我的好朋友都是住公屋/居屋時認識的。
各種際遇下，我收入變得比同輩朋友高不少。本來也不覺得有什麼問題，直至有次朋友說
「你們大學生，不明白我們的了」
然後朋友間談話，說到老公職業，平日去哪兒玩，買什麼用，我發現我和朋友不同。老公不斷提醒我，不要說日常生活的話題。結果變成沒什麼可以說，就和朋友疏遠了。
我嘗試結識有錢點的朋友。不過我對名牌無興趣，也不喜歡購物，又不追求名校，又無任何音樂藝術golf等高尚興趣。於是和比較富有的朋友仍然沒話題。
老公的同事太太，都穿名牌飲名酒，上酒吧宴會晚會，搞慈善事業。但我一款紅酒名都說不上。更不用說她們大都講native英文，我連溝通都做不到。
結果我高不成，低不就，兩邊沒朋友。有時給錢輔導員和我談心。
後來移了民，一齊從新洗牌來過，反而好了。
物以類聚臭味相投不無道理
因為你和他們沒有共同興趣，
其實世界唔係淨係得買名牌，golf，這種活動，
仲有人喜歡打羽毛球、釣魚、行山、影相（風景、人物、花、蟲、雀仔）、
踢足球、打籃球、
你慢慢發掘下，自然會認識到新朋友。
嗯… 他們也關心環保，人權，搞慈善事業。有次還找我一齊幫助弱勢社群。不過我英文能力未足夠參加她的組織，我的社交技巧也未能應付她們的酒會、蘭桂坊等話題
佢哋走咁高檔路線，你跟唔也是正常，
你自己有咩興趣？
試吓參加這些興趣班，識啲志同道合者。
我對環保，幫人很有興趣。但做到那麼高檔很大壓力，社交上很易被人笑話。
結果我移民了，問題算是消失了。現在鄰居香港人和我不是差太遠，大家都是窮過白人
你移咗去邊？
有冇宗教信仰？
移了去英國。信基督教。
香港的教會，都是中基層多，所以當時和整個教會朋友都少了來往。
後來有改去比較富有的教會，但不多久就移民了。
現在返英國白人教會，都是上流人仕，隨便識個婆婆都是英女皇侍從
[有錢卻失去了朋友]=[女人好強就冇男朋友/就嫁唔出]
兩者有異曲同工之妙。
緣份，友誼嘅嘢，唔似錢咁，努力就得。
其實同有冇錢係冇關係，人夾人，不論窮或富只要有共同話題，大家性格相近就可以做朋友。如果因為朋友太窮或太富就疏遠嘅根本唔係朋友，你只係搵唔到一個可以有共同話題嘅朋友，並唔係你有錢，所以失去朋友。
情況會唔會有少少似因政見睇清楚朋友？
同意你所講。
如果緣盡了，唯有接受，大家都唔需要勉強。
好有趣
件事好英國
皇室係咪真係好似霉根講到咁衰 
朋友呢啲嘢
隨緣
其實中學識於微時
都係因為日日被逼困喺同一個班房/屋村而熟
當日有共同話題，唔代表大個見識多咗都仲有咁多things in common，價值觀也可能很不一樣，只係細個未有機會構成條鴻溝
就算大家有錢程度相若，疏遠都好正常
我自己覺得就算不同政見，如果大家都可以做到「和而不同」都可以係朋友，最緊要尊重別人，我自己唔係深黃，算係淺黃加港豬，遇到D藍人只要唔講政見都可以傾下其他嘢嘅，朋友嘅嘢真係講緣份⋯⋯
咁堅！
我覺得，樓主失去朋友嘅原因唔係因為“變得有錢”
樓主以“住公屋，居屋”，”有錢，著名牌飲名酒”，“上流人士”形容身邊嘅人
全部都係同錢，社會地位有關
而唔係用性格，人品，興趣去形容人
階級觀念比較重
可能樓主d朋友覺得大家嘅思想，價值觀唔一致而疏遠咗
都幾有道理…
我有種世事都被你看透既感覺
你咁樣演繹，我會更理解到隨緣既意思
重點
疏遠係因為朋友覺得同樓主唔夾
而唔係因為樓主變有錢
