有咁既事? 真係完全唔知 一直以為最平3000起跳(一手) 個價同iPhone SE2 $3XXX根本差唔遠
(只想講個女主角用每月拎綜援一萬用iPhone 11呢個行為自己亦冇資格說三道四)
請問點解你咁堅持要用iPhone
係你冇錢情況下？
我講三星，你就講iPhone
其實你係咪撚緊我哋？
人哋還人哋
你還你
你再唔覆啲新嘢
又要再岀過po 啦
咁你咪唔好提佢
做返好自己囉
我意思係話自己都唔好得個女主角幾多 話唔定遲早會"有樣學樣" 只能話反映弱勢社群寫照
(至於咩手機唔係呢到討論重點 呢點請搞清楚)
p.s. 因為post有限制 所以遲左幾個鐘覆
係你話窮人冇私隱，啲人留言話300幾蚊手機咪得
你又駁人哋唔安全，咁咪答你大把二千蚊嘅機囉
你自己都唔記得自己寫過啲咩
咁好口唔去見工，就嚟話網民冇咩用㗎喎
對住H R就唔夠膽出聲
對住網民就咁多意見
犀利
1個讚
個手機就係重點，你都未理解到人地個重點，講野都9588，難怪唔請你，你d對答冇忽正常你叫人地點請，你個問題唔係空白期，係係你自己本身
1個讚
安全方面我係指幾百蚊疑似二手/鬼機
但一手最平多數都係3000起跳(價錢直頭拍得住最平既iPhone SE2)
你而家冇工返？咁你平時會做啲咩
我覺得樓主太耐冇正常社交
網上見到咩就以為現實一定係咁
脫咗節
唔好再將你想像中嘅弱細社群同現實中嘅弱細社群拉埋一齊講啦
唔係個個弱細社群都係亂用d津貼㗎
人哋有遺傳病、罕有病個班人好努力生存，用盡每分每刻去學習，去豐盛自己嘅生命……唔係拎津貼就一定俾人話俾人白眼
個女主角俾人話俾人白眼，係因為用不其所，佢冇衡量過自己嘅收入，亦冇善用筆津貼，li個先係俾人話嘅原因
仲有有d一手機二、三千都已經買到支援到用安心，所以冇必要買iPhone 咁貴
4個讚
所以我已經唔明佢講緊啲咩
佢話窮人冇錢買電話關於安心出行
其他人建議佢去先達買$300嘅Android機
佢又話唔安全
咁我咪話兩千蚊第一手電話多得是
代表工人都有得揀
佢又話iPhone最平3000幾
完全唔知佢想表達啲咩
1個讚
終於搞掂晒啲野、又可以搭下嗲
佢話iPhone SE都要$3000
應該係佢「想像」、果個綜緩單親媽媽、就算用$3000 嘅 ip SE都會比人鬧、因為用iphone,或者佢想表達、綜緩用iPhone都會比人歧視。
但現實係、個媽媽用緊iphone 11
好多返緊工嘅可能仲係用iPhone 8, 未壞都唔換機
原來係咁解，thanks ching
睇到佢啲回覆好混亂。
最想知佢本人宜家做緊啲咩
根本真相21先生就係用弱勢社群黎做擋箭牌
下下都要人地就佢
HR面試嗰陣 記得唔准問空白期架 唔好揭人瘡疤呀
提議過佢做炒散 仲嫌人地冇搵埋份工比佢
有冇諗過自己先係帶頭歧視緊人地
明明唔係個個弱勢社群都諸多藉口唔努力
定係佢想有人認同佢好慘
所有野都係其他人錯
等佢可以合理化自己一直空白落去
如果唔係點解人地叫左佢幾次做洗碗
佢都唔覆
覺得佢根本冇心想返工
7個讚
其實咁長時間冇返工，正常hr係一定會問，同埋都會問多2句呢段時間有冇進修有冇炒散，係咪屋企有事以致返唔到工之類，其實老實作答，hr大致了解左就冇問題，但佢就覺得人地揭佢瘡疤歧視佢，根本就諗多左，咁多公司都唔請好明顯係佢連正常對答都做唔到，講野9588，咁點請呀。好彩冇公司請咋，否則佢d同事日日俾人投訴歧視，真係唔得佢死。
