價交換
一個人能唔能夠維持現有生活水平？
一個人有無能力移民？
仲有無吸引力再識過第二個人一齊過日子？
如以上皆是，咁即刻離婚
1個讚
你都已經唔愛你老公啦。離婚囉。
1個讚