其實樓上嘈音問題已經持續幾個月了, 疫情前已經日日嘈.
樓上係租客 大陸人 有工人有小朋友
日日打掃/拉傢私(刺耳個隻)/掟玩具/跑/跳
我屋企日日好像地震咁
我數過每日撞我天花板幾百至一次千咁
送過傢私軟墊俾樓上, 寫過信, 貼過告示, 搵過管理處, 用過XX神器, XX喇叭
係比以前收斂左, 但噪音問題都仲存在
以前唔識反擊個時係咁死忍, 真係差D搞到有情緒問題
我知依家小朋友冇得放電好慘…但都可以影響到人啊…
搞到我依家係咁搵街出, 一係就勁夜先番去
點解咁冇教養 咁冇公德心
我啦
朝早六點幾開始揼野
半夜又會開機
好似攪拌機
失驚無神有袋好重既野掉落地
話時話。。我琴晚零晨一點半又係比d揼野聲嘈醒左。。。佢唔知攪咩揼左五分鐘度。不過，太眼訓冇理就訓返喇。。
樓上做咩關我咩事 點解下下都要話俾我知
佢地生活作息我完全摸熟哂 超無奈
我樓上都係咁,個細路由朝嘈到黑,日日都好似拆樓咁,我已經投訴過好多次,都唔知可以點 
我樓上都係咁，日嘈夜嘈，最慘每晚10:30後至凌晨三四點都仲會間歇性嘈，朝早9點後就開始係屋企跑跳同揼地，夜晚10點半至11:20分就狂跑跳，搵野揼地下，12點倒就拉枱櫈，之後大力關門跌下野落地下，到凌晨兩點半後至三點15分前就係度作地下，佢成家都癡L線架。。佢地搬左黎3個幾月4個月，日日如是，我夜晚十一點至一點到訓，都可以比佢哋嘈得醒果種
聽歌訓,聽網台,用耳筒,聽一邊
有呀，樓上2個細佬日日係度短跑！跳上跳落，變咗我全屋地震，突然一陣地震咁，嚇到個人心離一離，係日日夜夜係咁跳！救命我個人開始癲！點解咁冇家教咁冇公德心！
Me too,我依家要用耳塞先訓到 
我都係
樓上日日揼嘢，3日唔埋2日就鑽嘢，幾個月就裝修1次
呢排晚上11點幾就打鼓之後就有人跑嚟跑去咁
超級影響我生活…
但老公好似唔覺有問題咁，同佢講只係話佢都聽到，之後繼續睇香討 
我屋企都係呀 
日日好似有兩隻大笨象周圍走， 但我同樓上傾得埋所以唔好意思 complain。
但我俾樓下個 expat complain，話我 C6 好早起身冲涼返工。佢話D水聲嘈醒佢喎
我樓上都係咁，日日夜夜都跑同跳，之前不停同看更投訴都冇改善，最後C6打去管理處狠狠咁鬧左一鑊，而家情況改善左！
我估我係製造噪音果類家庭, 好彩小朋友都快中學/已中學, 如果唔係日日困在家真係會痴線.
好多阿爸阿媽根本唔管教小朋友, 又有d小朋友完全唔受教, 問題根源解決唔到, 真無計
我屋企都係! 樓上每朝7點幾就揼野, 假期都係, 想睏晏D都唔得
最衰係, 佢每揼幾分鐘停一停, 以為完啦, 點知過一陣佢又再揼, 次次想去搵下睇邊一戶, 偏偏搵唔到…
我都試過係lift口貼告示, 勁call管理處…好返少少…每次佢一嘈我又要爬起身打一打電話比管理處…但真係人都癲…
我都有諗過買D神器, 但驚嘈到其他人…
我係樓上兩層個黐線佬成日倒水同倒鳥糧落街
啲水成日跌落個窗框再彈落我間房度，啲鳥糧仲惹到我間屋有埋穀牛
上年佢有次真係倒水咁倒法，我已經即刻向窗外大叫你倒X夠未，佢都仲係繼續倒，我就躁到即刻落樓下再望返上去，睇吓係邊間屋做
我係睇住佢喺度開條膠水喉洗冷氣，而且係完全冇諗過要搵嘢載住啲污糟水，全部污水直跌落街，我仲睇住佢搵塊布抹完之後都扔埋落街，所以我即刻衝入大堂搵保安講返件事，我叫佢一齊出嚟望吓，佢又唔肯，又喺度hea我話佢哋會處理，點知一年後嘅而家根本冇改善過
香港地真係勁多黐線佬
我樓上係香港人，好辣，好野蠻，俾人投訴，人哋報警仲惡過啲警，當保安員死。
佢哋可以由朝嘈到晚，24/7，我以為佢哋殺人，勁大力劈個地同dump重嘢落地，再劈劈啪啪
有狗吠有小朋友喊
鬧管理處?
好多看更都係廢…我都投訴過幾次
打俾去管理公司都係冇用
點解D人可以個個鐘都拉野…又唔肯痴膠墊
報食環, 區議員, 報館.
拍片, 攪大佢!