揀緊接生醫院（仁安/威爾斯），想順產+全母乳
好多醫生話開頭48小時係黃金時間，想了解多D 唔同醫院安排
想請問仁安/威爾斯順產後，會安排立即skin to skin嗎？
之後喂奶安排係點ga？可否做到每3小時埋身一次？
1個讚
Skin to skin 應該得威爾斯，兩年前係，依家就唔知。
1個讚
仁安有一日六次嘅餵奶時間，自己去餵奶秀餵，餵人奶/奶粉都得
2個讚
公立醫院一般都提倡親餵
3個讚
威爾斯
母乳姑娘好好，好熱心
係佢地教到+幫到我可以做到全人奶全埋身
1個讚
公立好似全部都係親餵，生完隔一陣檢查完，無咩嘢就畀個仔你自己一個搞掂
你想點skintoskin都得。母乳support好多好多多到你覺得好大壓力tim。
你要佢地幫你其他野仲難～
5個讚
真係要有心理準備，公院姑娘啲母語教學攻到你差啲有抑鬱，反而番到屋企有奶到有人幫手先慢慢進行都未遲
5個讚
另外公院嘅好處係生完6個月內可以約返去佢地嘅母乳診所，有得見國際母乳顧問，當時幫左我好多，本身bb埋身麻麻，最後成功全埋身全人奶
如果真係有心餵人奶，頭果兩個月係奶量調整期，把握得好之後嘅路會舒服好多，nb應該要feed on demand，講緊可能係1.5-2個鐘一次（絕少多過3個鐘），係好L辛苦，但啜得多先幫助到上奶，私院一日6次，即係平均4個鐘一次，係肯定唔夠嘅，bb喺媽媽肚入面有臍帶源源不絕供應食物，一出世點可能較鬧鐘咁準時4個鐘先食
1個讚
唔係差d，係真係勁慘而且之後繼續畀佢地“教”，一d都幫唔到我，只係令我更困擾，一本通書唔係所有人適用，佢地只係不停repeat“官方做法”，後來我先發現原來有其他辦法解決我嘅問題……
一出世，我仔啜都唔啜，餓咗差唔多2日，先求到佢地畀水奶，自己座熱，用杯餵，洗杯……
隔離媽媽24小時噪音騷擾，無人幫到我。
（我希望我係個別事件啦，祝大家萬事順利）
公院私院各有長短，但兩者出黎嘅媽媽最後都會餵到／（其他因素）餵唔到……
2個讚
我仁安 本來想順產skin to skin
最後全餐咗 佢哋好快拎走bb
我24小時後落床後先第一次餵奶
bb喺bb房 我可以休息好啲
不過上奶實在麻麻 次後好努力好辛苦先全人奶
1個讚
舊年威爾斯順產
生完即刻skin to skin
姑娘仲幫我哋一家影相
之後返上產後房
每隔兩三個鐘會有姑娘問你有冇餵奶、BB有冇便便
母乳姑娘會教你餵哺姿勢、會幫你執姿勢
開頭真係唔知點餵
我就遇到溫柔嘅好姑娘
好有心機教
半夜又幫我湊幾個鐘等我可以休息
如果for 上奶係好嘅
但要有心理準備真係冇得好好休息
因為基本上你係stand by 湊B
2個讚
政府醫院應該全部有skin to skin ，除非BB情況唔許可。
各位媽媽如果想係醫院餵人奶，其實都可以一開始同姑娘講要餵奶粉先。如果唔係真係好難再問姑娘拎水奶。生完之後BB同房，你郁到之後其實一樣可以自己同BB埋身，無洗擔心BB食唔食到，反正夠3個鐘就可以拎水奶，對媽媽壓力冇咁大。
咁講可能係我係第二胎，覺得奶點都會追到，都唔爭在係醫院果一兩日。只要你見差唔到拎水奶之前早半個鐘俾BB啜下，就算之後再補奶，都一樣可以上到奶。無謂一個人係醫院同啲姑娘單打獨鬥啦，仲要俾個B轟炸。返到屋企仲可以輕鬆啲再慢慢追奶。
我第一胎BB係兒科佢哋會俾埋即棄杯仔…同埋水奶唔洗坐熱架…因為我第一胎冇乳頭混淆，所以第二胎我都直接用水奶個奶咀。餵完食唔哂成枝掉左佢就得，好爽
公立醫院隔離床硬係會有一個大媽開speaker 講電話/聽歌/睇片…我撞過好多次…係CLS的
威爾斯不停有人督促我餵人奶，2個鐘要餵一次，最癲果日我餵左13次，加埋個B痾左10次屎，攰到想死
你揀私家醫院私家房，想點都得
(我自己都係咁，母乳好順利)