價值觀唔同點行落去？永遠有一個要屈就或者妥協，做朋友都難頂，何況係夫妻？
一係有曬心理準備咁頂，當係修練。
2個讚
價值觀唔同真係好難行, 傾計都無共鳴, 唔啱傾點過日子 
同埋感覺佢都幾專制… 佢唔鍾意既朋友就 “唔準” 你見… 我唔太接受到, 最多話我見完佢唔開心, 我陪返氹返佢, 但個決定權唔會係佢度囉 
4個讚
如果我早啲睇到你li篇嘢就好喇
我都真係幾後悔同老公結婚生仔
但而家只可以啞子吃黃蓮，膝頭抹眼淚
樓主真係唔好俾戀愛嘅甜蜜蒙蔽雙眼
唔值得因為短暫嘅快樂換來一生嘅怨恨、傷心
8個讚
如果真係分手，一定要喺人多地方，佢似個d恐怖情人咁
1個讚
呢啲已經係分歧啦…將來日日夜夜都係咁㗎啦…唔好諗住可以改變對方
你諗長遠，佢諗即時…又點擔保到佢唔變心？
依家熱戀緊就開心啫，到開始變平淡嗰陣，依家擔心嘅問題全部變成好現實嘅問題！
2個讚
我同你一樣
如果當初有機會睇到自己呢段文字就好
雖然自己真係瀨左野
要上黎圍爐
希望樓主會諗清楚
不論繼續定分開都好都要想清楚
希望你都加油
抱抱
3個讚
呢到上黎呻ge, 當初老公都鍚佢架, 可以變架…
1個讚
我識好幾個朋友都係唔中意正苦，但就鬧班年青人，fb share嘅都係from 黑媒(藍)嘅資訊，但佢地永遠唔敢話自己係藍㗎
2個讚
樓主千祈唔好被佢鬧兩句政府就覺得佢黃… 其實好多藍人都鬧政府. 你睇白粉報就知… 共產黨嘅文宣唔係一味唱好所有官或政府所有嘢, 佢地點都會製造敵人, 製造內部矛盾, 權力核心會不停將鎗頭指向其他人, 以免鎗頭指向自己. 藍人就係好容易會跟呢啲帶風向嘅文宣, 鬧吓陳肇始抗疫不力, 鬧吓陳茂波派錢派得衰, 鬧吓而家政府唔搞好經濟民生… 你留意返男朋友鬧嘅內容係咪都係同出面帶風向嘅一樣, 就知佢係咪有真正獨立思考, 還是都只係被老共文宣帶著走…
思想唔夾, 生活少少嘅磨擦都會越變越大, 最後會變成對方做咩都唔順眼.
但思想價值觀雙近, 生活上嘅磨擦就點都可以化解
5個讚
呢段野直頭要留俾個女睇, 警世
1個讚
對我嚟講, 幾愛我幾錫我都好… 思想唔一致, 我會NO WAY…連同性戀都有偏見, 仲要阻我去見朋友… 男友有機會對一生一世, 我絕對唔會將就…
6個讚
宜家熱戀期…之後就會覺得唔啱傾就唔傾囉…慢慢就變成無野可以傾…
同埋你宜家已經覺得有問題, 呢個心結會越放越大…因為呢個唔係一個可以解決到既問題
我估未去到結婚應該都無左…
就咁睇覺得你對愛情唔夠深,唔理藍黃,就算少少野都會影響,就算一齊結左婚都好容易分開.
唔係 “唔夠黃” 而係大家理念唔夾
如果搵到一個比你 “更黃” 唔通人哋又話你 “唔夠黃”咩
拍拖冇耐佢就已經要你又疏遠啲fd又睇紅戲，邊個影響邊個大啲顯而易見，佢只想你跟佢步伐，所以佢咩都唔會同你傾，咩都扮唔知，當佢唔識你就會心軟屈服，到你頂唔順提出一啲根本問題就出眼淚攻勢，要記住佢到最後咩都冇同你傾到，由得你繼續將啲問題擺喺心，只要令你唔提出問題就等於解決咗，熱戀期簡簡單單傾下八卦就開心，但長遠發展唔到深入對話
6個讚
如果你想繼續享受拍拖嘅甜蜜，就唔好要求咁多，繼續俾佢氹吓錫吓。
如果你係結婚甚至生小朋友嘅前提下開始，咁你要諗嘢真係要多好多。
本身黃/藍已經係一個好簡單嘅嘢可以去釐定到你哋嘅理念係咪一樣。
我只係覺得你依家因為蜜運中，熱戀期，所以不停發掘佢疑似淺黃嘅行為去十卜自己嘅冇揀錯人。就咁睇你所講嘅，其實我都幾肯定佢唔會係黃，淺黄都講唔上。
5個讚
我同事情況同你差唔多一模一樣，對方有金有心有車有樓，咩都半推半就，咩樓下得籃店咋，佢都閙政府㗎，唏佢都唔理政治嘅。。。
最後同事被反洗腦變左「中立」囉。
1個讚
你上面國歌嗰度洗唔洗edit下？
一開始已經錯咗。鬧政府同係咪黃一啲關係都無。
你不如直接問佢點睇2019年嘅事。你接受到咪繼續落去囉。
套用193名言：感情事一律建議分手
有冇信心改善佢想法？想一齊就試吓