如題~新手媽媽見到好多選擇,有冇人可以分享下經驗?
試晒健康院小冊子推薦嗰啲先？
試米糊，蔬菜蓉，果蓉先
ps 有毛嘅生果eg 奇異果，桃較遲試，因易致敏
肉唔洗咁急
因為其實小朋友消化系統未咁快發展到消化肉
蛋黃易敏感，起碼7，8個月先
初試high少少落手，無事就到咀邊
隔一陣再無事先放入口
蛋白再易致敏啲
我嗰時1歲先俾試
我小朋友好搞笑
細個係肯食少量苦瓜，反而大大下識咩係苦
2歲零就唔肯食了
3個讚
最普通嘅食物 開始 ⋯⋯蘋果泥、粥、紅蘿蔔泥
蘋果蓉甜甜地，應該幾好ga，會引起佢食慾
菠菜都唔錯，同埋我覺得容易整
米糊就無味嘅，有啲bb 鍾意淡口啲
ps 個人經驗，唔好買貴blend 機，好快就唔啱用
1個讚
圖書館好多書會教幾大可以試啲咩
米糊，不過濃稠度個個bb喜好唔同，要試
蘋果蓉，我女中意食新鮮，唔中意食吱吱/樽裝果d
蕃薯蓉、南瓜蓉呢類甜甜地嘅，bb都比較易接受
剛剛加固，bb都係一啖起兩啖止，之後先慢慢愈食愈多同愈食愈叻
懶自己整，我買寶寶百味
下…成日都整唔同?我平日要返工,太攰冇時間 
雖然有工人姐姐,但姐姐平時都已經好忙,又要湊B又要做家務都唔想要佢咁麻煩
先試吓米糊先，
之後過咗一個月再煲粥，
整番薯蓉之類。
係，菜單要日日唔同，先夠營養，和試BB有無食物敏感。
遲早都要自己整的，頭一個月食米糊，加瓜、菜、南瓜、水果 之類，咁呢啲食物蓉係自己整，有人會整定幾份放冰格（食物蓉冰磚），可以食2-3日；一個月後，就煲有菜有肉嘅粥。
自己學識先，再教工人整。如果只有一個BB，唔會花工人太多時間。湊BB就係麻煩㗎啦
。
2個讚
我都係買開HIPP, 貪佢多味揀又係有機, 好似健康啲～不過緊要係啊B好鍾意食, 一啖一啖咁追住要
原來又係嚟賣廣告嘅，正常人家點會日日餵即食食品比BB，咁貴又多防腐劑，通常只會去街先餵一次半次即食食品。
4個讚
係，特別係一開始加固食一兩啖，一開左就擺唔耐，除非大人食埋佢，唔係真係好浪費
1個讚
我有個長輩親威， 佢負責湊孫， 但佢係完全唔煮飯嘅， 真係一餐bb食物都無整過， 全部買現成
岩岩加固唔會揀夜晚食架wo, 要揀朝早/晏就試，萬一敏感都即刻觀察到
我都研究緊。。上網downlaod 左個試敏表，印出來比一家人睇。。。
都幾多野原來唔可以咁早比。。原來蛋都有分蛋黃先
蛋白係好後先比得
魚又有分白魚先得
ｅ～呢個牌字好似無再賣廣告。 