佢唔再心雄周圍叩門已經算係咁，出面好多家長拎住第一志願周圍叩
然後就呻呢幾日好忙日日考學校。
1個讚
知有人抽到mcs仲叩協恩同mary, 都唔知咩玩法
我知
之後出post問x vs y vs z, 問大家意見。然後引人問：你小朋友好叻，係咪讀私幼，點谷佢。
1.隔離飯香
2.測試自己能力
3.叩到又可以認叻
最唔明呢點，叻，比你叩到晒咁又點，需要咁樣證明自己嗎？
其實叩到都未必讀得掂, 分別識人(真係朋友, 唔係上網睇人地講)叩到協小及mary, 一個讀唔掂而日日家嘈屋閉 (協小要考40內先有機會上協中，佢考40幾，阿媽慌到呀…), 一個頂唔順而轉校.
所以都唔知証明啲乜~
最近係群組咪又類似囉，有人仔女好叻，有幾間難入既小學都有offer。咁對方就講下自己仔女點點點，然後有人就話你小朋友係資優，叫佢同學校講定考啲唔知咩試跳下級。
估唔到叩返黎竟然讀唔掂，叩門既唔係精英中既精英咩
兩位都不約而同小三開始走下坡，所以spccps往年只準插小四小五真不是無原因
幼稚園嘅叻不排除部分是虛火，谷出黎架
嘩，真係cls, 永無止境地窮追，都已經資優仲要求佢跳級
其實真係資優既話，做父母更加多一份憂心，就係點樣可以將小朋友既gifted 發揮得最好，學校又配唔配合到，而唔係拎黎跳級誇啦啦lor
上天好公平的，比多d野你就會拎走一d野，睇過d資優父母既心路歷程，真係唔容易架。
1個讚
呢個時間點有聽聞過，就係細個比人過份谷既小朋友都係呢個時間走下坡，就好似橡根比人拉斷左咁。。。
但唔明點解出現係呢個時間。
人人谷嘅感覺都唔同嘛。得升中/校舍呢啲實際可以數據化到。
有人話女拔小谷，但我睇就唔算，佢係教同考得深啲但功課測驗真係唔多。有人話德望谷但我識人話默書功課都少，唔算辛苦。又好多望落 happy 但一去到高小就完全唔 happy。
我明。資優思維唔同，年紀細過或者同齡佢唔啱 key，年紀大過佢又未必夾到心智/經歷。邊左做一個怪人
我想問，有精英班既學校，同無分精英班既學校，邊樣會較好?
喺我立場覺得唔分精英班就最好，小學噉樣分類可以講分化曬學生嘅友誼，仲會令到啲小朋友咁早就覺得自己唔及他人，搞到自己對學習容易越嚟越冇信心，亦都出現谷嘅學習。
1個讚
學校洗腦式教學就一定唔可以！
要睇佢配套係點樣。
如果係分菁英班，但其他班補底做得足，會拆小組上堂，咁對小朋友反而係好，咁樣老師照顧好啲，又多啲機會 shine。如果係冇做任何嘢，只係單純按成績分班，咁功利就要三思自己受唔受得起呢種壓力。
有啲學校係主科都有分菁英組普通組 (e.g. HYPS)。
有啲係講話冇，但實際有，會見到最 bottom 嘅學生全部去曬部份班 或者 有一班全部人都每科成績 / 排名都係頭 50%。呢種好普遍，但學校一定唔會同家長講係咁樣分班，亦唔會認咁樣係分菁英班。
有啲學校的確係隨機分班，但最 bottom 嘅抽左出黎小組上堂。
如果你係完全唔認同分菁英班，咁以上你都要避免，小心挑選。
每個小朋友唔一樣，都有好多野考慮
其實讀小學真係唔容易，如果父母無時間跟功課，選擇谷小要諗清楚。今時今日已經唔係送小朋友去功課班就ok
因為小一至小三比較多基本野，操練就操到，但係到左小四至小六就多左好多思維邏輯既野，需要運用唔同課題融會貫通，操開既鬼識轉彎咩。