話說加入新公司都一段時間。知道身邊同事間唔時約上幾手既舊同事岀黎食飯。最近叫埋我，話等我了解多啲呢個位做咩之類，咁都想盡快認識新公司運作文化，最後呢啲俾面派對有去。食飯開頭冇咩野，佢地問下我工作上搞緊咩，佢地互相吹下水，但後面發現上幾手舊同事開始放負，話呀頭點衰，咩咩好麻煩之類。現職同事又加把口話舊同事個個做到好慘之類，又冇啦啦話會睇住我，唔好擔心。
搞到全程唔知點回應佢地，都唔知佢地真係好人好心提醒定真係好似黎食花生睇我點中伏咁。
其實做咗一排暫時未覺工作如佢地所說，但聽完個心有時都有猜疑。最近佢地又叫我去食飯，搞到我唔知好唔好再去。。。大家點睇？有冇試過呢啲俾面派對同點應對好？
如果覺得唔舒服就唔好去
因為佢地冇叫上司老細，一陣唔小心入左是非黑洞仲衰
呢啲九成都係想你埋推攪小圈子，入到圈子會不停講人是非，俗語都有句來說是非者便是是非人，睇你自己想點，埋到推就日日都要聽人講是非，唔埋推有機會針對埋你！
我之前試過，有同事主動約我lunch，頭幾次可能冇乜嘢，試探下你口風先，之後可能越講越多是非，之後突然唔知點解唔彩我，可能我唔知幾時踩到佢條尾，開始杯角我，我都廢時理佢，日日聽是非真係好煩。
同埋我覺得約前幾代同事都有啲無謂
同事日日講是非，不斷放負，咪即刻叫聽者吸曬D負能量，好辛苦啫！呢樣野只會不斷重複，直到你頂唔順
我之前都有同D經常放負同事一齊食飯，但慢慢吸左好多負能量，開始頂唔順，加上佢成日似熟賣熟推D工作俾我，我寧願一個人都唔再埋佢堆，心情反而好左，諗嘢都無咁負面
因為前幾代同事都鍾意放負，物以類聚，鍾意放負嘅人多數啱傾，如果自問唔放負就唔好埋推，保持一定距離會好啲。
我又覺得冇咩問題
一次半次懷面下舊屎好正常
如果次次都係咁就有問題
由現職同事同我講話咩睇住我，我就覺得佢地好奇怪。點解好似跟大佬咁。。。
成日覺得打份工，啲野work 得smooth，搞掂好啲野就ok 。呢啲Gathering，去又唔係，唔去又唔係。很兩難，唔去就要冧下方法點say no好，之後都多合作，未太知班同事係點冧，好身不由己feel
真係上二三代都係曬度，岀到黎個個話掛住現職同事，又講曬幾代歷史故事岀黎，聽完係了解多咗既，但個心好似即刻有嘢Un 住咁
好多人鍾意是非當人情同用小圈子杯葛他人，最好係保持距離同扮下傻，為咗分工身不由己都冇辦法，真係頂唔順唯有走…
係呀，有時候都覺得啲人氣場係點好影響埋其他人，食完餐飯之後返工感覺啲同事仲好似怨多咗，有時候返工既心情真係差咗咁
你都講得啱，辦公室真係有太多呢啲人，有時候係度冧，世上有冇工真係可以係純綷啲，啲人可以簡單啲。不過有人地方就有是非人。。。唯有再冧下計仔避開佢地，廢事入得太多。謝謝你呀!
有，我試過2份工，同事們都好，少講是非，主要傾下大家生活嘅人同事，後生時講飲講食講娛樂電視之類，生咗小朋友就湊仔經，工作上大家做好自己本份，好同事難求，所以都做得耐，搵工都係講緣份。
講真，走得嘅，九成九唔滿意先走，梗係放負
岩岩入職冇耐仲係摸索階段
無論係咩同事同你講是非都唔好講埋一份，笑下就算
自己平時精靈啲，聽到幾多都唔好信哂，邊個係人邊個係鬼要靠自己感受同觀察
飯局除非好有需要埋堆啦，如果去完唔舒服都無謂勉強
上幾手都係哂道又放負令你唔自在都好正常，如果現階段你處理到公司嘅事，其實唔太需要將佢地講嘅野放係心入面