我有個年過半百的嫲嫲 佢保守起見已經吃煙吃左
三十幾年
佢宜家身體越來越唔好 三個月前仲查到子宮肌瘤
佢之前戒左一排煙 但好快又吃返
我宜家日日勸佢戒煙佢都發脾氣 話無人權 話自己無樂趣 甚至以死相迫
在咁落去我真係好擔心佢身體 
想問下應該點叫佢戒煙好
1個讚
係咪同住？試下話佢影響緊子孫健康咁，得唔得？
不過話說回來，只要唔影響到人，佢真係有權食煙。雖然你好有心為佢好，但要叫一個三十年煙癮嘅人戒煙唔係咁易。盡咗力就算了。
1個讚
比登天仲難
我老豆食煙講左影響屋企人咁耐都無戒，我女都出世都無戒，我只能盡量唔俾佢抱個女，費事個女聞到佢身上果種煙屎味
1個讚
我地係同住 仲有兩個細佬 佢每次淨係會叫我地避開d
其實真係好難勸，我爸爸生前都食咗幾十年煙，直至十幾年前個肺有事，佢都會間中偷食煙。我媽成日罵佢，但我哋反而好間中勸吓佢咁。
到7-8年前？因為個肺差D死，佢開始驚，而我就同佢講，如果想見耐D孫仔孫女，真係乖乖哋戒煙，好明白食咗幾十年好難做到。唯有盡量囉。
最後，真係戒咗。已經好叻了。
放棄啦！
佢都唔想，或佢都唔得，你點會勸到
1個讚
有親戚食左煙幾十年，
差唔多60歲，
咳左好耐都唔好，
去做身體檢查話肺有啲一粒粒嘅野，
要一星期一次去做化療。
身體係自己嘅自己先最清楚。
男士可能唔係咁清楚，子宮肌瘤其實好common，過咗50後先check到有其實算好遲，停咗經基本上都唔使點理
你叫佢戒煙，咁你搵乜嘢嚟填補呢個空缺？
多時唔係一句"我為你好"就足夠，你要代入佢嘅角度去睇，佢食煙食咗大半世人，正所謂食煙多過你食米，憑乜嘢要聽你支笛呢？你描述嘅方式，完全係你自己角度出發，呢個方式除咗傷感情之外，我唔知有乜嘢成效
打個比喻，睇完你講嘅嘢，我覺得就好似睇見啲女仔，好想改變佢男朋友，結果搞到炒大鑊咁，唔知你明唔明我想表達乜嘢
btw 其實好多時，心理健康比身體健康更重要
4個讚
其實真係要當事人自己想戒先會大機會啲戒到
我識人食左五十年，冇為仔女，冇為孫仔女戒，最多行開食，最後都係因為佢自己健康問題而決定戒煙
而戒煙都唔會話一戒就會身體健康，佢地個身體食左咁多年煙，會習慣左呢種物質，所以好多老人家戒煙初期會有好多身體問題出現，都未計心癮
佢地好多時會有錯覺，覺得自己戒左仲衰，其實係戒煙過程身體調節緊，就會產生原本冇嘅健康問題，你嫲嫲係咪頂唔到呢個調整過程呢
同埋要說服人改變最好都係從佢嘅角度出發，佢自己想改變個決心係大好多
上一代D人以為食煙無問題，阿邊個食到90歲啦都無事，無想過而家D煙加左好多物質。
一定要盡力叫佢戒，等到身體有事就反唔到轉頭。
睇下佢重視D咩啦，再想辦法威脅佢， 勸佢係無動力嘅，尤其是D老人家，佢哋會覺得反正都會死啦。
講多D例子比佢聽，倒如有個朋友中風入左老人院 唔旭得，食飯都要人餵，睇見都心噏。佢會自己聯想到自己到時會點，家人會點。
勸唔到的. 我亞媽陀住B都食, 病到入醫院同坐飛機最難受係食唔到煙, 咳到嘔最多食少兩三日. 佢話寧願死都唔可以唔食.
自己健康自己負責，到時佢食煙食到出事唔好怪d 子孫唔理佢。