如題，平時無教額外知識，只係普通跟幼稚園進度，咁揀小學時，點知自己子女上谷既小學會唔會跟到同適唔適合？定多數人都係試左先算？講真，好慚愧地我都唔係好sure子女應該適合咩類型學校，成日都驚幫佢做錯決定
睇到。
做幼師朋友有分享，因為有比較就知道
一類小朋友，老師堂上講一次，教一次就明白，甚至主動幫助不明白的小朋友，回家有條理地自己做出來，會緊張自己功課，自己收拾書包，不需要家長擔心，對認識新知識抱有興趣，勇於舉手答問題。
另一類就堂上講完都唔明白，唔專心，老師要抽佢哋出來重點再教，回家不願意做功課，上堂會放空，甚至唔守課室規矩，佢哋不會主動回答老師問題。
6個讚
如果唔係讀書材料，去到谷學校會好痛苦，大人細佬都痛苦，你為左佢唔好包尾，放假要同佢溫書。
測考默的內容又深，課程教得快，同幼稚園遊戲學習完全唔同，周圍同學又會假日或者放學後去增補知識。
不過如果無考到其他小學都會照讀，始終top學校多人爭。
留意下佢認字快唔快，鍾唔鍾意睇書、聽故事，會唔會每事問，到你解咗佢又真係識
其實記性好唔好，好容易睇到
我自己有做早教，就講兩個仔，睇吸收都已經好大分別，一個自通拼音，一個KG 上足兩年拼音先上小學，一個鍾意認字鍾意得不得了，N班上堂經常自由行，望住課室d字咭一個個讀… 另一個要我地諗盡方法幫佢認老師課堂教咗嘅字…
我女功課都唔洗我點操心，上堂老師都話佢會答問題，不過佢幼稚園係屬於happy school，課程算淺，我又好少教佢額外野，所以就唔肯定，可能係因為課程唔深先自己搞得掂
我最後揀左happy既小學，但做人丫媽，又擔心佢其實可能係讀到書，唔知自己決定岩唔岩
佢要我陪先肯睇書，理解力同認字都ok，不過我自己唔係好識教，亦都少教
呢個就係我喇。我幼稚園嗰時上堂已經好有興趣，幼稚園上堂學啲歌，畫過嘅一啲畫，做過嘅勞作，帶過咩玩具返去，甚至部份copybook 同k3試卷上嘅內容，過咗卅年仲記得。
小學讀書keep住班內三甲，最鍾意舉手答問題
中學成績夠入醫科
8個讚
睇黎你有異於常人既記憶力，過左30年都仲記得，但遺憾既係，我肯定我個女一定無你咁勁
1個讚
厲害厲害
問下老師平時上堂嘅情況，可否乖乖坐喺度，係唔係聽完明哂識照做？如果係，應該可以傳統谷小學。但如果平時係活潑好動，又多多問題就比較適合活動教學嘅小學。你係小朋友媽咪，應該多多少少知道佢性格，盡量搵適合佢嘅小學，到時幫佢讀書都易D。
去到happy school只要成績好都可以去番好谷嘅band1-2中學，既然已經讀緊就唔好諗太多。
睇到，某程度可以定到三歲定八十。
醒目自律嘅會好積極參與，就算唔出聲或者都唔算坐得定，都睇到佢眼神係好專心，亦有好強烈嘅求知慾，唔識就好主動搵老師/大人幫手，因為做唔到會好 frustrated。
可以初步分到邊啲同輩做到/做唔到，而去幫手/搵幫手。叻少少嘅會知道邊啲同學強/弱。
記性好好，講一兩次就記得。
主動樂意做功課，真係聽過有小朋友好開心講 “我鍾意做功課”
語文能力高，可以清楚表達自己
不過有另一類就係「遲開竅」
呢類小朋友男仔多啲。唔鍾意做功課唔鍾意坐定，又好多嘢講，但佢地都會分到同輩強弱，要專心嗰陣都會做到。同樣有強烈求知慾，只係唔一定係書本上面嘅嘢。呢類大部份人會叫佢地做 「醒目但懶」。通常都係中三四呢個位先會跑出，之前都係靠天聰 hea 都打贏唔少人。
