係，可以係為買樓
或者拎免稅額
或者spouse福利
其實結左婚可以有既福利同保障的確多d
都有唔少人係結婚唔生仔嘅
結婚如果唔係為愛情，我一定唔結
3個讚
其實我覺得你可以由「湊」方面同你老公傾好先，
因為湊衣個問題係最必需，完全慳唔到錢嘅一項。
如果你地真係生左小朋友，咁會係邊個湊？
我估你一定唔會做ftm，咁係工人姐姐湊？定長老湊？
如果係姐姐湊嘅話，萬一姐姐唔做，再請都要時間架，中間個陣真空期，邊個會湊？係唔係你老公都會負責？
如果想長老湊，就真係要問定長老們，邊個想湊？傾好家用比多幾多等等問題。咁如果長老病咗或者各種原因湊唔到，咁點算先？
最差嘅情況，真係是但一方要辭職湊仔嘅時候，佢打算係邊個辭職？
你要試你老公係真係想養一個小朋友定只係想玩一個小朋友，就要問到咁仔細，
如果佢答你衣啲情況未必會發生嘅，或者到時先算，你就真係千萬唔好生啦，
但如果佢真係答到你點解決問題，咁佢都似真係會對小朋友負責任嘅人，你可以再考慮下會唔會為佢而生小朋友。
同埋我見你主要都係話未玩夠，唔想降低生活質素，所以唔想生住，但其實你衣個答法對你老公黎講係好「虛」，唔知你究竟係唔想生定唔想生住？
你哋不如傾下，係咩客觀條件下，你會願意生小朋友？（例如收入要幾多，住屋要幾多呎或者你想玩到幾多歲為之玩夠等等）
等你老公評估下你地有冇可能做到，
唔好比個假希望佢你可能會生架咁。
9個讚
幾多老公把口話湊，到時就掉比個老婆。一定要傾清楚，到時唔湊你點？迫佢妥協一啲條件
同你一樣情況，一個想一個唔想，唔係錢，純粹覺得兩個都係工作狂，八九點先放工點湊仔…但最終係臨高齡屈服咗，但認真毛表示就算老公肯幫手都係放心唔落，最終都係自己要有啲犧牲。事業上就係因為唔想俾人湊，所以已經唔再諗住上位，都算係個小小遺憾，都唔算有後悔，因為個仔都算係個動力，stay healthy and stay positive
1個讚
先唔講湊仔嘅問題
懷孕10個月要變肥水腫皮膚差仲可能會唔舒服
再要經歷十級痛或者捱一刀
男人永遠唔會明白女人要幾大犧牲
我諗兩位有啲誤會。
結婚當然唔一定為生小朋友，但結婚一定唔係好似拍拖咁「兩個人鐘意對方」就簽紙，而係承諾將來一生一世，遇到難題會合力解決，所以「離婚」並唔應該係傾傾吓發現大家對未來冇共識而發生，因為共識係簽呢個名之前做嘅。
家庭唔一定係有小朋友喎～兩個人都可以組織一個家，不過呢個家究竟係屬於兩個人定三個人，定四五六個人？當中包括會唔會有小朋友，會唔會同老人家住等等，都係要「簽紙」前傾好，而唔係結婚後先「突然產生」嘅問題。
6個讚
但我都欣賞樓主了解自己未玩夠/唔想生活質素下降唔鍾意小朋友等等，清楚自己唔想要小朋友係件好事
而我就係慘敗，因為高估自己耐性，處理能力等等，諗住我雖然唔係話好鍾意小朋友但都未去到討厭，既然老公想又講到冇就唔完整 family 好遺憾之類，我自以為可以 handle 到就生咗喇！
所以唔想生唔鍾意小朋友就唔好生，冇得勉強
不過樓主都要認真同老公傾清楚以免後悔
2個讚
請問慘敗係咩意思？係咪好勞心勞力。
俾你揀多次，你會唔會再生？
我同意
組成一個家庭除咗愛，仲有好多現實問題。而愛係有可能隨住現實問題改變，如果唔係就唔會有離婚啦。
兩人對生仔冇共識係其中一個問題。好現實，男人去到五六十歲都仲生到，女人呢？生完都未必咁快恢復到。生理結構不同係客觀事實，本來已因為婚前冇生仔共識而引起婚後矛盾，如果到中年時個男人都仲堅持生仔，佢隨時可搵過個後生嘅。我覺得唔能夠排除呢個可能性，係要考慮。
當然生定唔生唔係大是大非，冇標準答案。但人係應該平衡現實同理想，搵個對自己有利嘅解決方法。樓主自己諗清楚。
P.S. 27歲都唔細，點會連生唔生小朋友都冇傾過就結婚，閃婚嚟架？定係突然先爆出生仔嘅討論？
1個讚
結婚先要有愛，其餘現實問題再諗
一個男人如果因為伴侶唔肯生而離婚，絕對唔好阻佢。正常唔想生已經唔要個老婆，咁更加唔好講個老婆生唔出/健康有問題/有絕症/早死…
我唔係話個男人衰晒，佢因為要生而離婚都明白，我只係覺得咁現實，其實愛極有限，將來亦唔使諗面對其他現實問題，快啲離婚唔係壞事
