其實佢聽得明人講嘢就得，即係表示佢吸收緊
1個讚
如果同一般女性比我係少講嘢。
我老公比我更少嘢講。
我小朋友係慢熱觀察型，所以我都相信或多或少同遺傳有關係。
2個讚
我勁多野同個仔講, 由朝講到晚佢咪一樣遲講野。我老公話我太煩, 煩到個仔唔想聽我講野所以唔識講野=_=
你估個仔係你咩！
1個讚
好多謝大家嘅回覆！近來我真係太緊張！多謝大家咁用心既回覆
我會嘗試大家建議嘅方法，同埋耐心等候佢言語發展爆發期
我小朋友就係咁，但醫生話無事。人人叫我唔好緊張，於是無理
返咗幼稚園，觀察咗半年，真係發展遲緩。結果遲咗一年介入
1個讚
搵專業人士了解下好d
始終講野係牽涉腦部好多方面的功能
六歲前多關注無壞
網友我搵咗你好耐兩年前你一個post嘅內容講你小朋友講嘢問題，同我女(22m)現況完全一樣，好想知你小朋友後來點…
我女都係認知好、記性好、聽指令、明好多嘢，但偏偏好難令佢表達… 佢永遠prefer做手勢、拉我去這去那，都唔肯講，而家快兩歲，只識講10個字
好多人都話唔洗擔心，等待爆發期…但始終呢一日未到都總會擔心
1個讚
我小朋友到差不多3歲仍然只有極少量單字, 我搵咗私人治療師介入, 過咗3個月就開始識講嘢, 而家3歲10個月已經追番同齡好多, 評估完都係話佢比同齡差少少但唔係需要擔心嘅水平, 你個女22m我覺得可以再等下先, 未到兩歲都唔係太遲
可以介紹私人治療師嗎？ 我個女都係3歲仲係唔多識講嘢，而家都搵緊訓練班比佢上堂
PM唔到你, 你PM我
借位一問：
小朋友2歲3個月，對答多講單字：好、會、得、nono，平時講野都鍾意手指指，拉我去呢度果度，最多講：媽媽/爸爸，（食物/故事），謝謝！
識中英夾雜咁數1-10，但點解中英夾雜？因為佢咬唔到字 例如發唔到廣東話3，4，就講three four；發唔到seven，就講廣東話7 （佢自己夾雜，冇人咁教佢）
佢咬字係好大問題，好努力都發唔到
我有個朋友係幼兒言語治療師，佢話我個仔冇咩大問題，只係加強做家居訓練就可以
想問吓大家嘅經驗，係咪咁樣OK ？因為我見朋友嘅小朋友講嘢講得好快，一歲已經開始講嘢 兩歲已經講好多句子
我女有齊呢 d 特徵，CAC 評估咗係 ADHD, 仲有擲界的 ASD，現在12歲了，一般情況下佢正常交到朋友，但有少少偏離常規的情況佢就會處理唔到，例子：自細佢都唔會衝紅燈，但有次同學衝紅燈佢會跟一半之後卡住響馬路中間處理唔到內心的矛盾，好彩同學最後拉返佢上行人路
言語治療師只係專注小朋友言語發展，如果手指指又唔講嘢的話，聽過有小朋友係咁樣最後確診咗 ASD，建議你搵全面 d 的專業人仕嚟問問
咁應該要去邊度搵專業嘅人士？
通常如果擔心小朋友發展遲緩，可以問一問兒科醫生
如果醫生覺得小朋友發展遲緩多過半年，會轉介你小朋友去排政府的兒童體能智力測驗中心(簡稱CAC)，與此同時如果家長太過擔心，直情會搵NGO例如協康會做一次評估，早幾年呢個評估要 5000~6000 蚊，但如果真係有需要，相對排政府CAC可以換來提早 1~1.5年接受到服務
2個讚
有啊，我有問兒科醫生意見，唔只一個，醫生話冇咩大問題，只係話佢講嘢上有遲緩，但係個範圍係可以接受，唔係大落後
