讀津小，有20分，參與統一派位
除左了解學校功課量，程度呢啲，請問仲有咩準備？
以前報幼稚園，有入whatsapp group，有响facebook打校名搵下資料
for津小，又唔太覺有呢啲whatsapp group
我會睇埋背景，如小朋友短時間唔走，學校背景，校長立場好重要，我唔想最後變不愛爸媽只愛國家
3個讚
有好多備戰谷同地區谷，但唔係個個都有料到，大家願意討論。
仲要睇校風，功課量，係咪普教中，課外活動，升中率等等
『校長』都係一個職位，都可以換其他人做。
2個讚
津校都有學校谷班谷 可以先去所屬校網FB群組出post問 會搵到同校家長
睇你咩校網，係FB打校網試下搵唔到同埋活唔活躍。
我係由最初自己個區校網WHATSAPP，會有人SHARE或問其他校網WHATSAPP。
因應小朋友程度，性格
再考慮自己可以跟到幾多學習
可以睇下有無媽媽仔囡係嗰間讀，通常佢地都好肯share。睇下學校校風，.得閒下課時段去行嗰間學校附近。
如果真係要留低讀書，我會先 out 官校，教材跟得好貼黨嘅要求，老師仲要宣誓，你諗吓會係咩嘢心態去做呢份工？
津小睇有無直屬中學，功課量和程度好睇個人感受。
不過提提你，有良心嘅老師係 keep 住走，就算係名校，教學質素都只會跌，分別在跌得快唔快。
3個讚
先 out 官校，官校小學通常都教得淺，而且老師都係公務員最容易 hea 教。朋友以前讀官校都話老師 hea 到飛起。
再睇宗教。我傾向有宗教嘅學校。外國好多學校都有宗教，尤其英國。加上宗教科某程度上係幫助到語文科。
再睇升中方向。你係打算去外國咁就只需要揀大家都舒服多活動嘅學校。想本地升學就一定揀有聯繫/直屬 band 1 嗰啲，比其他人多一份勝算。如果冇，就揀升中最靚仔嘅學校。唔好以為二線會舒服，其實唔一定，可能都多測考功課，加上二線考嘅野再淺啲，分數迫得緊，考差一兩分就已經呈分排名跌出 band 1。
2個讚
我會留意埋教學方法，傳統vs活動，學校注重小朋友D乜發展，如全人發展或者STEM ，仲有幾多考測默書，會唔會教快半年課程，疫情前返到全日，會留意下午嘅活動係乜，另外仲有學舍位置大小配套，學校返學上堂時間，校車接送時間等…
不過大抽獎真睇運🥹
以上都岩。another side 係官校好多資源，政府直頭係有舊錢專比官校，所以可以試好多新野，it 野都可以行得好前。一人一ipad不是夢。
有d官校既聯繫中學都好靚仔，基本上考全級頭2/3已可入band 1中學，精英班入到band1a. 係咁既配套下，好多父母都心動。
真係令人非常心動嘅官校就只有軒小 
其他都冇乜特別優勢。
官校考全級頭 2/3 難過普通學校好多。啲分數迫得好緊。有啲官校頭五名啲分數都要全部 95 以上，軒小都係其中之一。跌出 95 都已經飛走左唔知去邊。粗心少少都唔得。
不過根據校友/家長，軒官上到去 QC 都非常容易做墊底人。英文好容易唔夠人地打。
請問軒小有乜過人之處
同你一樣諗法，首選out官校
我明年年頭會離港，未知派位成績前準備叩門。朋友覺得奇怪，都走啦叩黎做乜？
咪就係怕萬一派去官校囉。一刻我都唔小朋友係個到就讀，更何況半年有多。
升中派位得天獨厚～
仔仔：
- 聯繫 QC Band 1A，男校唔洗同女爭。
- QC 灣仔聯繫位只分畀兩間軒小，愛官東區自己聯繫位。
- QC 同區，即係抽完聯繫位可以再抽公海，16 連繫+51公海
- 灣仔最讀得書嘅仔都會係 St Jo 仔，就算心儀 QC 都只會擺自行，唔會擺抽獎
- QC 個名夠曬響
女女
- 聯繫 BPS Band 1A，12 個聯繫位+2公海。兩軒傳統上都係女少男多。競爭對手少過仔爭 QC。
- 三大女校，大把位揀。三大女校幾乎大家都一係自行走佬，一係抽獎升返自己中學。
- BPS 夠響，入唔到都可以入三大女校，再唔係就 TSK，都係 Band 1，Band 2 向上移不是夢。
QES 同樣 Band 1A，但餅仔咁多間一齊分：
九龍城四間一齊爭 15 聯繫+5 公海。油尖旺 8 聯繫+58 公海，但男女一齊爭。油尖旺得塘官一間好啲，另外兩間就…
荃官四間
海壩街同荃官小男女一齊爭 12 聯繫+61公海，但名唔夠 QC 響。
庇理羅士 6 間》5 間，香島道 24/25 停止辦學。
中西區 2 間分 5 聯繫+2公海，南區 6 聯繫+2公海。
英皇 4 間》3 間
中西區 11聯繫+53 公海，南區 12聯繫+2 公海。
咁所以軒小一定係官校首選。
7個讚
嘩，你簡直係專家
咁軒灣同軒銅邊間好d?
冇話邊間好啲…即係紅馬福馬都一樣。升中一半實力一半彩，某一間多啲入 BPS/QC 唔代表佢叻啲，可能咁啱 number 靚。除非好明顯一個多一個冇 (e.g. 深官福官入荃官，好明顯有一間係冇)
我識人讀軒銅，佢叩入，但上學期一直 zoom，媽媽發現原來 hea 又淺到個仔都嫌悶分心，個 NET 成個上學期都係 Hello, Good Morning，但個仔本身英文水平都可以去到官校二三年級。佢怕個仔習慣發夢到之後唔多肯聽書，下學期插去某直資龍校。間直資課程挑戰性同款式多好多，起碼 Zoom 嗰陣冇叫過悶。
課程上，軒銅一班普教中，軒灣就全體粵教中。
2個讚
官校勁差，我朋友教書，佢話教師最有heart嘅唔夠津校，hea嘅係全港最hea嘅
最貼黨，最表忠，老細係教育局永遠唔會係家長，校長可以經常調職，唔會有心做好學校