有冇jm試過血色素低？
大約兩年前左右抽血發現血色素低，一路喺健康院覆診咗成年幾，抽過血／做過婦科檢查／驗大便etc，最後醫生覺得係經血多問題引起，就開始每個月食止血丸，成個過程都成年，最後血色素升返去12左右，醫生就close file。
近排抽血，又血色素低(8)，都唔係好知應該點做，打算今次睇私家，不過又唔知應該睇咩科。
有冇人試過血色素低，而又治療好，可以分享下睇咩醫生／做咩檢查嗎？感謝分享。
有呀，好耐之前試過血色素5點幾，要即刻輸血，之後間唔時食鐵丸就無乜事，一直都有少少貧血，唔嚴重無特別理
我都係啊，中學時期又係血色素好鬼低。當時因為會有胃痛情況，所以醫生幫我照胃鏡又Check心臟等等。
持續食幾年鐵丸，到大個咗都係會血色素低，好易暈。但己無咩點理
曾經我想捐血，問過醫生意見，佢話「妳唔使諗喇，人哋捐番俾妳差唔多」
經常，捐血經常遇到，除咗食多d含有鐵質嘅食物、食鐵丸外，無得醫。
我都係低呀
成日都差少少捐唔到血
M量唔多 但有血塊 醫生話血塊都關事 叫我食多啲紅肉
但日常生活冇大影響嘅 係起身唔好太急 大急會有5秒睇唔到嘢
1個讚
我
係上年身體檢查抽血先知
醫生問我係唔係行兩步攰 無乜記性之類
跟住開左鐵丸比我食
然後我食左兩個月鐵丸就移左民無跟進
而家就食均衡飲食 波菜 牛肉
So far而家無話好攰同頭暈
1個讚
係咪飲食出問題？
奶、茶、啡，要同多鐵食物分開食，咁鐵質先會吸收得好啲，所以會揀蛋、魚…
動物性鐵質例如豬、牛、肝類
植物性鐵質，例如芝麻，要同維他命C一齊食
或者食橙，就順便食埋鐵丸
我都唔肯定關唔關飲食時，因為大約半年前想去捐血，血色素13，姑娘話爭少少唔俾捐。
之後依半年生活習慣改變咗，就係開始咗減肥節食，唔知係咪有關(你講嘅食物一向都有食，只係近半年會食少咗)。
我都係 都係食下鐵軟糖 牛肉咁 但又冇頭暈
1個讚
長期7點幾。診斷為缺鐵性貧血。從不節食，但喜愛喝茶，可能就是這個原因導致鐵質吸收不良。
大概身體器官從小已經適應了這種狀態，年輕時完全沒有覺得有唔舒服，只係不能捐血。但年紀漸大，多咗頭暈，容易累。
有無做睇胃鏡？
試過得3.x，好彩而家長期都12,13
無啊，之前醫生安排咗驗便便，報告無嘢，醫生就排除咗腸胃出血。
請問做咗啲咩令自己升返？
可能真係咁，醫生曾經開過鐵丸俾我，問醫生有咩禁忌，醫生話無
，但我上網查過睇過話茶啡影響鐵吸收，食鐵丸同飲依類飲品要時間相隔
我都係好想捐血，但次次督手指都肥佬，宜家覺得有得捐血係一種福氣嚟
照一照安全D,我有個客，佢胸口痛，安排佢睇醫生，睇到有貧血，照超聲波，發現子宮有機瘤，照腸鏡，發現有息肉，好彩發現早，有兩粒已經初步突變，將來9成係cancer
1個讚
幾年前body check血色素9.x，醫生話通常胃出血，但大部份女性會係婦科病，咁啱到期婦檢，照到有子宮肌瘤，驗血驗到缺鐵性貧血，量多，有血塊，成日腳浮浮，易暈/攰，都鍾意飲茶，因為生暗瘡十幾歲已經介牛肉，最後要食止血丸同鐵丸，鐵丸後食埋橙或奇異果幫助吸收，1年後血色素開始回升keep住14.x，連子宮肌瘤細到照唔到close file
1個讚
我當年都係喎
呼吸困難，入咗私家醫院，驗血得7度，失血原因不明，
發現有啲身體細胞係血液出現，
再抽十幾支血去化驗，
跌到得返5度，立即輸血，
照正電子掃描，
身體有地方淋巴核比正常大，唔係惡性細胞，
醫生開高劑量 類固醇+葉酸，兩個月之後，
好彩⋯⋯身體開始回復正常，
出院之後，自己都食好多 牛肉 及 豬紅，血紅指數先升得咁快。
三個之後再照多一次正電腦掃描，同之前一樣，無特別發現。