其實係老公精子唔得，但係呀毒姑同奶奶久唔久就會喺度暗示叫我去睇乜驗乜，又話我瘦呀好弱(佢地全家癡肥、三高)，中醫西醫都話我身體狀況好好，我都唔知佢地班三高人仕憑乜話我？真係想小爆佢地 
3個讚
嘩，你好委屈
同埋生唔生關佢哋咩事
咁想生叫佢地自己生啦
你老公有冇幫口？有冇搞錯啊，如果佢咁都唔幫口，其實生左之後你都會好委屈
12個讚
辛苦你啦 feel 到有幾難頂 我都係瘦底…
因為大伯十幾年都生唔到，所以佢地將期望放曬喺我度，我懷疑大伯可能都係呢個原因囉，話曬兩兄弟
我老公唔會幫口，咁樣衰唔會公開講，而且佢根本唔接受/承認自己有問題
2個讚
其實瘦人先至健康囉，好多長期病都係源自肥
唔使理佢地咁多, 同佢地講你兩公婆無諗住生仔, 唔使再講咁多…
1個讚
鄧樓主慘 
2個讚
咁你好慘
講真如果佢明明係自己問題，就算佢唔爆係佢問題都唔應該由你去不斷承受佢地俾你嘅壓力，佢應該叫自己嘅呀媽同姐妹收下口，唔好再叫你檢查/俾壓力你
10個讚
如果老公唔幫口, 我都唔會不停啞忍維護佢 
搞清楚係佢屋企人俾壓力, 咁佢應該都要share返, 嗰d係佢原生屋企人喎
21個讚
其實俾著係我，我都真係有可能會照直講
咁講嘅態度同場合可以自己盡量去就返
仲要帶哂堆證明文件去俾佢地睇
大佬，如果佢地有80、90歲命，真係有排頂
一唔係就同老公講清楚
如果唔想我遠離佢地，佢有責任出聲
11個讚
係架, 明明自己冇事冇幹, 做咩俾人屈咁耐?
有屋企人笑佢, 咁係佢同佢屋企人之間嘅關係, 點可以因為樣衰, 就要個老婆頂晒d閒言閒語呀
1個讚
佢地已經知道我係會諗生仔
係囉，生仔仲要係2個人先成事，唔明白點解淨係叫我驗，從來唔會問我老公！
我都有諗過照直講，就快頂唔順
但係每次都係講唔出，唔想老公難堪，又唔想做到頂撞佢地咁 
搵次去食飯, 話自己做完check up, 醫生返咗report話好健康, 身體非常ready有小朋友, 但唔知點解都冇 (扮慘樣), 睇佢哋咩反應, 再講吓兩個人都要健康之類說話, 引導佢哋覺得係你老公有問題
<以上屎橋, 假設你老公仍然唔肯幫口時使用>
17個讚
你好好呀, 會諗你老公感受, 咁你老公呢?
平時對你幾好都冇用喇, 都唔肯保護你, 仲要已經唔係叫佢喺街外人面前幫口
原諒我講得有d絕情, 因為我覺得佢係你老公(最親嘅人)都唔幫, 咁邊個會幫?
14個讚
嗰D係你老公屋企人，但你老公都唔幫你講出真相。
如果係我，我唔會忍，直接攞份丁丁report俾佢地睇，點解要忍？
3個讚
明明係你老公問題，呢啲野應該佢自己同屋企人交代返，可以唔講真相，佢係愛你既，唔會忍心你咁樣受委屈，點都要用啲藉口黎令到佢屋企人收口
3個讚
比個限期你老公去同自己屋企人講 佢唔講就自己去講或者直接比份報告佢地睇收佢地聲
你老公明知佢屋企人咁對你都仲可以為左果少少面就由你去受呢d委屈 你老公都好大問題 仲有呢個年代精子唔得都唔係咩大不了既事啦 怕咩講
4個讚
其實我明白你架
你識大體，善良，顧老公感受同面子
但係有時好易會拿捏唔到平衡
顧人之外要諗下佢地有冇顧及你，你冇需要去承受佢地嘅言語
你同老公傾下呢個問題
最理想當然由老公做橋梁
唔得就睇下點樣大體啲交代，捍衛自己
因為如果咁樣嘅情況，就算有解決方法去生bb，呢個都係一個好大好嚴重嘅問題，會令自己將來好委屈
4個讚