其實真係唔出奇，好多人都係咁，我當年冇講過一定生，我只係話我都相當討厭細路，我老公就話想生一個，咁我哋就話到咁上下先傾啦，結咗先
當然，你亦可以話我老公最後讓步係因為佢都唔算好鍾意細路，又可以話好愛我就我，我自己都冇話好肯定係前者定後者
講到尾，一個想生一個唔想生嘅婚姻，你係搏緊A生咗，但唔想生嗰個極後悔，影響婚姻
or
B 冇生，但想生嗰個極遺憾，影響婚姻
真係冇對錯，但我個人好反對唔生就risk老公出去搵第二個生／而家唔生到四十生唔出就後悔呢類言論。點解？因為好簡單，老公搵第二個根本你生唔生都會搵，賤男係冇分別。
第二，你四十後悔唔生，唔代表你六十歲唔會慶幸自己冇生。而且所有嘢並唔justify三十歲唔想生都要夾硬生出嚟呢個咁唔理智嘅決定
個人睇法啫，戴頭盔
4個讚
完全認同
女人唔生仔，就可以justify男人搵第二個女人生？唔係呀嘛，咩年代，原來大家思想咁封建
依家外國已唔叫child-less，係叫child-free，無兒女一身輕！
所以生定唔生唔係d大是大非問題，冇標準答案。人人都應該為自己決定負責。
愛好重要，但人生目標可以唔同。如果老公好想生，而老婆唔想，傾掂數離婚各自搵理想，老公搵人生仔，老婆繼續享受人生，咁我唔覺得邊一邊係賤人。賤嘅行為應該係是但一邊婚外情、出軌呀咁先賤。
換一換角度，如果老公出post, 話自己真係好想要小朋友，但老婆唔想，既然目標唔同，老婆仲後生不如分開各自找尋合適嘅人走埋下半場… 嗱我接受到架。我唔係唔愛你、但步伐真係唔一致，而我覺得生仔緊要過另一半，咁咪各自放生大家囉，好過老咗大家先後悔同埋怨。
當然知易行難，而且將來嘅嘢大家都係預測，冇人知會唔會發生，所以我先話要響現實同理想攞平衡。
5個讚
唔係生唔生嘅問題，係大家目標已唔一致，究竟係是旦一邊妥協？兩邊搵方法互相妥協？定分開重新搵過合適嘅人？
如果覺得男人一定要遷就女人而接受放棄自己想生仔嘅想法，同要求女人為頭家應該要做FTM一樣，我覺得咁先封建。咁係強迫要求對方為成就自己而放棄自己想要嘅嘢（傾掂數、願意自己妥協除外）。
2個讚
係呀
好勁超出我預期既辛苦
時時刻刻挑戰我底線耐性（我先知原來自己咁低 EQ so sad)
揀多次當然唔生啦！仲唔會結婚，我原來咁嚮往自由。。。唉
大家唔好學我，要好好清楚了解自己想點
4個讚
其實樓主有講返
佢地有好認真討論過離婚，但樓主老公唔希望離婚，寧願唔生
而樓主見到自己老公好有擔當，照顧家庭同改善自己包括因為樓主有錢銀上嘅憂慮去努力搵錢，所以開始諗係咪應該要趁早生
睇得出佢地兩個都願意作出改變啊，係好事，我諗不至於要婚離掛暫時
改善需要時間，樓主亦未能釋除疑慮，15 16
樓主有個好老公，樓上都見到有好好嘅建議，點具體啲同老公商量，樓主好清楚覺得自己唔想生其實冇問題，真係要整理好自己嘅想法
有位朋友講得好岩，如果真係無論點都唔會想生，唔好俾假希望老公喇
2個讚
其實好多媽媽生完都會有機會後悔生嘅
大佬一世人流流長
咁媽媽都係人，唔係聖人，總會遇上困難，尤其係教養方面遇到困難時，有時遇著個老公又唔生性自己好似湊多個咁，日日復日日咁面對小朋友同產後夫妻問題咪會忍唔住諗生黎搞著自己，生咩丫生
一時之氣，有悔氣都係好正常
但我諗大多數媽媽雖然曾經會有呢啲想法，但都係好愛自己個bb嘅，呻完就繼續努力，投入返角色，只係好無助產生出負面情緒姐
所以你都要加油，真係辛苦你喇
只能講其實媽媽有時係個吃力不討好嘅角色
咁唔係話爸爸好好做，其實一個有小朋友嘅家庭，爸爸壓力都會非常大
好多時生完小朋友，一個好嘅爸爸未必係一個好嘅老公，反之亦然，其實套用係女方都係一樣
生完小朋友夫妻會出現問題唔係一定係男女方是但一邊嘅，好多時係老公老婆唔記得左自己先係家庭嘅核心，將太多注意力集中左係小朋友身上，唔係話咁樣係錯，而係平衡係好重要
咁而家樓主係女方，未生又想生嘅話，先評估自己老公是否足夠成熟可靠再決定生唔生會瀨野瀨得少一啲
P.S. 呢位媽媽you are not alone
🫣🥹冇事嘅，大家一齊努力
3個讚