做左十幾年嘢, 打算今年內移民, 如無意外應該做多2個月就會辭職, 唔知各位因移民辭職遞信果下有咩感覺? 老闆有挽留嗎? 你地會如實講移民啦BYEBYE你條尾?
其實好睇你老細本身性格播。個個一定唔同。但我幾個月內有2個舊公司同事辭職。都幾經典。
當第1個辭嘅時候 (做咗十幾年)，老細知道係咁踩英國幾差幾差，又話個同事英文唔好，搵唔到工生存唔到。當日仲要喺公司大大聲問大家，仲有邊個準備辭職一次過講晒 (當時已知起碼多2個同事其實都準備會走，但梗係唔會出聲
)
到第2個走，老細發晒癲喺度罵
由始至終老細其實唔鍾意呢個同事，但奈何佢能力高，我哋公司唔易請人，請到都好快走，因為一腳踢咩都要做。由佢話辭職老細當佢無到 (其實仲好，唔使煩)，有事就係咁針對佢狂對住呢個同事發洩🫣🫣
4個讚
我地公司無人走… (我好想D TOK 眼TOK鼻果D人話我知佢地要移民)
我自己都好想有呢一日…
3個讚
我係做左1x年辭職既，但唔係因為移民係因為大壓力。老細第一下聽就覺得係咪想加人工，以為我想轉工。後尾聽我講係因為工作壓力，佢就話咁加番人手(covid 時炒左人，每人workload 都大左)
成個過程擾攘左差唔多1個月佢先接受到。氹我留低時對我超nice, 到發現我真係要走，feel到佢好嬲話哂我做左1x年d嘢熟哂，佢重新揾人佢要適應。
1個讚
其實我同呢間公司都糾纏左十年左右, 離離合合夾埋都成10年時間喺度
我本身要2個月時間RESIGN嘅, 但如果我真係比2個月我都驚我老闆會發癲, 不過我又真係唔係好想咁快比佢知…
咁有無反轉豬肚? 刁難你?
其實佢點煩你都改變唔到你要移民既事實
咪有佢發癲
反正你已唔需要響香港搵工
你嬲起上黎亂咁handover 都仲得
所以你係惡過佢既
3個讚
我上份工都試過一個月走兩條友
不過唔關移民事既
話說 A 做左三個月以上
其實佢一個人做晒所有野都好吃力
仲要執上手手尾
我覺得佢都做得唔錯
但上面老細好多挑剔又extend 佢probation
佢咪唔高興搵工走
因為佢俾人extend 左probation 所以七日通知就走得
咁A 之前請左B 番黎under 佢幫佢手既
B 睇到A 咁樣都過唔到probation
結果A 走左之後B 都搵左工走人
應該前後腳真係一個月內既事
3個讚
其實都有諗過呢樣, 我可能等小朋友大左會回流, 所以都仲有可能會相見
如果我老闆肯其實我可以喺英國 WFH , 最多收少D啫, 未傾, 雖然我覺得機會唔高
好呀, D人走晒佢地自己做返囉
2個讚
我走時個決心都好大，因為覺得香港太絕望。
當時公司諗住升我職加人工，再請多個人under 我。
走就一定走，但個機會都好難得，有d 唔捨得。
我做咗1x年辭職。當時計劃中都係一年後會移民，不過因為政見提早辭職。
上司本身藍，之前係咁踩英國，所以辭職時我用家庭理由做藉口。女人出到家庭理由，其實就無嘢好講，所以都順利。但過咗一星期，佢就問我，其實係唔係移民呀？我否認。
大老細淺黃，我和大老細熟，所以都直接講真理由。大老細好大反應，係佢心目中，佢做嘅嘢唔算藍，但我就接受唔到。佢召我入房，和我交換政見。但我真係太決絕，後嚟就算明知留唔到我，佢都想理解。
1個讚
終於甩難，有勇氣離開
呢個年頭移民好出奇咩，走唔走駛鬼同人交代
1個讚
老闆冇問乜嘢
其實成日都有人嚟有人走，好平常
係攪埋啲清稅文件囉
你老細真係好多餘，令到仲響度做嘅人幾尷尬
5個讚
咁梗係有喇，我直接同佢handover，問長問短，又話我留低既嘢唔夠詳細，又話要我寫個sop。講真我做左1x年，好多嘢已經匿埋眼識做，簡化流程都唔會出錯。但佢就要我補呢樣補個樣囉。
雖然其實我辭左職當退休唔會再番工，但都會想有靚既ref letter 以備不時之需。所以我有盡量滿足佢要求，最尾個個月都真係幾難頂。
係㗎，佢專做令人尷尬嘅事
同專做小學雞嘅事。
鍾意你時，咩都得。唔鍾意你時你做咩都睇唔順眼
嗰陣時佢成日「阿妹前阿妹後」，我其實喺呢間公司做咗好多年，最後算係交惡離開
因為我助手結婚接近1年都忙到去唔到Honey Moon、然後佢搵到個時間終於請假去。我老細日日俾說話佢聽。又話嗰個時段有客嚟又剩，講真，不嬲呢個客嚟都接近全公司要接待，反正我都做開我會跟。但老細就硬係睇唔順眼。
同事準時放工又唔鍾意、請假又有說話講、我真係會同老細講，D同事月咁大個人，佢哋會識得安排工作。只要按時完成工作就Ok…逢星期六放假，到星期五都俾壓力大家，問邊個會返工，話佢請食早餐又剩。
重點，有一日我收到醫院電話屋企人彌留狀態，要我哋趕去醫院。
嘩，我已經唔係即時走，同佢講聲、交低工作俾助手，去到𨋢口佢開門，以為安慰我啦，誰不知佢話「你都幾多親戚」。然後閂門返入公司。
我去到醫院仲要同工廠仲有客聯絡仲同佢WhatsApp 交代。佢都唔滿意，返咗幾個鐘我仲俾夠1日假佢添
因為咁，成為導火線令我辭職。我本身坐房㗎，因為辭職，老細就扮有個朋友想租我間房用，我梗係話無問題啦，間房係公司家麻，我同同事一齊坐出面絕對無問題㗎。有一日佢真係搵個朋友入嚟坐㗎。自此呢個人無再出現
臨走前會展有展覽，原本安排晒人手，包括男同事一齊Set場。但嗰日佢只俾我同個女助手，共2人去Set場 (原本4人)。仲要遲遲唔俾我哋出發下晝先俾我哋去，最後Set到9點幾。連隔離Booth唔識嘅男人都問我哋點解公司只派2個女仔去Set場
最後嘅小學雞行為，第2日開始正式展覽，佢打電話俾個男同事，叫個男同事月喺公司Group話我個場Set得差又唔靚 (收線後個男同事即時WhatsApp 我單聲，話老細要佢咁做，而喺公司都有女同事聽到老細嘅對話)
然後我梗係叫男同事照老細吩咐做啦無謂得罪佢。
我咁嘅舊老細正唔正？
4個讚
我都係
已經做左咁多年
黎緊要走
真係好擔心又驚又有些期盼