如題。未婚夫飲到不省人事+係的士嘔，嘔到成車同我成身都係，好彩的士司冇阻載仲幫手一齊搬左佢送佢上樓。司機走左後，我一個女人仔搬左佢番房…好不容易幫佢脫晒啲污糟衫褲，仲洗衣機洗埋一條龍。佢一直好似死屍甘反身係床訓，我攞左毛巾幫佢抹身順便希望令佢醒啲。轉個頭去幫毛巾沖一沖水時，佢突然sir左落地…突然醒左…睜大眼dup地發脾氣，然後沖左入廁所，大力拉左我出廁所，然後反鎖自己沖涼。我諗佢應該酒醒，所以我就安心去沖涼（因為我身有好多嘔吐物，好臭）。沖完涼我發現佢個廁所聲音唔對路…我好擔心佢暈左/撞親。醒起反鎖左嘅廁所門可以用硬幣開番… 一打開門見到佢赤條條係企缸成個人訓左係地… 好彩冇流血… 幾經辛苦救左佢出黎… 但好快佢企唔到… 成個人推埋我撞左埋牆…仲要係撞左兩次。撞完埋牆（我有整親但我冇理自己）我第一時間係擔心佢有冇整親個頭定邊… 檢查佢個頭個時佢突然開眼，兇神惡剎甘扭我個頭同扯頭髮…好似想殺左我甘… 我人生第一次覺得會比人殺死甘… 超驚… 冇幾耐佢又訓番…我見到佢赤條條喺廁所實在唔忍心，怕佢涼親… 於是抹乾完佢我就拉拉扯址送左佢上床… 見佢乾淨唒，我想幫佢著番內褲，希望佢舒服啲同對佢尊重啲。佢個人反身訓，而且對腳係甘郁… 真係好困難… 著著下發現條褲拉唔上了，唔知卡住左定責住左…… 我用力番身發現內褲卡住了佢小弟弟下面…我知大獲了，想拉番落黎之際，佢突然開眼彈起，叫好痛… 我都想像到好痛，我都唔想… 但佢實在太重我真係顧唔到360度… 佢突然好似想殺左我甘大叫…同大力推開我落地…佢對紅絲滿佈嘅眼好似想食左我甘… 我呢世都忘記唔到…佢好快又訓番，仲成個人打斜甘訓… 成身郁… 結果我搞到淩晨4點，選擇左出廳訓… 但我真係訓唔到… 今晚實在太恐怖。最後，我好驚係佢有啲暴力傾向…我好擔心我仲好唔好繼續一齊落去。
佢係第一次飲到咁醉？之前有冇試過同樣情況？
今次我覺得佢應該係神志不清下跌跌撞撞好幾次，迷迷糊糊之中佢可能都覺得自己被人殺緊
所以先咁大力反抗。
可以再觀察下，下次佢醉左，你唔好郁佢，你唔郁佢，佢都有暴力傾向，咁就要小心
樓主你有無受傷？有冇傷痕？等佢酒醒比佢睇，睇下佢點？
有痛同少少瘀。但我冇詳細檢查。而家啲衫乾緊衣，我想等啲衫搞掂，我就番自己屋企再檢查。
今次甘醉都係第一次。有次陪佢同朋友玩都係好醉，但個次係佢屋企玩，佢唔沖涼直接上床就訓左。我個次想拉佢去沖涼，但佢唔肯，又係成身酒氣成條屍甘係床唔郁，我好嬲點解佢甘人個人都唔識節制/自律一下/當初量力而為。嗰次我發左佢脾氣，喊到眼腫唒，要分手，結果call埋的士係大門要走個下，佢才清醒番，聽我講去沖涼同哄番我。
講真，我有點怕左同佢理論… 我怕佢會話我用啲相黎威脅佢…然後佢就會主動話甘分手啦。我都唔知點解對住佢，總係佢在上風，我在下風嘅感覺。
睇到你後面嗰句，睇嚟我哋都係唔洗勸樓主勒。
一個男人酒品咁差，祝你好運。
下
而家佢飲醉酒郁手郁腳喎
仲同佢理論？鬧爆佢都唔過分啦，飲到咁醉要人執手尾仲發酒瘟
岩岩個網友叫你俾佢睇吓你嘅傷勢，點解你會諗未婚夫第一個反應會覺得被威脅，同埋要同你分手
而唔係主動道歉
佢而家郁手打你喎，飲醉酒又點，你唔主動話分手都俾多佢
連郁哂手都忍，咁唔只係下把位
下次由佢訓街啦
em… 其實你都幾無謂，佢醉咪由得佢瞓
同個醉咗嘅人發脾氣同爭執極唔理智，要知道佢當下係唔清醒唔會做到正常judgement 同行動
醉咗嗰一晚半晚冇沖涼，攤下地下，唔換衫冇著褲，根本係唔會有任何問題… 送到番屋企入咗門口由佢攤喺到已經完成你要做嘅嘢，後續嘅事係你夾硬搞到佢唔舒服
你唔係佢阿媽，佢成年人第二朝醒咗見成身污糟自然會自己clean up!
