BNO VISA 應該就快批，租客岩岩搬走，想快D賣樓，我係咪應該放多D鎖匙去幾間地產鋪？定係搵間做獨家？層3百尺單幢樓雖然近沙中線，但成40年樓，想放已經有難度，所以唔望有靚價，只希望留到D錢俾父母，自己袋少少走就算。
第一次賣樓，請指教！
聽講喺英國冬天好難搵到樓租，所以希望盡早去到埗。
可以考慮照放, 同時做定張POWER OF ATTORNEY比父母賣樓 (可代收錢果隻), 咁你就唔駛賤價放
3個讚
單棟近沙中，放租應該收歡迎，應該有投資客，不過近排樓市麻麻。
想八下邊區。
1個讚
明白, thx
鑽石山，
我地果度好好租，又遇到個好租客，每月準時自動俾入數紙我地，冇搵我地整過野，我地要佢走佢仲問不如加D租，唔使佢搬啦，我地都唔好意思。
1個讚
放多D鎖匙去幾間地產鋪、另外自己上28 hse post! 不要做獨家！
1個讚
應該係鳳凰新邨個d ?
只想提醒閣下 “千萬唔好玩 獨家” ，一定後悔
7個讚
加佣金會好好多
1個讚
多謝你意見！
係呀，果度最多舊樓
收到！多謝指教！ 
多謝你提意
匙盤，全世界地產派
3個讚
純粹問下，其實如果好租嘅，會唔會枱面轉父母名，繼續收租，然後用你父母名按返出去，套現你想帶走嘅少量金錢，用租金供樓，有剩嘅咪父母使費，會唔會好過賤賣？咁個舊租客咪唔使搬囉
多謝你既意見！
我有諗過，但我父母本身名下有物業，唔知會唔會轉俾佢地時要交重稅?
另外，層樓都舊又單幢，管理費貴過半山豪宅，我老公怕日後好多錢要夾，所以佢傾向早賣早著。
更重點係層樓主力我老公出錢，要轉俾佢外父母，我怕佢有意見但唔好意思講，心中有條刺，所以未到最後一步都唔想。
你知做人老婆+女係要諗好多…
2個讚
知道！多謝你指點。
你老爺奶奶呢？
我覺得市況都係早賣著數
仲要未維修、早賣早著
但依家樓市唔太好，好多都減價求售，要有心理準備可能未必有靚價