WorldFamily廸士尼美語世界罔顧新冠危機！
我係寰宇家庭的家長會員（World Family Club）即係廸士尼美語世界，淨教材都要成7萬蚊，未計上堂費用及月費。
今日我收到佢地SMS，通知我地因為有老師確診新冠，所以星期日活動取消。
但係，我同跟開我地既sales問番，知道係邊一個演員，仲知道果個演員16/6晚先番完中心做練習，同埋12/6全日都係中心做表演。
重點：佢地話該演員係7日內都無番過中心
佢地依家比啲演員戴餐廳廚房果隻半透明半完全封閉式的口罩就做活動
我覺得佢地咁都講大話，完全罔顧小朋友的安危，作為家長，小朋友中左真係好危險囉！
一陣有小爆發，就唔只係該老師有事，所有上堂既小朋友都會受害！
多謝各位提醒，我改返最後一句。
我想將呢個情況比大家知，因為中心根本就冇理會小朋友安唔安全嘅問題！
咁你想點
我假設一個普通嘅教育中心，佢有導師中咗，你小朋友喺嗰度上過堂，有同老師接觸過，但係佢唔同你講，你自己有咩感受
阿女學校有類似case, 最近有老師中咗，學校出咗通告講返有位老師幾時測試陽性（冇開名，保護私隱，我覺得可以理解）、最後邊日返工，通知我哋個班房已進行消毒，然後提小朋友繼續keep住日日快測，有唔舒服就睇醫生。
我自己覺得咁嘅安排已足夠。其實周圍都有症，而依家隻病毒又弱咗咁多，中咗咪醫囉。同埋個老師已中，咁除咗通知家長有人中招，仲可以做乜？一般身邊人中咗，如果唔放心自己都會做幾日快測啦。
所以… 其實樓主想中心做乜？
我諗佢個point係間中心講大話，明明7日內有返過又話冇返，但又可以點，其實周街都係，真係驚就check下真係中左就休息下好快冇事，你可以直接問佢做乜講大話，睇下佢點答你囉
仲有我又唔覺佢係為左賺你一堂半堂錢嘅，如果係咁佢直頭唔使唔話你知添，繼續正常上堂，反正而家中左都冇乜病徵
本身對呢間嘢都無咩好感。
最後6個字我組織好耐先理解，本人中文太差
又唔覺，不過佢哋講大話係唔啱嘅
呢兩句調轉會唔會好啲? 我可能年紀大理解力差左, load左一陣先明佢地講大話
btw 你小朋友而家點? 小朋友仲細又真係會好擔心
哦，get 到了。咁講大話又真係有啲那個。不過首先要證實消息來源係真確，真係果位表演人員中咗先。
我都係用家，我又唔覺有咩問題。首先你要確認個位真係確診嗰位演員，我大仔學校有老師中左因為私隱問題都唔會講係邊個老師。
另外其實你怕小朋友中招，可以選擇去線上活動，唔去中心無人強迫你去，講真出得街就有風險，自己衡量。
佢地用透明口罩，亦有好多家長覺得好，因為小朋友要睇到口型，佢哋都有保持安全距離，都已經隔好遠。真係好驚嘅咪唔好去住囉。
該主題在最後一個回覆創建後90天后自動關閉。不再允許新的回覆。