近排，我報咗「理工大學應用數學系數學資優教育課程」（個名好長
），做完SNC國際數學能力測試後，好彩地qualify咗 :)。但發現原來唔係全津貼，都要千五蚊。呢個課程都搞咗好幾年，想問下有冇家長嘅子女參加過呢？老師教得好唔好呢？呢個課程有冇用呢？
.
感謝大家無私的分享和解答
諗起P1X3L Marco嘅神童細佬。我諗呢啲課程係俾大學物色尖子，等理大可以搶到神童。
樓主目標係咩？。想小朋友平日數學成績好啲？培訓數學興趣？想俾大學提早收錄？
1個讚
其實我就係嗰位「小朋友」（ 我就係大約一個月前問大家意見嗰位「迷茫」嘅中一學生呀！）
想報呢個課程，主要係因為想充實地用呢個暑假學知識（而且本身對數學都有興趣），另外就係想睇下呢個活動對以後報大學有冇用。
唔好想太多，只要專心上堂學習，享受學習過程就OK，
升大學都係計DSE成績，
1個讚
有興趣就去上堂啦，每個人睇法唔同，要自己讀完先知。
1個讚
好少學生係度，搞錯咗樓主身份唔好意思
我讀書時，理大城大好鐘意搞優先報讀呢program ，吸引叻學生報讀佢哋。interview時但佢哋唔收我，但我後來我自己正正常常咁考入中大。
讀呢個課程，對入理大一定有幫助。但數學相關學系本來都唔難入（以前數學相關系唔多少人揀，收生標準不高，唔係太難入，不過而家我就唔知啦），唔需要讀課程你都好可能入到。
你check下理大應用數學系收生成績，又睇下其他你心儀大學收生成績先。一陣理大收咗你，但其實你可以直入哈佛，咁就浪費咗你。
除非你中英文成績差到過唔到大學標準，或者想跳級，呢類課程就幫到你。
再補充下：我無直接參加呢個課程，但一般呢類課程，都係教out C嘢，所以對成績係無幫助嘅。
如果你目的係入大學，睇下佢收生成績，有幾多人爭。如果你已經夠爭，就唔需要參加啦。我猜樓主既然入選比賽，全香港嘅大學數學相關系都入到架啦，唔洗浪費錢。
如果你要去外國多勁人爭嘅數學系，而佢又唔係剩係睇公開試成績，仲會面試/睇portfolios 嘅話，咁呢個課程有幫助。
如果為興趣，就自己上網自學，睇下網上大學講課就得。
如果想識人，想見世面，又有閒錢，都不妨玩下。你大個咗，做research時，識人識於微時係緊要嘅
2個讚