大家好，作為全職學生，剛剛完成一個學期，正享受一個慢長而悠閒的暑假，偶爾在網絡上看到不同kol分享育兒心得。
某日，我忽發奇想也寫寫文章，分享一些教學技巧和教育心得給各位家長聽一聽。
先介紹自己，本人是合資格幼稚園老師及特殊幼兒工作員。
相信各位家長都透過不同的渠道都了解閱讀故事書的好處，甚至已經購買一整櫃的迪士尼英文故事書（4-6萬元）。的確，我絕對認同亦鼓勵家長，自細就要培養閱讀，假如有能力當然可以購買各式各樣的故事給小朋友閱讀。但假若你每天辛苦工作後，利用短短的時間拿著一枝閱讀筆讀出每個英文字就收工。那麼我會建議你不如利用4-6萬帶子女到香港不同地方遊玩更好，享受真正的親子活動（之後會分享關於親子活動），更能提升認言發展。
這篇文章並非反對迪士尼英文故事書，而是分享如何更有效提升子女的認言發展。
相信各位家長在辛勞的工作後，心身已經疲憊不堪，仍要講故事給小朋友聽真的百般無奈。既然如此，我建議家長不用故事書，直接再家中隨手會拿一張有字也有圖片的紙，然後與子女一起閱讀。例如宣傳單張，樓下會所的介紹，迪士尼樂園的地圖，甚至是家長工作的文件也可以。
不過家長需要做到而家幾點，
問問題：例子（蛋糕宣傳單張）
家長：我見到單張上有一款蛋糕有水果的，你指給我看看邊款蛋糕有水果。
家長：呢款蛋糕叫＿＿＿＿。（指文字）
家長：蛋糕上有甚麼顏色？
擴張幼兒句子/改寫句子：
幼兒：蛋糕有黃色。
家長：蛋糕上有黃色的芒果，我哋之前都有食過芒果，我哋模仿一下點樣食芒果。
（假如，即時拎芒果出嚟，就可以認埋「芒果」的字。）
重覆句子：重覆重要字句或詞語。
幼兒：呢個係芒果。
家長：係喎，呢款水黃色的水果叫芒果。
以上的方法可以運用在不同的故事和閱讀材料
各位家長記住幾點，小朋友絕對感受得到大人當刻的心情，假若真得很疲倦，就坦白和子女說，甚至邀請子女講故事給你聽。閱讀材料不單是故事書，只要有文字和圖片，對小朋友來說都是一種學習。親子閱讀更著重是親子時間，不是怎樣提升語言能力。能提升語言能力只是少少的好處。
後話：
本人不鼓勵Flash Card.
本人鼓勵家長和子女坦白當刻的心情。
25個讚
我因為純粹唔鐘意迪士尼，所以我無買啲咩迪士尼英語學習課程比仔仔。（我仔4歲幾，都係去過3次迪士尼，我和老公真係無興趣）
自仔仔1歲左右，我就有每晚同佢至少睇一本書，我通常揀多圖和故事性強嘅書。我唔會逐個字跟住嚟講，通常見到啲圖我自己吹水咁講：到3歲左右，我會指某啲字比佢睇（如：狗、貓、花⋯⋯等），比佢認吓啲字。
我仔仔而家可以調轉頭講故事比我聽了。
同埋佢會好主動睇書，同每晚都一定要我同佢讀至少一本書先捨得訓。
3個讚
我就係嗰啲好怕煩嘅人，你個方法好好，但對我嚟講好辛苦
我真係寧願攞本故事書，順序讀曬佢算，唔洗諗咁多嘢嘛…
認同親子溝通呢樣嘢。其實我都係因為老師命令到，所以每日講故事，但搞搞下就變成仔女同我傾計嘅時間，多過係講故事。有時故事只不過用嚟帶起話題
我好怕執屋，又要環保，買咗書後就要煩之後捐去邊，所以好少買書。都係圖書館借，同埋二手嘅多。迪士尼嘅書超多二手
買6萬蚊迪士尼書嘅家長有講過，唔係貪套書好，係貪佢個playgroup。不過我又唔知佢個playgroup有幾勁，可以收咁貴。如果俾6萬，我可以唔洗自己講故事，我都明可能值得俾。不過殘酷嘅現實通常係，俾幾多錢都唔夠自己做好，唉…
2個讚
非常好，特別係用故事書帶起其他話題。
好好享受呢個親子時間。
如果係死記Flash card 可能唔係咁好，用flash card 當game 咁玩的話，其實都好有用，邊玩邊學習。
1個讚
利申
我係有買DWE套野（注：一定要買新版，舊版套DWE係唔吸引因為好少互動，新版即2019年4月版本多好多互動。
如果用舊版Sell我買，係唔會引到我買的的）
我係小朋友差不多6M時買
因為都想有套野，有系統地跟下去跟住教小朋友英文（買少好多冤枉教材，因為你買其他教材前會諗下屋企係咪有，咁就可以排除好多睇落有用但其實未必work嘅玩具/教材）
當然，坊間都有好多類似教材，睇荷包做人
亦唔好覺得一套教材就令小朋友會自動變英文達人
如果想小朋友英式口音就買oxford path
我就無乜所謂，因語言只係溝通到就得
我都係煲美劇多，所以咩式口音我唔太介意
買之前我都覺得好貴，甚至未有小朋友前，覺得傻嘅先買呢套野，然而做左父母係心態改左
我無買晒全SET DWE，月供2K到
2歲幾時供完
我係FREE STYLE 家長，無跟足話要幾歲就識晒幾多英文字母，認到幾多個字
我係放套野在家，等阿女活在一個充滿英文，書嘅環境，成為生活一部份就ok
日頭就姐姐同佢睇DWE
夜晚，我自己跟返，就主力中文書同埋巧虎（廣東話版）
但都唔多嘅
都係2，3本，Bedtime story
我係由小朋友自己揀書
巧虎教自理，安全，禮貌真係好好
唔希望佢摺埋
暫時而家佢啲英文比我流利
中文都唔錯
ps佢係遲講野小朋友，但一講時原來好多野都已經識
好好呀，多謝分享。
你好願意花費買好多唔同嘅教材，
更最重要係你願意花心機陪小朋友一齊讀。
令小朋友了解到咩叫 閱讀，
遲啲佢就會自己拎本書睇。
終於有人講dwe, 我個時一聽價錢眼都突。幾萬蚊（依家可能更貴）夠我買n本唔同類型既書都得，故事、科學、雜誌……
2個讚
我嗰個無論講故事定係傾計，唔夠兩句就會走咗去自己玩
無論幾浮誇去吸引佢，都係得兩句嘅attention span….
。