老人家係咁，把口話D後生決定啦，之後又會多多意見，如果已經妥協咗就唔好再諗啦⋯⋯媽媽開心BB先開心。
唔舉誠哥佢點會諗下自己有幾乞人憎？
人哋亜媽有冇逼佢一定要改佢個名先？
仲要係同音異字，即係人哋亜媽係無意改佢個名，真係術數上對bb好啲想佢改。俾下意見都要食佢一句關你撚事？
心地好好囉。
回返俾你丫，你有冇諗過對方感受？
係因為老公企硬先唔大改個名咋！
你知我99性格？你知佢有幾唔聽人意見？
如果我唔尊重佢，我最後就唔跟佢改個名啦
你係咪就係奶奶呀？
其實你咁講嘢都好黑人憎
12個讚
9成9
5個讚
發洩情緒當然無問題啦，情緒的宣洩係好重要的
但我更鼓勵你在現實好好地同奶奶講
如果唔係屈埋屈埋，日後會有更多令人覺得唔舒服的事
唔好以為唔出聲忍左佢就算，咁樣奶奶唔會知道你想點，有咩鍾意唔鍾意
自己阿媽有時都會有唔同意見，何況係奶奶
我自己一個湊小朋友，所以有好多原則同規矩
好似我奶奶抱b時好鍾意un，我會要求佢停止
Bb夠鐘午睡，哪怕佢去到我屋企樓下，我照樣唔會開門
出街食飯，佢地好鍾意食到一半就帶bb離開餐廳（其他孫），但我唔會容許佢地咁帶我bb出去
漸漸地，我奶奶知道我呢啲原則，會尊重返我，亦知道我地有咩規矩唔會亂嚟
6個讚
上網發洩係咁㗎啦，人哋生完幾耐你又知唔知？產後情緒不嬲都比較波動㗎啦，你都唔見得有理人感受，喺你前設下咁係咪又代表你心地唔好呀？
8個讚
樓主，講個笑話你聽。
其實我小朋友改名問題，我奶奶幫手無問題，我仲好多謝佢，因搵師父改名，逐個名計錢，奶奶無問我攞返錢。
記得當年佢搵師父幫我小朋友算左幾個名比我，但d名我覺得唔係咁好，一係發音似某藝員，一係用d「時」「特」依d唔多用黎做名嘅字，一係就發音一定會比人笑果d,最後在十多個名中，我同c6選擇了一個。但奶奶又唔喜歡果個字喎，係都要我地選另外兩個字其一，但果2個字就係「藝員名」和「奇怪字名」。之後奶奶發脾氣就叫我地自已去搵師父算。我地就搵返同一個師父再算，找到一個滿意嘅。但奶奶又話唔好，比左另一個字我地，而果個字我地都ok,所以就用左果個字。
結果幾個月後，我被通知要去上律師樓幫小朋友改名，因奶奶話個名唔好。我c6問奶奶，話個名又係佢話要嘅，而家又改？奶奶話個字佢無搵過師父算過，只係根據我同c6搵師父算果個字再自已計筆劃。佢又話唔知我地個字係搵師父改！我聽到後對眼反到去後腦，又係佢之前發脾氣話要我自已去搵師父改嘅！
再者，我小朋友有濕疹，佢都好關心我小朋友，又買膏，又執木棉花比我小朋友沖涼。雖然全部方法都幫唔到，但我都多謝佢，但最令我激氣嘅係，有次佢燒符，用符灰比我小朋友沖涼，依樣我唔嬲，嬲嘅係佢放埋較剪同石頭晌浴盆度，放我個仔落去沖涼！我姐姐又無同我講，到姐姐幫我小朋友沖完我入去放水我先知。
樓主奶奶一星期黎一次，我奶奶之前日日黎，睇住我泵奶，話我有嘅佢都有，叫我唔駛怕羞。
樓主，睇完我經歷，你有無覺得你奶奶都唔算太極品？
8個讚
你奶奶算好，我奶奶會話我太嚴…小朋友個個都係咁…但有時會話我太縱…
真係唔知佢準則係點…可能佢愛孫曳就「個個小朋友都係咁」，我小朋友曳少少就話我太縱，小朋友要打。
2個讚
我奶奶都話我嚴架，話我多規矩
但我ftm一手一腳湊，佢嚟得一次半次，玩得開心時破壞我原則的時候，我平日仲使教？
2個讚
好似我教我小朋友食飯前要叫人，我奶奶都認同，但佢其他孫唔叫人佢又唔話。
我小朋友發脾氣掉紙落地下，我奶奶就打佢手（三歲未到），佢另一個孫（高小）發脾氣打爆電視，老人家口話了幾句，仲免費幫佢換新電視…
所以準則係點？我唔知…
你自己都打呢幾個字……你都好好心地喎……
1個讚
準則係佢度
佢想點就點
我完完全全明你感受
平心而論，我99真係唔差，都算好
但佢嘅好係佢嘅角度但無諗我感受
本身對佢都唔算有咩負面情緒
自從個女出世，聽到佢電話就想扮聽唔到
返去食飯係折磨
成日要我女錫佢，仲要錫嘴
仆街！我成為阿媽都唔會錫佢嘴
講完又講，講到口都臭，唔聽
好彩個女大個識反抗，識得同佢講，錫面就得
雖然個女係我湊，不過都係近婆婆
6299成日大大聲叫佢，最緊要百日宴，本身個女好地地，一聽到佢哋把聲就喊到拆天
唉，好想佢係果啲乜都唔理嘅99
由我自生自滅啦，Please
5個讚
其實改名我都算，每個星期都上黎睇bb, 好似增加我呀爸呀媽workload…
佢地黎左， bb就訓唔到好扭計，但99又mug都做唔到，係旁邊淨係比意見
每次黎都要整一大餐招呼佢地，又要照顧bb…作為女既我又幫唔到咩，因為我個女好痴我媽咪
所以我先唔希望佢地成日上黎
我都明佢想睇個zoom，但係佢見到我媽咁le hea，係咪都要忍下？
當初佢斬釘截鐵話唔湊，而家呀zoom出左世，就成日黎睇zoom，真係好反感
我已經壓制自己反感情緒，話畀自己知佢愛zoom心切， 唔想憎佢，但另一方面真係好反感，而家見到佢我真係唔識對佢笑….但又好努力咁樣支d笑容
好多野都係加加加埋埋，除左改名仲有其他，但真係唔想成個怨婦咁樣數佢，我都吞左佢就算數，但見到自己呀媽咁樣，真係唔想自己99成日上黎…
好彩佢住得遠平時要搵錢，如果唔係佢係一家密密上黎！
奶奶當然冇權決定改咩名，為咗捍衞阿媽呢個權利，我直情認為佢改乜就更加唔用
你讓得一次第時大把氣受：學校，讀書乜都有
阿婆都有份，係咪阿婆都改得？
已經跟咗男家姓仲比佢改？老幾呀？
不喜勿插
2個讚
如果係讀書少又有D迷信嘅老人家
有咁嘅行為好正常
反而成件事個老公消失左
係囉，要佢出現返
係呀 我都好討厭出親街食飯食到一半都抱孫出去
我都會出聲
好彩呢幾年疫情
又限幾人一枱 都無同佢哋出街食飯
小朋友都大個左
應該唔會再出現呢個問題
1個讚
令女人有產後抑鬱….係奶奶
1個讚