頭三個月乜都得啦男人嘅嘢
1個讚
對啊，唔係話要做機心女，但樓主思考對方好唔好時，一定要諗佢實質為你做過啲乜野，係好具體嘅野，口講嘅關心都唔算的。
我後生時又係好鍾意講feel,結果遇到嘅都係啲假情假意嘅人，把口就乜都得，但冇真正為過我著想。所以樓主，先唔講政見，呢個人有真正為你做過什麼嗎？有包容你嘅所謂”缺點”嗎（包括你有一個gay friend)?
3個讚
我父母相差6年…我老公父母又係相差6年…難怪…
我同老公相差一年, 結婚生仔都成日嗌, 不過每次一嗌佢改少少再改少少, 而家算有70分啦
我同佢價錢觀相差唔遠, 都要嘈, 嘈到人生好攰…
所以真係勸樓主三思
3個讚
我都覺得佢根本係藍(但唔會認，係為咗溝樓主先話自己黃，牽涉到自己利益就咩色都得)，就算唔講政見，日常價值觀唔同真係好難過人世(連朋友都可以阻止見，真係無嘢好講)。
樓主，唔好咁傻啦，女人真係唔好因為覺得時間到，就求其搵個人嫁，陣間嫁完先係苦難開始，又何必呢…
3個讚
我想講，我老公都係大男人，一齊時都知知地，但以為冇咩嘢，到2019社會運動時，知道佢係藍，我真係好慘，屋企唔講得政治，一講大家會嘈交，我想移民，佢唔想走出個舒服圈，佢班朋友都大部分藍。所以思想唔配合係好辛苦，我哋仲有2個小朋友，已成定局！
如果你因為年紀問題而就想同佢一齊，請你三思。
2個讚
比我就唔會繼續囉，因為大家距離太遠，你深黃佢係豬
通常話自己淺黃果d都好伏，我識有個就係，結果佢唔只唔係深藍，根本係紅！竟然講得出話唔好再提8964要向前看，咁都話自己淺黃！
可能寂寞想有個人陪
可能依個人各方面條件表面睇ok
不過都係個句：如人飲水，冷暖自知
自己衡量邊d 野緊要d，最緊要過到自己
1個讚
比著係我 我一定唔可能同佢繼續
佢嘅行為已經表現咗佢嘅立場了
你要同佢深入討論政治/相關嘅衣食住行選擇 佢一定做唔到
如果政治立場對你嚟講係可以放棄/忘記嘅 咁你可以同佢繼續 但如果唔得 你會好辛苦
明白你可能好著急揾到另一半 所以真係好睇你有幾重視政治立場（價值觀）
其實我唔覺得有心跳+有靈魂伴侶特質嘅伴侶同雙方努力一齊落去嘅決心係對立
希望你唔會喺段關係入面覺得委屈
2個讚