唔知係咪成長環境問題
老公好痴身，係真係痴住你，成日搞你，掂你，錫你個隻
講出黎好似曬命咁，有無人老公都係咁？
2個讚
冇，但有朋友係咁
食飯都未有耐食完，佢老公就出嚟話接佢，催生曬咁
Sorry,其實咁樣都幾病態 
我朋友都係咁，出街食飯食到一半，已經話係附近接佢；要我朋友陪佢睇電視、打機、玩電話，一米以外已經接受唔到，我形容佢老公係「竉物式竉愛」
可能同成長係女人家庭嘅拉仔有關，老豆一早走咗，阿媽仲有幾個家姐總有一個係佢身邊，總之好鬼煩⋯⋯
2個讚
我老公少少，次次出街都會介意我有無主動拖住佢，平時會留意我有無text佢噓寒問暖，多唔多主動攬佢呀、會介意我有無將佢放第一位，要關心佢多過關心仔女…
盡做啦
1個讚
請問結咗婚幾多年?
我有個朋友老公都係咁
好鬼煩囉
又有一個話唔可以有男性朋友
某次又要攪 house warming, 唔知做乜又叫個男性朋友嚟
仲要叫我地扮係我地嘅朋友
我地點會無啦啦叫自己嘅朋友去佢屋企呀
3個讚
我老公有少少，由房落嚟唔見我係廳同廚房會搵我，會問小朋友媽咪去咗邊。同朋友出街食飯，會 whatsapp 問我幾時返，有時會接埋我返屋企。
呢個好笑。
我好怕D男人對老婆，女朋友冇信心。搞到D老婆/女朋友變相講大話。
其實我都係聽老婆version
我唔知佢老公係咪真係mind
不過佢兩公婆都怪怪地
結埋婚就愈來愈嚴重，頂唔順疏遠
2個讚
吓唔係曬命，我覺得好恐怖，我老公係咁我一腳踢佢
4個讚
我朋友個老公，明知老婆同女性朋友食飯都要奪命追魂call，唔聽電話好似勾佬咁。9點未夠就話好返屋企條街好危險。
2個讚
睇完大家嘅留言，好似唔係痴身咁簡單，係有d控制慾，好似要掌握你嘅人生自由咁
2個讚
類似，但我地個個都識嘅
又有一次用app 跟到黎
好變態
有frd係咁，佢同朋友食飯個老公都一定要一齊，坐係隔離㩒電話。佢話就連同自己屋企人食飯都一定要同埋老公一齊
好煩架，約佢食飯一定要見埋佢老公，傾計都唔自在。唔約佢俾佢知道又唔鍾意
1個讚
係呀，大家講嗰啲仲恐佈過樓主嘅例子。
我講返樓主嗰啲例子，即係好鐘意攬攬錫錫搞下你嗰啲。如果我老公wfh，成日見著，佢都會係咁，手痕。如果我有嘢做就會避開佢，唔好行過佢面前引佢。得閒就陪佢玩下。
1個讚
根本連拍拖唔會
男人要似番個男人
心理有障礙
同埋會好大壓力