肯互相妥協係好事，其實我唔係主張樓主離婚，而係考慮件事時要諗多幾個將來嘅可能性
生一個小朋友係為另一個生命負責。唔可能完全預計晒問題同風險，但起碼自己心態同客觀條件上都應該做好準備。而「迫住要生」其實咁諗心態都唔健康，到最後可能苦了自己。
1個讚
非常之認同
男人係冇女人咁快投入，因為女人會經歷十月懷胎同生產，呢個過程對女人嘅生理心理上好大影響，係男女大不同，呢個係要考慮嘅野，男人通常唔會理解，所以對女人黎講係個伏位黎
而男人又會覺得點解個老婆生完變左咁鬼多，呢個對男人黎講，又係個伏位黎
女人生完通常都係受大圍壓力嘅人，好多時小朋友有咩唔舒服，連自己都俾好大壓力自己，伴侶要識得安慰同支持都好重要
其實男人唔係話一定做得差/好易，正因為兩個都唔容易，所以要考慮清楚
其實呢度嘅網友都好好，大方分享左好多睇法，我自己都有好多得著
3個讚
你小朋友好細？
大大下就好好多㗎啦
1個讚
佢只係試探咋，好老實講，我唔明點解咁serious 嘅問題要兇老公嚟溝通
2個讚
你講左一樣好重要嘅野
如果再傾其實靠兇係解決唔到問題，佢自己內心最怕、最擔心嘅事根本冇好具體咁傳遞俾老公
好多時咁樣做只係令對方覺得，「哦，你大我，我就偏要做俾你睇」
或者「點解我做左咁多，付出左咁多，你都仲係咁質疑我做唔到」
結果大家好容易冇認清問題嘅本質
佢地有自己一向嘅相處方式嘅
唔能夠係咁質疑啲細節位，可能佢本身都真係好抗拒，見到老公咁努力想說服佢佢又拒絕到覺得好煩
唔係每一次溝通都可以好有條理
都係我嘅猜測
2個讚
我有對朋友，結婚前做曬婚姻輔導，一講到生仔問題就有分歧。但情到濃時，唔想為呢個問題唔一齊，佢哋好鍾意對方，都係想同對方結婚。
女人35歲開始，男人和男家就間中提想要小朋友。不過男人無財政準備，女人身體亦唔好，而且婚前已經分歧，所以女人就一直拖。我好擔心佢身體，所以一直叫佢唔好生。
後嚟近40，意外有咗。女人身體出現各種問題，不過佢都鍾意個B
我一個人大概600k 一年我都覺得生活一般（無樓要租屋，進修有開支，有儲錢），兩個人生活供埋樓/無進修開支，都係剛好無咩錢儲，其實呢個收入生埋仔個生活都幾差下。人地或者三四萬個月，一家三四口都叫夠，但或者唔使供/租樓，5萬扣供/租再除返開人頭條數都係差唔多。
錢唔夠就唔生仔係一件極度合理既事，生左係三口人都要捱，無咩人做一個決定係為左長期捱落去，最多都係為左更好未來陣痛下。
當時無傾生育問題就結婚？ 係呀 個人認為結婚真係要一時衝動同有愛就夠 大家鐘意大家想同大家結婚就結左 … 之後先發現原來有好多問題 例如住屋 所以我地都儲左一排錢 2年前先搬出黎 …
咁之後就到生b問題 婚前老公都知我唔多鐘意小朋友 不過咁我都衰既 我無話一定唔生 係唔想咁早同經濟好d 穩定d先 之後又到hk呢幾年咁多事發生 所以變左更唔想咁快生 想睇多幾年先決定 佢都明既 但因為佢鐘意小朋友 所以比我心急 … 當你有時見佢好想生 亦有作出努力時 你作為佢另一半一定會1516 同埋有少少心軟既
當然 因為生b 問題同佢講過不如離婚 咁正常佢唔通答好咩？！ 我唔係全心兇佢 只係當刻我覺得 你咁想生
我又咁唔想生 咁不如我放生你 先提出離婚建議比佢考慮下 … 亦有網友話驚唔驚佢揾第二個生？ 咁如果要揾第二個 唔洗生bb 都可以揾 如果咁 我唔做垃圾回收嫁
綜合大家意見 我都睇得出我暫時唔適合生住我會再同先生好好傾下 或者比下呢個post 佢睇
7個讚
信我，最後佢只會睇到有班女人慫恿我老婆同我離婚同唔好生仔
2個讚
d 撚人話有能力識教，生仔對得對住天地良心
坦白承認唔想生，直接了當冇嘢好傾，唔通要自己硬食咩。冇共識嘅婚姻就係咁，要傾嘅時間已經過左。
1個讚
千祈唔好比假希望人，累人一世。
3個讚
將生唔生仔上升到對唔對得住天地良心又好似誇張左少少。點都好，生唔生自己計劃，人生就好似捉一盤棋，旁觀者不得依牙鬆槓。只能講諗清楚先。
1個讚
坦白講，我覺得呢啲全部都係藉口，你好明顯一啲都唔想生，但又唔想咁直接同老公講，因為一認真講，你哋只能分開。
你唔好成日同老公講 “暫時” 唔想，“遲啲先”，對一個想生BB嘅人嚟講，呢啲說話好折磨，咩叫 “暫時“？“遲啲”係幾時？等到大家退休先生？攞長者卡時再考慮？
男人同女人都會老，你老公都會想趁有氣有力時去湊BB，陪小朋友玩，你唔想生就坦白同佢講，等佢自己考慮，選擇繼續同你一齊但無小朋友，定放生大家。
16個讚
你呢段好中，就好似有時老婆想移民，老公hea答之後再諗，過多幾年先，再研究下，呢d 說話一樣令人好憫憎。
呢到都有會員係唔生，但係佢地好明確知自己想點。感覺樓主自己都未下定決心生家唔生，我反而覺得同老公溝通前，自己都搞清楚自己係想點先。
3個讚
講得好好。但樓主應該唔想生又唔想放生，拖到天荒地老然後個老公就天長地久咁等等等，等到海枯石爛，最後得個桔。
1個讚
我講左喇。。 佢咪話唔生算 但仍然希望我會有改變主意既一日
4個讚
每次佢話想生 我都已經話我唔生呀 你唔好諗。。
1個讚
唔認同每對夫婦都要有晒共識先去結婚囉。。 今日可能有共識 人會變 5年後10年後 想法都左可能唔同
4個讚
冇共識都可以結婚，有問題先去處理，就好似你哋咁，一樣得架，各人喜好唔同。你哋生育問題冇共識，當然都可以結婚啦，而家咁幾好丫，大家雖然步伐唔同、對家庭期望唔同、對將來嘅計劃都唔同，但至少佢愛你，甘心放低自己嘅期盼來成全你。你好幸福。
6個讚