你第時個細路被洗腦，佢都唔會理，只要佢繼續有得搵食就ok
你帶細路去黃店，佢會冷嘲熱諷
移民？移返大灣區就得
黃嘅男人都好多唔肯移民，何況佢
如果佢冇其他缺點, 可以考慮移民, 直接避左黃藍問題
如果你哋係香港, 我都幾肯定唔可以開花結果
1個讚
係呀，所以唔可以見佢鬧政府就歸納係淺黃。
2個讚
一個人底係藍，移民唔會解決到喎，只係保護到細路囉
但佢教育細路，我相信都有問題，仲有佢嘅自私都會影響家庭
1個讚
如果肯移民都仲有d轉機嘅，留係香港就避唔到黃藍呢個問題，不過除左政見，其他價值觀嘅分歧都要正視
3個讚
無極權嘅時候，做豬係問題唔大嘅，最多濫用下人哋福利。政府無位俾佢做太pk嘅嘢。英國大把豬
不過恐同就好難在英國生存
3個讚
拍拖階段，已知政見，立場不同，一定唔會繼續。
7個讚
冇自信兼唔信你嘅男人，先會咁要求。
6個讚
宜家你係熱戀期。將來結咗婚或者行耐咗就要預大家會因為小事多咗D磨擦，少咗D包容，多咗D反眼。 到時侯價值觀嘅不同會變得礙眼，令你唔舒服。
阻你同朋友hangout, 老實講佢無權咁做，咪理佢啦！
7個讚
就算政見，宗教一致，結咗婚，生埋仔，好多嘢都可以有分歧，可以嗌交。如果加埋政見唔同，咁真係危危乎。
6個讚
好多 nancy 都唔 like 香港政府
1個讚
啱呀，我同老公唔嗌交乜滯，但老實係有唔少反眼嘅moment。我地感情係好嘅，但總之對得耐咗就冇咗耐性同有D老奉嘅心態囉。
1個讚
又唔好諗到咁大
佢個喊唔係因為失去你
可以係喊自己失去一段感情啦，嘥咗時間心機，做咁多嘢都冇回報，可憐自己啫（都可能我諗得衰啦
11個讚
其實我老公同你男朋友有啲似，老公唔似我食飯專揀黃店，佢食邊間都無所謂，會幫襯太興 ，間中睇 cctvb 添
我覺得你男朋友同我老公只係政治冷感，冇我哋咁熱衷政治，如果確認到佢唔係藍繼續一齊都 OK。其實唔需要迫另一半同自己一樣咁黃，相處到就無問題。
我老公雖然冇我咁黃，但價值觀相近，佢間中會同我一齊睇新聞同 fb 恥笑香港政府，為咗小朋友我哋仲達成共識移咗民。
好現實的情景題
如果顏色唔同，係好影響他日照顧小朋友的
好似而家咁，黃嘅可能想走，為左唔想洗腦，藍嘅為左錢留係到
時窮節乃現
以前香港順風順水，大家都唔會理
現在水退，窮才剛剛開始…
你男朋友好明顯唔係黃 唔係豬 直頭係深藍啦 幾醒啊先扮唔係 再慢慢洗你腦
7個讚
佢追你緊係扮野啦
好多時拍拖所見嘅大家都未係最真實一面
而家追到你，佢都付出左真感情，冇諗過會因為政見而被放棄，我明白你見到佢好似為你喊係會難受同埋覺得佢重視你，因為你對佢有感覺
我好想講
第一，結婚一定唔可以心急，唔好因為年齡問題而選擇結婚
而家呢個年代唔係一定要結婚先好架，我明白站在你立場你好想結婚，你憧憬婚姻，如果有人咁同你講，你未必會好理解到呢個說話係咩含意
只能講未結婚嘅問題唔會因為結左婚而好，更多情況係會深化左問題，所以結婚前發現有問題係一個警號黎，睇你地會唔會化解，定還是因為戀愛緊選擇唔燒到埋身而將問題淡化遺忘
第二，結婚一定要揀價值觀相近的，黃藍只係其中一樣，人嘅價值觀同性格係唔會咁易改變
只有你自己改變，或大家「讓步」，讓步咋即係大家互相尊重之下大家各有各繼續行自己嘅理念，唔好諗住佢會為你改變好大，唔係話佢一定唔會為你改，但如果抱住呢種心態去結婚嘅話，最後會好挫敗
我諗佢要你為佢改變，唔好咁黃，你都未必會聽佢講，佢其實一樣，咁你接唔接受到
第三，如果有問題未解決唔好生仔，因為生左小朋友係返唔到轉頭，有好多唔同嘅問題會令關係差左，如果仲要加多個黃藍問題，呢個係根本嘅問題，冇事就冇事，有事嘅話除咗日日喊都係日日喊，或者日日嘈，日日都好悔恨，你望住個小朋友，對住個冇辦法解決嘅問題，你自己覺得會點
而家佢好似好就你，好錫你，日子耐左男人會懶，甚至佢唔係懶，佢根本一路都係咁，只係做返自己
如果生仔前嘅問題冇解決，咁生左仔之後個問題唔只係深化，係浮面加劇，越演越烈，更多嘅情況係原本未必係一個問題，不過生左小朋友變成一個問題，一個爭執位
仲有，如果佢話你朋友係怪人，其實佢根本唔尊重你，亦非常唔尊重你朋友，好失禮，呢個問題都係一個潛在風險，愛你嘅人唔應該係咁
未結婚仲有得揀
結左婚仲可以離婚
生左小朋友係返唔到轉頭，要考慮嘅野多好多
希望你想清楚，唔好咁傻豬因為年齡而將就
28個讚
我都覺得係咁樓主要醒目啲啊