老公今個星期請假，佢話應該少咗好多自由行，不如去迪士尼（平日）
但天氣咁熱，如果仲要多人排隊，好怕其中一樣我都捱唔過
有冇人最近去過可以分享吓？
二點前去，二點後應多人，因有七折，同埋多學校畢業旅行去廸士尼
3個讚
星期三最少人
1個讚
係啊，我早排好似11點幾到定12點，唔算多人
但2-3點後多人到爆
不過旨在行吓玩少少嘢，所以算Ok
加上多學生只返上晝，下晝好多學生入去玩㗎
1個讚
要預約先可以入去。
2個讚
原來而家要預約？
好多年冇去玩啦 ⋯
睇吓官網
1個讚
餵埋真好
有7折？！見唔到既
而家迪士尼8:30pm有煙花，但只係星期一五六日先有，所以3-4pm後一定多人，因為啲人夜D去等睇煙花。如果唔睇煙花，朝早一開門去一定好少人，星期三冇煙花相對又少人啲。
2個讚
我之前望過有，因為發現突然多左人入嚟，你上廸網站望下，（宜家唔知仲有冇）
就係見唔到7折tim
我上星期日去，朝早好少人，大部分遊戲直入。晏晝3-4pm多番少少人，但都係等5-10分鐘就玩得。比我多年前去既情況好好多！
1個讚
買左年票，我時不時去下。
朝早十點一開門去係最少人。
閒日係咪少人過星期六，日就要睇彩數，我試過星期三上午去以為人人返曬學就少人，點知有三，四間學校入來參觀。
又試過星期日好少人，大部分遊戲唔使排隊。
但有一個定律就係每日都岩用就係人人堆曬喺近入口的機動遊戲時，你就直衝到最入彈弓狗嗰到，由入玩返去出口，最能節省排隊時間
1個讚
我之前望過有，因為發現突然多左人入嚟所以上官網望，宜家望返無咗lu
該主題在最後一個回覆創建後90天后自動關閉。不再允許新的回覆。