你要做嘅係佢清醒之後，冷靜同佢傾(唔好帶住自己啲情緒傾/係咁指責佢），傾下係咪有酗酒問題，要點控制飲酒嘅量
同埋下次喺佢醉之前就要叫佢停…
做多左了、咁大個男人、尤佢係廁所瞓囉、最緊要係安全姐！你越好、怕失去佢、佢便會繼續咁對你！
女人、至緊要愛惜自己！
drama queen
同個醉咗嘅人發脾氣嗌分手係咩玩法
嗰堆幫佢抺身，幫佢換衫，洗衫一條龍，一個女人仔搬入房嘅行為全部不合時宜
只係你自己覺得自己好好，飲醉嗰個淨係想瞓覺唔好有人搞住
佢知唔知自己飲醉之後係咁暴力？
咁又唔可以就咁由佢攤，飲醉如果瞓著時嘔，嘔吐物有可能令人窒息，照顧者要把飲醉人士打側身瞓，咁就算嘔 啲嘔吐物都會流出嚟。
同意嗰啲洗衫、 抹身、沖涼、換衫，就係搵嚟搞，咁大個人，自己酒醒佢會搞啦。
對，我都好怕酒品差嘅人。
有一次朋友結婚 我做姐妹，佢老公有一枱朋友，未開席就開始飲酒，上到第4道菜已經有半枱醉到不醒人士，食到中途有一個仲喺廁所醉到暈咗，結果要叫白車，由8個大漢抬落去上白車。
我朋友塊面黑到呢，散席後有幾個醉咗瞓到豬咁，我哋姐妹走晒啲醉鬼都未走到。
喺老友大喜當日飲到叫白車，咩玩法，人出酒佢哋出命。
就憑你呢個感覺，同埋上一個post問婚後要交租，
唔嫁好過嫁。
搵啱人，應該係相處舒服，
就算有啲位要遷就顧忌，都係得幾個，
大部分係平等/上下風各佔一半。
今次醉左的確如上面姊妹所言，做多左。
除咗另一半有咩唔著，
都可以審視返平時同另一半相處互動，
點樣可以取得平衡點。
yes put him in recovery position
同埋醉咗嗰個去沖涼都危險
檢查佢有冇受傷同拉番出去係啱嘅
我以為你男友鬼上身
唔識自律同酒品差嘅男人，以後嘅生活會有排受，你都係襯未結婚揾過個啦
我係男人，都覺得你所謂未婚夫有問題啦，我自己未醉過，係因為有自控，如果係飲酒失控+動粗，真係趁未結考慮下個關係把啦
當然睇埋佢正常情況下對你係點，甚至你之後同佢傾返件事，如果佢能夠明白自己個情況，肯為你去改變自己，以後都唔飲到咁醉，咁先可以繼續行到落去
係呀，其實連去佢朋友到接佢都唔使啦根本，哈哈，咪由佢喺朋友到訓廳，訓醒自己搞掂，飲咁咁你幫佢沖涼又搬又剩，佢無事算好好，同埋明知自己唔夠力，何必攞苦黎辛，成年人一晚半晚飲大左好平常啫…