上次分享左落地大半年既生活
幾個月過去 有新update
我依家係一名美甲師！
四月時因為不愉快事件，我毅然resign左麥記既工作，然後我決定學一門手藝，美甲！
係香港我整左十幾年甲啦，所以唔陌生，今次決定向自己喜歡既目標進發！
當然都好傍惶嫁，因為老公未有工番，我又要洗錢上堂，買一大堆用具去練習，幸運地老公好快都有正職，叫做舒緩到經濟壓力
我日練夜練，溫書準備written test
要讀生物同解剖真係睇到我想喊
兩個月完成左基本既美甲，開始邀請models做Portfolio,甩底既，改期既，好煩，但可以接觸到本地人，傾下計，練下英文，令我覺得唔收錢蝕埋成本都值得既！
之後就試下掉CV岀去，我本地鎮仔既美甲店，質素好參差,我卻步左，近小小既City,又無乜空缺，偏偏LONDON就多，咁好啦試下反應。
點知大部分都即日回覆你約見工
一日有兩份interviews，當我去緊第二份interview時第三份call in，我即日見埋佢！ 當場見成左
然後陸續都有三四份見我叫，但我堆左了，見三份三份都有offer
我好感恩只係一個新手，但都有公司肯俾機會我，真係好開心，雖然，火車費真係好好好好貴，但做得耐手勢好左會加人工既，下星期就係Central London番工啦！好興幸見成既都係倫敦市中心既Luxury nails bar，暫時人工未算高，但我會好好把握機會，更加努力！
至於英文，原來不知不覺進步好多
一日見三份工第一次覺得自己可以對答自如，無驚驚青青，同本地客溝通都應付得到了
上年其實我有 winter depression，個人好唔開心好無目標，慢慢識到朋友就好好多了，學習努力融入，前路依然好長，好多困難，但，香港人加油！
相信自己！難關只係一時，撐過就好了！
可否分享下返工時間係點？
當地學好吖、開心聽到更多人生活上左軌道