不過如果教過小朋友都感覺到，讀得書嘅小朋友雙眼係有光，眼神亮麗啲。唔識形容到底係點樣，又唔關眼大細，總之就係眼神接觸嗰刻就見到對眼係有光芒好「靚」，炯炯有神。考第一二三都唔一定雙眼有神，但呢類學生都唔會考得差。除非係 SEN 或者其他問題，否則考下游都好少見到呢種眼神。
讀傳統谷小學定係 happy school，我覺得只要你唔同個小朋友講/比較，佢地唔會 feel 到係谷定 happy，大部份都係習慣就冇感覺。
我唔認同 “只要叻/勤力讀咩學校都可以入到 Band 1”，因為確實有啲學校考第一都唔係 Band 1 生，考第二可能已經係 Band 3，前人問題。加上呢類學校爭分數差異好細，少一分都可能跌出 Band 1。除非小學係直私有教深，否則小學係一定打小心謹慎波，中學先可以天聰取勝。
14個讚
我明，我後生時幫人補習，私補和課後功課班都做過，有啲醒嘅學生，眼神係炯炯有神好多，但呢類男仔大部分好頑皮；有啲學生雖然坐定定好乖，但教極都唔識，問佢唔明邊度又講唔出，佢哋眼睛相對係少啲神采，呆啲。
1個讚
我覺得女仔幼稚園時已睇到，反而男仔多數高中才彈出。但不倫男女，最基本嘅係從小記憶力已特強，有些小朋友會形容記憶係似video 播映咁，係立體有影像有聲的，再進階係每次問問題都已預設好對方答案，然後自己如何再問
係呀，細個啲記憶力超強，近乎過目不忘，或者聽一次老師講就記得。
不過你問我今日三日前嘅嘢就反而唔記得喇。
唔駛遺憾，因為我生嗰啲都唔係咁。
唔係睇佢哋都唔知自己細個原來有啲特別。
1個讚
我咁睇：揀小學，家長心態最緊要，仔女幼稚園讀書叻唔叻反而係其次。
如果家長想子女讀名校，會不惜一切咁谷。如果家長想子女在一個快樂環境中學習，成長，咁揀小學時便會朝呢方面。
仲有，幼稚園讀書叻，並不代表以後都讀書叻，反之亦然。
1個讚
睇到，我大仔係資優，幼稚園因為唔係讀名牌幼稚園，所以老師都覺得佢係班入面特別聰明，小學中學讀大家所謂嘅神校，現在如無意外都會有英國大學 offer.
我好公平，用哥哥同一 set 資源和教材去教細女，但係由幼稚園老師至面試班老師，都覺得佢唔係讀書材料，我自己其實都知，鋼琴老師都教過哥哥，佢話妹妹學琴會好辛苦，佢能力有限。現在中學讀 Band2 尾學校，大個左之後先知佢有藝術天分，對繪畫很有要求，日文老師話佢口音係近 native level. 所以，我都唔會迫佢讀書，鋪定路去日本讀藝術，有一技之長，以後教日文又得，做美術有關工作又得。
十幾年來，因為自己都識仔女啲同學，面對叻和唔叻既小朋友相處和溝通技巧都好唔同，真係發覺讀書一般嘅，最好搵到一技之長，一種有 passion 嘅活動，傳統上華人社會重功名利祿，即係科舉制度，但現代人又打算去歐美國家，我有另一句術數常用句 share , 異路功名莫說輕，一個例子，如果有一手港式好廚藝，或者係髮型師，去到外地，已經唔怕無嘢做，仲可能好受歡迎。
23個讚
英文叫 “gifted”, 確係上天俾嘅禮物
唔係自己嘅努力得來
而且我覺得大家隨住努力同知識上嘅累積，個分別一路隨住年紀收窄。
係完全睇唔到，甚至到20嵗你都未必睇到，信我，人生係可以不斷爆冷。反而甚至有時細過係讀書材料，之後越大越回塘。
我以前個同學一直讀野鷄中學，甘證明佢小學讀書差啦，之後會考都好似得14-15分，後來升左三大之後"生性"，仲拿埋First Hons，絕對無吹水。呢d人仲有幾個。
反而性格就真係三歲定八十
2個讚