冇嘢呀，錫面都算，錫嘴真係唔得，萬一有菌咁點算
絕對認同！
真係完全明白你感受，由出世到而家99一定有N樣嘢令你不滿，唯有忍到就忍…
無錯！
所以我講過好幾次！佢都聽完就算！
睇下小朋友幾大個啦，外國有單係手抱bb, 俾大人鍚完面之後有箘就死左
咁改咩名又真係關6299咩事呢？見呢世人可以有機會幫人改名就想霸來改？個B唔係佢生出來，憑咩咁多意見。有名你就叫，好唔好聽都係要叫架啦。如果改個名咁有用，奶奶不如直接改自己個名啦。
點解會拎嫲嫲同婆婆來比較，而家見得個B多就著數啲？媽媽生完之後心情已經唔好，好可能婆婆湊都會有啲野覺得唔順眼，冇話自己阿媽就完全OK。
嫲嫲想見孫又點，我夠想個個星期見教主啦，咁個孫係喺人地屋丫麻。主人家唔中意，唔ready 嫲嫲一星期上來一次，都要跟架啦。做人奶奶唔洗識睇人眉頭眼額？唔洗識體諒人嘅？我唔信奶奶當年生完會好歡迎每個星期有幫唔到手嘅人上門呀。
我估樓主BB應該未夠百日，可能休息得唔夠。每個星期見到唔想見既人一次，浪費兩三個鐘休息時間，仲要影響心情。
咩叫做人新抱？媽媽只係同佢老公結左婚，新抱只係個關係嘅名。奶奶唔識做人唔尊重孫仔阿媽嘅，咁人地都唔會想同佢來往囉。本身唔係一齊住都咁嘅心態，第時冇得見孫仔就喊都冇用啦。
7個讚
嘩…呢啲真心PK喎，唔幫手淨係上來玩。
你唔洗覺得自己唔岩。本身生完仔就係有賀爾蒙令你敵視幫唔到手湊仔嘅人。
邊個對你同BB唔好，你會好敏感，對果個人嘅反感甚至會持續到冇賀爾蒙影響（即係有可能係一世）。關係係雙向嘅，佢做啲你唔鐘意嘅嘢你當然可以唔鐘意佢啦，你冇錯架，奶奶大哂咩。我奶奶就是成功的例子。佢係我坐月期間令到我唔再對佢有好感，繼而連我老公都企埋係我果邊，佢可能可以照樣見soon仔，但係佢個仔就唔會幫佢啦。
你最多係叫你老公自己同佢阿媽傾下，如果你老公搞唔掂嘅，隨時你會連佢都憎埋一份。
1個讚
我淨係覺得新抱同奶奶唔需要搞到咁對立!
奶奶一把年紀其實都冇得幾多年見到個孫
一個禮拜上嚟一次一啲都唔多。
兩三個鐘太多冇人招呼佢就同佢傾夾啱時間餵完奶先上嚟上嚟玩個b一個鐘就好，阿b要瞓。
再唔係叫佢仔招呼佢我留喺房瞓下先。
我係會咁做，等佢哋慢慢玩個b，除非你連老公都信唔過咁就冇計。
“本身唔係一齊住都咁嘅心態，第時冇得見孫仔就喊都冇用啦。”
呢句又係好銀耳，自己同奶奶相處唔到點解就要剝奪個仔同嫲嫲建立關係?
我嫲嫲過咗身好耐喇，我哋仲有少少言語不通(佢啲廣東話太重鄉音)，但我仲會諗起我細個佢抱我落街買薯片，佢同爺爺次次都準備某牌子嘅軟糖，每次去佢度都有得食。我細個表演做主角媽媽仲買飛叫佢入場嚟睇，我一出場阿嫲坐到直一直驚死睇唔清楚個孫。
好彩我媽雖然同阿嫲冇可能咩都啱key, 但諗都唔會諗唔俾阿嫲見個孫!
人生苦短，放過自己放過別人!