所以我又去搵言語治療師嘅朋友，朋友都話冇問題，訓練佢多啲用條脷同牙齒
但係我見佢講嘢真係好慢 佢主要係發唔到音咬唔到字，佢想跟我講，但唔識講
個個都講到句子嘅時候，我教極佢，佢都有心無力
如果唔係太明顯有問題(例如叫佢名無反應，無望人溝通，極固執，望風扇轉20分鐘up)，建議2歲尾到3歲先做全面評估，因為太細做有啲題目未必理解到。而且一定要揀全面評估(係由臨床心理學家做)嘅報告先可以去社署排I/O/E/S位服務，
如果淨係做part(例如只搵言語治療師做言語評估，無錯係平，但社署係唔接受言語治療師單一方面報告
因為言語發展遲緩可能只係自閉譜系問題嘅其一表癥，要全面評估先可初步發現小朋友嘅問題
最平但等較耐(等2-3個月)：
協康會(而家好似6700-7000，平日會比假日平啲）
貴少少但等快啲：
邁步(前協康會啲人出黎開)(8800+）
Dr Doo (10000+)但斷得準
坊間仲有好多，例如耀能etc
google下
兒科醫生都可以做評估(都係拎個評估表剔剔剔，亦平好多，但我覺得無臨床心理學家咁轉)
CAC經健康院排但勁耐(1年+）
小朋友黃金期係去到6歲
啲I/O/E/S位都係用到6歲
舉例你3歲先排，可能到4歲先排到評估
排完再等排服務可能差不多4歲幾5歲
得返好少時間幫小朋友
我成日覺得如果問題大小都好
越早界入幫小朋友越好
所以要留意埋小朋友係咪只係唔講野，但認知，情緒，行為方面都要觀察埋
如果叫佢做野，指顏色etc都做到
問題不大
只係現實問題，要報幼稚園時就苦惱少少
我小朋友2歲半仲未肯叫爸爸媽媽，發音得單音，我都帶左佢做全面評估，因為我想排除左佢有其他問題先
然後拎報告俾社署排到校服務(O位)
到佢入N班時已排到了
返左學有群體生活，講左好多野
時隔一年已經2個世界
而且我地有姐姐
亦有刻意爸媽只講廣東話(我地都講英文但唔會中英夾雜eg BB拎架car俾我呢啲句子絕不可以)，姐姐講英文
佢而家無混淆中英
會自動轉channel
9個讚
係
家居訓練都重要
我地後來諗返小朋友點解咁
2大原因
疫情影響社交好緊要
我地父母本身靜底，好少講野input
對小朋友講野一定唔可中英夾雜仲要慢慢
一個個字係清晰見到口型
另外可google啲口肌玩具(簡單吹泡泡，吹BB)
食飯時啲飯菜唔好太碎
要咬合力
另外治療師成日提家長/姐姐服侍太周到，小朋友會比較常出現你講嘅第一個情況
好多時唔洗表達出口，想要嘅野已經到手，小朋友好衰會懶得講
仲有興趣單一，同一樣的玩具買完又買，有興趣的事可以講好耐好耐都唔停口
喜歡自轉、圍住人哋轉圈
鸚鵡式對話，你講一句佢只會講返你果句，引伸分唔到你同我的用法，因為你講果句佢全部講返晒出嚟
1個讚
係頭幾樣係固執行為
我小朋友1歲幾都已經係啲野唔可以亂
記性好爆，會擺返原位
唔係會唔高興
所以嗰時健康院護士教唔可以俾佢lead大人走
屋企啲位要得閒執下
玩具呢方面大人可以唔好買重覆
好細個我已洗佢腦，3大條件決定買唔買玩具
1屋企係咪已有類似
2 係咪好貴
3 媽咪比唔比買
不過我/你用法，言語治療師話3歲混淆係正常
慢慢引導即可
3個讚