有冇例子用咗幾多錢同精力？經過咁多事之後，你老公有冇鍾意細路多啲？定係一路唔鍾意一路努力照顧佢，咁都幾辛苦喎。
呢十年嚟，我和老公為仔女每年嘈一次大交。我話he教，佢罵我，於是我哋磨合搵中間點，找共識，然後下年再loop。而家loop順咗，不過都係會嗌交。中間見過好多次輔導，好多專家，精力錢用好多。
轉校轉咗好幾次，俾咗大筆錢agent幫手轉校。而家個間幾好，仔讀得開心，但佢又嫌人哋教學太輕鬆，質疑人哋係無教書… 咁係咪又轉校呀？
咁我搵補習返嚟，佢又嫌老師教得差。我哋小朋友資質係咁架啦，邊個補都差不多。然後佢又唔得閒去搵個好啲補習，但又要投訴我搵嘅唔好
跟著要升中，又要為學校煩。我提議過求其讀，不過佢唔甘心，想搬去好校區，但見到個價錢佢又發脾氣。佢搏曬命搵錢，係搵得多，但又唔捨得用，然後返工又辛苦，洗錢又辛苦。
我睇到佢個樣，我自己都覺得辛苦，做人搞到咁唔知做咩。我一咁講，佢又發脾氣，話我份人無責任感。
搞咗咁多嘢，點會鍾意細路，我哋都係希望仔女快啲大快啲獨立，離開呢個loop
3個讚
升到中學會好d, 家長角色漸退。我自己中一同屋企人炒大鑊，唔再比屋企人管我學業，之後屋企寧靜好多。
都有d 似我老公。由出世讀n班開始已經話要培養，為左追逐所謂既名校，一個offer事前係做左好多功夫，又興趣班，又考試，又比賽，搞到細路大壓力，我都大壓力，佢經濟支柱就更大壓力。
BB時期洗錢有限，都係奶粉尿片，用得幾多？但一到番學，倒水咁倒。
樓主如果同老公傾，記得要傾埋第日對仔女既教育方向。出唔出國讀書都爭好遠。
2個讚
你老公應該係聰明人，做開high achiever ，所以好驚自己嘅仔女的社會地位會差過自己。
我見你哋又見輔導又轉校，其實都真係出錢出力。雖然環境好緊要，但係你哋已經付出最大嘅努力，這裏最後有咩「成就」只能靠佢自行發揮，因為你已經俾咗最好嘅環境佢。
反而你老公真係要學下點享受生活。淨係賺錢唔使錢，一日到黑緊張仔女成績，都係一個幾唔健康嘅繃緊狀態。
1個讚
計下每月有幾錢剩先生啦