三個月. 我知道你地會話三個月貨仔, 唔洗諗啦 
只係我本身對人好難有feel, 約會過好多人, 但好少應承想拍拖
現階段唔太憧憬結婚, 最想結婚既年紀已過,
一直都想生小朋友, 年紀已經唔細…
我會攝高枕頭諗清楚
價值觀唔同點會無影響呀！單係佢唔俾你見gay friend已經好有問題啦！
佢無尊重你和其他人(gay fd)既價值觀, 覺得自己啱晒, 仲想控制埋你
呢d人佢對你好係扮野的, 結左婚只會愈來愈差。
5個讚
如果睇果套戲唔係因為政見，咁佢品味都好有問題
仲有對你朋友嘅偏見等等…好似只係想你聽佢話咁。
如果長遠一齊，我諗你變成藍會容易啲
5個讚
相差6年生肖相沖
如果唔係好愛又仲有market 就next
然後每次佢犯太歲你就坐太歲，佢坐太歲你就犯太歲，即係每6年個家庭都要黎啲衝擊，好唔得閒
唔好比年齡限制自己
點解要為左結婚生仔是但揀個唔適合的人
我爸媽就係相沖，講說話唔岩大家聽，簡單講就係唔夾
相隔4、5同8年係相合，樓主可以留意下
1個讚
我有朋友反國教，同個紅老公結婚後2019變埋撐警，移民block 哂班朋友。
咁佢婚姻應該好美滿
，咁夾
1個讚
我只係睇左頭十零廿個留言
我覺得佢有好多野你接受唔到但你覺得自己唔細喇想定落黎
跟住搵佢d 優點說服自己
但其實d 優點似乎都唔係有咩優
我唔想玩感建分，但比較緊佢既優點同你認為係問題既點，我覺得段關係唔似會長久而健康
你只係太了解男人
繼續你驚唔驚浪費時間呀？
你忍唔忍受到港豬？
睇你選擇炸
本來想搵人支持，但大家都好現實
3個月，了解極度唔深，正常咁短時間應該係眼盲熱戀期，但依然俾你揾到佢咁多唔對路既嘢出黎。
可想言之，合理推測之後會更多問題。快手轉人好過，一陣俾佢dump波鐘仲唔抵。
4個讚
雖然樓主後來話男友係芸芸眾生中令佢有feel 個位，但我睇唔到呢個男人吸引力係邊，因為樓主都形容唔到
Feel, 咁虛無飄渺，未必同條件有關
加埋個堆優點都係 d 咩對我好啊體貼啊咁
App 識，好多人只想搵快餐，無feel 好正常
撞著個比d 心機傾計，雖然條件一般，但又咁岩識拿捏樓主心理，攻得陷個下，就會好似好有feel
我今年33，早婚婚已離，單身快5年，好少鍾意人，好講feel
回望以前，所謂有feel 都只係某段時間個能量場有d 弱點吸引左某類人黎不攻而陷
令人滿意既關係，價值觀好緊要
佢有咩條件/優點只係一個開始既緣由，開始左之後就慢慢變得唔多重要
佢有咩缺點/處事方式/價值觀決定左一段關係既質量
而阻止大家分開既通常都係錢銀/面子/年紀/細路
15個讚
都有機會，40歲分分鐘結左婚想呃蝦條
我唔係話樓主男友已婚呃女
而係app 既人都係食快餐多唔會培養到feel ，肯用心傾計既傾得埋既就已經可以令人覺得比較之下「特別有feel」，呢種feel 其實唔準確
3個讚
不如試下你帶佢食多d黃店，睇吓佢有咩反應
扮講八卦，講下林2蚊，又睇下點講
了解多d佢真實諗法
我個人可能比較主觀同武斷
我覺得樓主男友個d 不經思考自主自發又 consistent 既表現都係藍
而令樓主疑惑佢可能係黃既野都係唔使本咁講兩句個d
男人未到手係咩都講得出
所謂黃唔係憎政府
係對普世價值既堅持
係利益面前既是非觀
係心裡對不公義既牴觸
我已經無要求 d 咩不吃人間煙火既野，例如完全零藍店，為公義放棄利益犠牲自己個d
9個讚
講得好啱！
一齊三個月熱戀期
係望對方最順眼嘅時候
但係樓主講出嚟嘅感覺搭唔上咁款
1個讚