今個星期33週… 仲有唔夠2個月,個人仔就要出黎啦
感覺到好似愈來愈緊張.
會驚準備既野唔齊
會怕BB 忽然間有咩事, 隔日就叫C6 CHECK下BB 心跳先安心…
會怕到時有咩事發生, 仲講定話叫C6 如果有咩事…一定要揀BB
怕到時會攪唔掂個B,(我已經請左陪月姐姐啦)
我唔知係咪每個新手媽媽都會咁…
放鬆啲，放鬆啲。
我臨生個段時間係好期待ＢＢ出世，無諗其他嘢，唯一緊張生個時唔知會有幾痛。 
除咗照顧BＢ，都要好好照顧自己同埋調整心情，咁就可以輕鬆面對。
1個讚
正常啦，唔好諗太多
祝福一切順利
其實痛我都好驚嫁… 平時整親隻手指仔都WE 嘩鬼叫… 不過而家反而無諗到呢樣… 只係膽心BB 會唔會有咩事… 連C6都比我攪到緊張埋…不過我覺得我就唔會係產前憂鬱既…因為都無話點影響生活…
多謝… 希望到時順利啦… 而家怕佢會早產…陪月姐姐未必有時間炸
正常會係咁亂諗野，唔洗擔心，果啲野通常都唔會發生。
可以揀下靚衫俾BB，諗下產假想做咩，慢慢準備下
比啲信心啊b
陪月都係幫輕下姐，唔洗睇到佢咁重要
最重要係父母
好好享受手抱階段，佢哋好快大架喇，好想念個段時光
XD 我已經一早買晒啦… 衫仔自己買D,人地比既又有D… 我諗佢到一歲之前應該都唔洗點買衫…
其實我好遲先放假…想留多D時間係生之後…成38週先放…可能到時我都生得啦…
我怕到時佢出左世之後我反而想捉返佢入肚入面…我聽好多朋友講…頭果幾個月都唔洗點諗住有得訓…
多謝你地安慰我. 因為怕自己太緊張,所以想取下暖炸…
正常啦，有咩咪係到問下，呻下囉～
講完會舒服啲
個時我媽話「bb訓，你就訓」
真係冇講錯！佢訓，你有機會就即刻訓！
1個讚
其實最怕係我返返工之後爸爸自己湊唔掂…佢而家已經驚緊…
第一個月有陪月… 可以靠陪月,
第2個月到我返工之前…有我係到…2個人點都好過一個人
但係我返工之後得返佢… 佢同我講…好怕小朋友喊…
之前我地傾好左…因為爸爸既工作係係屋企做野…由爸爸湊…
其實都幾辛苦佢…
有冇多個屋企人幫手？
咁點都係自己個仔… 自己湊都應該既…
其實我媽應該最初一放假就會過黎…不過應該都係初期嫁者…都唔可以太依賴佢成日走黎走去…
99就唔好諗啦… 鬧左交之後…係我肚入面果陣…一次都無黎過…
最重要大家互相體諒，唔洗太執著啲細事
提醒佢，喊係冇問題，喊係正常
老人家話「bb喊係做運動」
千祈唔好因為bb喊就心急，心急有時會壞事架
佢肚餓咪喊囉，喊仲好，喊完「運動」左食快啲添（當然喊到好勁就一定要望下佢抱下佢）
等我試下咁解釋比C6 聽先…
1個讚
我成日推介新手父母睇呢本，圖書館有得借，可以預習下岩岩生完嘅情緒問題，爸爸都知道就更加好
多謝你, 等我搵下訪到有呢本書先…
我唔係想打擊你，但你老公要WFH，如果佢要湊BB，就做唔到嘢㗎喎。
湊BB係一份全職工作嚟，你哋有無請工人或鐘點幫手？
3個讚
係，湊BB係全職工作
當你返工後，bb三個月，仲需要3個鐘食一次奶，換片，
哄瞓覺，好多野做，而且愈大個開始爬等仲要更加睇實。
一個全職湊先得
無呀 爸爸係接job 做野既 頭果兩個月 會唔接job 住 不過如果真係攪唔掂就要請啦 我地想自己試下湊先 因為睇想睇住小朋友成長
你哋屋企如果有位，依家可以請定海外工人了，因為最快都要3個月後先到。
我鄰居當年同你哋有啲似，當初諗得湊BB太簡單，無請人，兩公婆返工，叫嫲嫲日日嚟湊BB+煮飯比佢哋食，結果嫲嫲湊咗一個月頂唔順、瘦晒（我日日見到佢，睇住佢瘦），我鄰居先緊急請工人，結果BB 4個月大 工人到咗，嫲嫲先甩難。
我都有小朋友，信我，如果你哋兩公婆諗住做雙職父母，無人全職湊BB，你哋快啲、即刻去請工人，請工人都係睇住BB成長嘅，因為爸爸可以繼續WFH，你放工返屋企都見到BB，重要唔使自己做家務，可以專心陪BB。
唔係我地諗得太簡單 而係我地屋企無位放多個人 要搵人湊都只係請日間既保母嫁炸 我地都知咁樣係好難 但係無辦法 無得靠99 雖然我媽媽可以幫手 但又唔太想長時間放係媽媽到
我地知道會好辛苦所以爸爸最初唔會接job 做 算係全職湊既