點解咁介意仲要妥協改佢個名？應該企硬，bb 係你生，佢咁鍾意改名咪自己生飽佢。
當年我陀第一胎老爺奶奶開口話想幫 bb 改名，仲借老公阿婆把口話 bb 名梗係要爺爺嫲嫲改，我即刻當聽唔到冇理佢哋。最後個名係我同老公改，完全冇問過老爺奶奶意見。到第 2 胎佢哋冇再提幫 bb 改名
7個讚
完全認同，我咁辛苦 10 月懷胎生個 bb 出嚟，梗係要自己改返名，佢哋憑咩要幫 bb 改名。當年佢哋咪改咗老公個名，連孫個名都要管，離晒譜。而且出世紙又唔係佢哋去擰，邊管到我填咩名，睬佢都傻，駛乜屈服聽佢哋講。
1個讚
其實樓主99唔算極品，我由結婚有左生埋加加埋埋，差d比佢搞到抑鬱自殺加離婚，連我個拜觀音既呀媽都由叫我忍讓下99，變成忍佢LM! 所以夾唔到既講少兩句，有仇咁既少見為妙，重點係邊個帶嚟邊個處理，咩都推返比隻佬就得！
各位陀b前及當時記住要train up個老公，一個識做嘅老公會帶來家庭和諧㗎
好多奶奶唔識做，以為自己係老人家大晒。見孫當然應該，但你見得密真係好鬼煩囉
我奶奶就正正係啲咁嘅人，唔知做乜同自己奶奶唔啱牙。明明一齊住都要教埋個孫言語虐待個嫲嫲。而個孫，我老公完全唔可惜自己同嫲嫲冇建立過咩關係，但係佢嫲嫲肯定會唔開心囉。
Back to basic,係奶奶同嫲嫲呢個身份之前，佢只係一個人。如果做人嘅性格，待人接物好差，點解要俾自己細路接觸一個咁嘅人？唔通有親大哂咩，對人唔好就預左有後果架啦。
我都認同如果唔識體諒人不如放下奶奶個身份，放過人啦。諗下自己平時對朋友係咪會咁。搶住幫人做決定，個個星期去到人地屋企樓下先打電話話要上人屋企，跟手賴死唔走。都唔計較話把口衰唔衰架啦，淨係呢啲野都夠困擾啦。
樓主具體講下佢點樣打攪你媽咪，睇下點樣解決呢個問題。
另外，你標題嗰個感覺，我一樣有，維持咗好幾年，我諗係好common的。分清楚邊d 係感覺（eg 唔知點解就係唔鍾意），邊d 係佢真係麻煩到人嘅嘢（eg 打攪到媽咪）。
岩呀！中呀
我99又真係好鍾意話我仔似姑姐點點點 似太嫲咁咁咁
同埋好似當左係自己個仔咁過分插手
仲以為得我99係咁添
相當明白你既感受
呢d 真心煩膠
好彩你老爺明白事理咋 
我個小朋友改名係99爭住話識人, 到最後要我哋埋單-- 4千, 嗰陣同老公都冇乜錢, 捱緊世界, 無啦啦嘔4千, 肉都赤埋, 再加埋大大小小嘅煩事 (例如: 平時大少姐上身+食飯例遲+講親家壞話…etc)
近年, 我哋同佢嘅關係都變到冇咩事都唔會相見, 亦習慣咗佢嘅品性, 所以唔會介意佢做咩
每個禮拜佢地都黎，佢地講野又大聲，我個bb係好醒訓既bb，所以基本上佢地黎左，我個b就會訓得唔好
日頭訓唔夠，佢夜晚就會訓得差，成晚頻醒，最後搞到既又係婆婆…
係呀，成日都知道上黎會滾搞到我地，又明知佢地係度呀zoom都訓得唔好好扭計，但係又個個禮拜上黎…
唔係唔比你睇zoom，但係咪唔可以咁自私？為左滿足自己，唔洗理人感受？！
同過老公講，佢覺得自己老母探zoom都係錫佢先咁，出於孝順無理由唔比佢黎
我唔係唔比佢黎，zoom仔仲細，1個月2次不為過啦？佢大個d， 個個星期帶番去比你玩到夠啦！佢bb仔黎，可唔可以體諒下，唔好咁自私得唔得？
鬧又鬧唔到，話又話唔得，就只可以屈埋係個心度……我見到老爺奶奶，聽到佢地把聲都覺得煩厭…！！
2個讚
其實你唔鐘意佢哋，就算第日兩星期一次、一個月一次、做節先見，你都唔滿意。
Bb 大得好快，一個星期都可以唔同咗，我諗做嫲嫲又錫孫嘅都想睇住佢成長。
除非佢做咗d 好黑人憎嘅嘢，否則睇唔出佢有咩討厭到一個星期見一次bb 都令你咁煩厭。
唔係老鳳到生完bb 一定要應酬佢哋，都係互相尊重，佢哋想睇孫都無可厚非，佢係bb 嘅爺爺嫲嫲，係bb 爸爸嘅爸爸媽媽，關係好親。屋企關係好，多d 人錫，對bb 成長都有好處。
諗長遠d，到時你bb 長大成家，除非分隔兩地，都希望可以睇住佢下一代長大啦。
3個讚
我唔係針對佢地，如果佢地唔影響到我個bb，我係唔會咁反感的。
但就係正如我第一段所講，佢地每次黎完，我個bb都會訓得好差，然後夜晚成日醒，我先唔想佢地成日黎
成晚都無覺好訓你體唔體會到？每個鐘都醒既滋味你體會過未？
如果你見過你媽咪湊bb湊到喊，你就會明白點解我咁唔想我老爺奶奶黎！
我自己都係人地個女，我都會心痛我媽咪！
見到自己呀b搞到自己個呀媽咁辛苦，我已經好內疚，我唔想有其他野再增加我媽咪負擔
5個讚