嚟緊就要報小學，想知道有冇媽媽爸爸可以介紹吓邊間屬於happy school?
我小朋友讀到書跟得上課程，但我比較著重佢身心健康多過學業成績，所以想搵間冇咁多功課又唔好咁催谷之餘，最緊要唔好太著重信仰嘅小學俾佢，等佢可以享受吓小學嘅生活，唔係為做功課而做，加上小朋友比較好動活潑
聽人講又話樂華基樂/ 牛頭角基顯/ 9龍灣柏德/ 佛教慈敬….(聽到太多不能盡錄）我想知有冇人可以俾吓意見
唔該哂咁多位
會唔會考慮私校？
1個讚
九龍灣栢德超谷功課，但係派位結果好好，其實你個仔讀得書如果佢又覺得冇壓力其實係冇問題,起碼你已經唔需要去補習又俾人讀得輕鬆
最重要係校風同學習風氣要良好,咁樣識啲同學仔大家都係正面而且有教養,唔睇成績都起碼喺學校學到同人點相處
其實真係好難選擇，幫佢選擇間happy school 又驚埋沒咗佢讀到書嘅事實，選擇間cher 得緊要又驚佢辛苦，所以而家真係天人交戰
都唔知以咩基準去幫佢選擇學校好…
呢個時勢， 都無咩話好差或者好好的學校。 happy school 亦唔代表 無壓力， 入名校又唔代表成積好， 不如好似上一代咁， 搵間近自己， 校風正正常常的小學。有能力去外國的家長都係咁心態。