仲有就係根本好多工係唔使cv，洗碗茶記呢d，只係問你幾時開得工，佢又係冇回應過，根本就係冇心做。
10個讚
其實你咁樣做、個地球都係繼續轉緊、唔會因為你交左個綜緩申請之後自爆。
你唔甘心繼續咁樣、就要揾辦法改變，呢個改變唔會一時三刻去改變到。試下做義工、睇下書、慢慢改變自己諗法先。
你見左咁多次工都失敗、咁一定有啲空白期以外嘅問題、你自己冇發現、老老實實就算你繼續去見、都唔會有offer, 因為你冇解決呢個問題。就好似你行上港島線、話要去荃灣站、你搭一百湊都唔會去到、都唔係果條路。
同埋我見你話會嘔吐同頭痛、又好驚接觸人所以唔想做客戶服務、唔知你會唔會有焦慮……如果係嚴重嘅焦慮、不如去政府診所睇醫生、要求轉界精神科（如果程序唔係咁請各位指正）、如果醫生評估左你都係有焦慮症、又覺得你有需要、會開啲血清藥、又會有行為治療、起碼你行出嚟同人交往、唔會咁緊張、心理問題同身體問題一樣、要醫。
仲有、唔知你作息係咪自律、如果唔係、試吓慢慢改變下、朝早78點起身、做下運動、早啲訓、唔好諗住冇工做就想訓到幾點就幾點、好好做人、先可以好好生活好好揾工。
6個讚
如果唔係佢玩膠嘅話，佢正職咪就係兒子囉，副業係研究心理學，研究題目係如何說服他人認為自己屬於弱勢社群
1個讚
綜合我睇晒所有post, 容我為樓主表達出他的要求：
-
唔可以download 求職app，怕被騙（雖然樓主應該無錢無樓比人呃)
-
介紹工作最好向樓主講清楚工作內容, 地點, 等樓主自行判斷一下去唔去見工
-
樓主很想找OA工作，不做藍領，因為做藍領會比人歧視（曾經有報道指有媽媽向女兒表示藍領=學歷低）所以我們不停叫樓主找地盤，洗碗工作都得不到回覆
-
雖然求職時H R正常會問工作經驗，以方便安排工作（請個洗碗都想知下求職者識唔識用洗潔精，要不要安排人手教）但為免觸及樓主的空窗期痛處，面試時最好只問樓主有無手有無腳，幾時返工就可以了，不要多問。當然如無必要最好連面試都唔使，直接叫樓主返工
-
要長工，因為part time很難轉返做長工
-
雖然樓主表示唔介意$10000人工，要ot 24小時，但不好意思，香港有最低工資，如果計返工資低過$46/小時，公司會比人告
-
最好找返黃公司, 因為怕被我們歧視
-
工作內容最好少機會和同事有接觸, 因為樓主不善辭令, 會不適應
-
返工後，即使樓主做錯，也不可惡言相向，否則是歧視樓主能力低
如果大家觀察到樓主其他諗法, 也請幫忙補充一下, 我怕我看漏了,
因為我覺得要幫人, 先要了解一個人, 否則好似上面的對話一樣對牛彈琴, 樓主繼續自說自話
13個讚
樓主思維真係好非一般，永遠只睇到唔好嘅地方，見到條女拎綜緩去買奢侈品俾人講，咁就代表晒全部拎綜緩會俾人歧視咁，然後就搵一堆新聞出嚟叫自己都唔拎，但佢睇唔到真係拎綜緩度過咗難關嘅人仕。
嘩，我見過人拎綜援買iPhone同養貓會俾人虎，咁我唔拎喇（因為我都諗住買iphone，其他電話唔得）。
嘩，我見過人上網搵工俾人呃架，咁我唔會自己上網搵架(最好你幫我搵，俾返proposal我啦)。
嘩，我見過人讀完書出嚟搵唔到嘢做，咁我唔讀喇（係啲學校俾假希望我）。
如果根據依種思維，咁好多嘢都唔做得
。
嘩，我見過人拍拖原來會俾人飛架，咁我唔拍喇。
嘩，我見過人喺元朗站搭車會俾人打架，咁我唔搭喇。
嘩，我見過人___，咁我唔___喇。（配以一堆新聞力證）
11個讚
如果樓主竟然搵到一份咁嘅工，希望佢會通知聲，因為想知道邊間公司有咁神奇嘅職位。
1個讚