終於可以由奶奶屋企搬岀嚟，好開心但同時亦都好擔心自己搞唔搞得掂個歲半B。想問下各位FTM通常會點分配時間同埋有冇啲易整又好味既晚餐推介？
自己住係free好多嘅
不過就自己一腳踢囉
唔駛驚，其實冇話搞唔掂，睇自己想點做咪點做囉
我自己就長期醃定一兜肉係雪櫃嘅
咁隨時炒/蒸都有貨
雪櫃都放兩三樣蔬菜同最少兩款水果
唔知你bb食有味嘅食物未
最初未係好俾調味bb個時就另外用一個兜放冇調味嘅肉，晚晚溶定第二日個份量
煮飯時簡單處理好就用個鐵兜仔/碟仔連埋蔬菜放入飯煲蒸架咋
到你想俾味bb咪用雪櫃醃好左嘅肉，另外蒸俾佢
我就醃得唔濃味嘅
通常係煮個時再按情況睇下加唔加多啲調味
煮咩簡單最初你都可以試吓蒸野同滾湯先嘅，我個時冇咁快俾有味野俾小朋友食，老公又未必餐餐一齊食，所以都唔想咁複雜又健康啲
蒸雞可以加紅棗，冬菇，雲耳金針呀咁
就算就咁買隻雞返黎清蒸，加薑蔥都好正喇，百佳有半邊/全隻嘅冰鮮雞，唔識自己切都有啲係斬好哂嘅
蒸排骨/豬肉可以加梅菜，豆豉，酸梅呀咁
咁都已經幾個口味
滾湯，菜心，白菜，節瓜，冬瓜，唔同嘅蔬菜唔同口味，加啲肉同菇菌，加豆腐加粉絲又唔同口味，而且未加調味嘅話bb都岩食，到你食個時咪自己個份加味
有信心可以炒兩味
食飯我固定左中午12點幾同晚上6點
煮中午個時會處理埋晚餐要準備嘅菜同肉，裝好晒一碟碟放雪櫃，要洗嘅就洗埋佢，咁到煮晚飯個時就好快手
家務方面，我習慣要做嘅就照做，陪玩就等我做好再黎，因為唔太接受到佢訓左都仲要做家務，同埋都想小朋友明白屋企係有屋企嘅野要做
唯一一樣願意留返小朋友訓左做嘅係清潔玩具
如果佢仲有午睡嘅話，咁都仲有個走盞位
但我會盡量集中係朝早做哂所有野，收衫晾衫洗衫，抹地等等，都係手板眼見功夫，做個時我小朋友好願意幫手
咁順手train下佢啦，做得唔夠好唔緊要，最緊要佢有興趣同開心
洗碗就冇辦法喇，都係食完即高速洗碗，有洗碗機就更happy啦～
唔小心長篇左
13個讚
加油 我都係FTM , 小朋友21 個月
時間方面
session 1 : 一早起身會沖奶/洗午餐菜/醃肉/洗衫+陪睇書+比佢自己玩（但我女唔得，所以我會比佢入埋廚房玩煲/睇一陣cocomelon)
session 2 : 煮共食午餐/我食完會極速洗碗/一齊浪衫/入房睇書+陪訓
session 3: 我會訓陣再起身整當晚的送洗菜/醃肉/浸米
session 4: 阿女起身下午茶（芝士/生果/乳酪）/如果session 3 已準備好 就會去公園落街行路（公園都係隔日去）/唔落街就會在家一齊做coffee workout (努力爭取媽媽的me time)
session 5 : 煮晚飯 (最好蒸焗爐可以整到1-2 個送）+共食/沖涼/飲奶/食生果
session 6 : 睇書 陪訓覺，收工
過程 爸爸 婆婆都有協助
星期六日 我會買好3日的肉類，多數三文魚，油甘魚鮫，雞排，雞翼，豬肉碎，菜等等，因為唔方便日日去街市 所以都係冰鮮食物多；另外 我女好鐘意食湯麵 所以我多數會煲個蕃茄薯仔/南瓜魚湯做冰種做阿女lunch 的麵湯底
我其實係好鐘意出街 不過我女出左街nap time就好小 , 所以出街都係朝早同婆婆飲茶約1-2pm 要回家
我都係努力配合改善及學習中 , 大家加油
11個讚
好詳細唔該晒呀
唔知自己湊仲會唔會有me time呢
Thanks!!!好詳盡呀！我又係好鍾意岀街，有冇咩地方啱媽媽同小朋友去？
點都要搵時間出嚟me time輕鬆一下
咁樣先可以令身心健康
做ftm，記得要顧及埋自己的心理健康
Happy mum, happy baby
1個讚
有，冇me time會死人
我小朋友好似你個個咁大個時晚上7點就俾佢訓
所以我晚上時間就係me time
最初佢有時會半夜醒，或者晚上7點訓左勁爆早起身
每日6-7點搞醒我，慢慢越大就訓到長，有時我賴下床扮訓，大左同佢講數佢慢慢會識自己訓返
講真佢每晚7-7都12個鐘嘅睡眠時間，仲有午睡呢，所以唔能夠要求太高嘅，真係早起都好正常
我個時會照陪佢起身玩，玩到午餐後2點幾咁，會有午睡時間
如果你小朋友有午睡時間，咁就多一個時間做me time，或者用呢個時間做下啲輕ken家務，咁早上就冇咁趕，不過做慣左就越做越快架啦
建立有規律嘅時間對你同小朋友都好重要
咁當然人人家庭唔一樣，按自己情況調整，唔需要同人比較
個個小朋友都唔同，有啲會比較難，唔同階段嘅小朋友都有不同反應，佢地都有自己嘅規律，多觀察然後慢慢調整，盡量做囉
有啲又有家庭因素要考慮（例如爸爸都想有親子時間但較夜收工）
好多野要取捨，冇十全十美，只有合適你家庭同小朋友嘅方法
同埋建立一個規律需要時間同恆心，非常堅定又唔好俾小朋友，家人同自己太大壓力咁就夠架喇
係長期戰爭黎架
3個讚
早訓好緊要
我小學都係八點半入房熄燈
都係去商場超市公園，體育館遊戲室