如果唔止一個兒科醫生都話冇事，你又問過言語治療師都係話冇問題，都已經有多方意見，咁唔洗咁擔心啦
1個讚
超級多謝你咁詳細嘅回覆！真係好清楚！
超級感謝！
我哋講嘢冇中英夾雜，都係因為有姐姐，姐姐同佢講英文，我哋同佢講廣東話，佢就因為發唔到音，有時攞英文代替中文，反之亦然，自己中英夾雜左
我都係買咗口部訓練用具，佢先開始講多咗嘢，之前單字都唔係好識講
呢個反而係我，大鑊了，可能我先係有問題嗰個
D野一擺唔岩位，我就好自然會爆炸
如果你有自閉症(ASD) , 好大機會小朋友都會有，你看一看 d 特徵先再問大家
申利：我有ASD, 所以都預咗小朋友一樣有 ASD
係，好多人都話我過分擔心 因為我日日對住個仔，好努力教佢講嘢，見到佢真係好多都發唔到音，尤其s, ts之類，好多字講唔到，不期然就會好擔心
我由細到大都冇人話我有問題，有正常社交有正常朋友，可能我真係要反省一下自己有冇問題
講得好啱 
另外補充少少, 協康全面評估而家都要排4個月 (剛剛有朋友做咗), 同埋協康會嘅報告只係可幫你入隊排I/O/E/S位, 到升小學前都一定要經CAC評估出報告先得, 所以最好係趁小朋友仲細, 盡快經健康院/協康呢類機構入咗隊排服務先
我自己嘅經驗就係, 小朋友未夠兩歲就不停chur健康院比信我去CAC評估, 見咗言語治療師評估咗delay已經可以排服務(未見兒科醫生), 22年3月正式入隊排O位(到校服務), 22年11月排到服務, 成個過程大約9個月, 希望幫到有需要嘅網友
2個讚
又細到大，都無人話我有問題
而然當有人話我女自閉症擲界時，我就開始睇返乜嘢情況叫自閉症，根本唔關有無朋友事，而我再睇返我 d 朋友原來佢哋同樣都有好多自閉症特徵，再睇埋我女 d 朋友，就會見到原來自閉症同學同自閉症同學係可以走埋一齊各自講自己想講嘅嘢，算不上係溝通嚟，但佢哋會覺得對方係自己朋友
3個讚
我啱啱都睇咗自閉症嘅特徵，唔係太似我，可能我真係純粹鍾意整齊乾淨，但又未去到強迫性嘅地步。再對比番我小朋友嘅特徵，都唔係太似。我小朋友情緒好穩定，經常笑，有足夠專注力，願意嘗試新事物，鍾意去新地方玩，對唔同人有唔同反應同表現，冇單一嘅興趣，好鍾意同唔同年紀嘅小朋友玩。
就係講野有困難。
1個讚
我今日見咗言語治療師做評估了
話我女認知比同齡嘅快咗6至12個月，但講嘢又稍慢
有性格因素，有口腔內刺激不足嘅因素
但無urgency去受訓練
有俾意見點subtle去stimulate佢講嘢
唔似ADHD/ASD
不過我老公話個治療師相對後生，話想見多個攞多啲意見
4個讚
評估左冇大問題就好啦
個ST 後生還後生，佢考到個牌自然係有能力評估。 呢啲case 又唔係好特別，唔會唔識睇掛
反而會唔會你老公太緊張？
都係遲緩喎…咁都叫無問題咩…
係係睇錯咗，唔好意思
我改返頭先個reply 做 「冇大問題」
我仍然好擔心…雖然個個都話俾時間就得:(
-「俾時間就得」純粹係安慰說話，唔洗當真，講呢句嘅人根本唔識。
- 但遲幾個月其實就唔算有病都唔明顯。你小朋友再大啲，遲/早嘅月數又會變化。
- 治療師好唔好同年齡又無咩關係，但同有無喺協康/邁步做過有關係。
- 如果一個斷症係無事，即係就算有事都唔明顯 。再搵第二個都無咩意思，因為半年後情況又會唔同。半年後再驗好過。
- 與其花時間斷症，不如花時間治療。好多治療係有事無事都可以做，都對小朋友有益的。係唔係都搵個言語治療師幫手就得
4個讚
有啲音未到個年齡發展，真係會發唔準
就算你問st ，佢都會叫你唔使擔心，如果未到嗰個年齡的話
我自己見過幾個治療師, 覺得年齡唔太關事, 反而細唔細心重要啲, 有啲小朋友真係late talker, 兩歲識講單字都唔算太差, 平時可以喺屋企同佢做家居訓練, 上網搵parallel talk, self talk會有好多資源幫到你, 加油
2個讚
多謝你
我女歲半嗰時係乜都未講，19m 講第一個字 ball，21m 講第二個字 car，22m ABCs 同埋圖形，23m 數字，24m 顏色同埋動物，2y1m 講第一句句子又係同波有關 kick a ball，之後 overall 進步得好快
而家 2y4m 都有幾句句子係成日講，數字開始學十位數，動物認知到 30 種左右，正式叫爸媽其實都係今個月，但叫 daddy 就多好少叫我，名字仲教梗未係肯點講，有答過一兩次，本身叫佢係明嘅會應，一般指令亦有跟住做，嚟梗兩歲半都要再返健康院
最大嘅問題係多語家庭佢完全講英文，以前我同佢講開中文，漸漸我都俾佢帶住講多咗英文，佢英文反應快啲，爸爸就更加忍唔住講英文多過佢母語，尤其我都在場嘅時候，已經成日提住佢
講真佢學習能力唔錯，不過如果話同佢用中文評估肯定落後，健康院同埋老師有講多語家庭有時係咁，佢自己選擇咗個最容易嘅語言偏好，唯有堅持多講母語咁話，俾佢睇下廣東話影片都係一陣就嗌要轉台
樓上講到執嘢要整齊擺返原位呢啲，我自己 HSP 都會咁㗎，我女跟住我高敏亦係比較固執，觀察力極好對所有刺激都好敏銳，還好佢對新鮮事物唔抗拒，出街又周圍撩人玩大小通殺，成日同人講 Hello 或者 Hey you!
1個讚