求指教。
平時出入習慣搭巴士，佢搭地鐵會比較扭擰…
就算只係搭15mins對我黎講都係挑戰
佢通常要大人抱，但佢大個左，難抱足全程…
睇站牌，問下如果我哋去銅鑼灣應該點搭。
到站開門時，講下個站係乜色。
1個讚
搭咩都好，佢哋出發前會講明同佢坐咩、坐幾耐，
要有耐性，無耐性嘅唔好出街，留喺屋企。俾返個話事權佢，問佢去唔去？
1個讚
非常好。
我都會同小朋友預告，不過佢“唔守信用”
你提醒左我，可能要再試下清楚啲講多幾句
現場環境佢要扭，我唔想影響其他人，就通常會遷就佢
就算事後傾返，佢都未係好get到我地要求，要再諗下計
我好硬，我講咗後果佢哋聽，佢哋都係唔聽話嘅話，我會做。類似係扭計即刻落車返屋企，而我一路嘅管教模式（我唔係教育專家只係有自己一套）都係咁，所以兩個小朋友都知道我講得出做得到，當然小朋友扭計好正常，但佢哋知道去到某一個點就會停。
1個讚
以前都見過人分享（唔知係唔係都係你），
呢招其實好work，但樓主要恨心，即時落車返屋企，你今日對佢仁慈，即他日對佢殘忍
如果好累又要企好耐，我可以中間落車係車站坐下抖下，再繼續搭
但我d細路都有人比位佢地，好少要咁樣企
2個讚
小朋友幾大？
耐性係訓練出嚟，我小朋友四歲樓下嗰陣，有時四五個站就落車，喺月台抖下再出發。（曾經個個星期由調景嶺搭去青衣。）
盡量車頭車尾上車。
到佢大左，就之前一晚講定，聽日會去邊，由咩站搭到咩站，拎定咩書或者小玩具，執定落書包仔。
不過好多時都有人讓。好少企全程。
我自己一向宗旨係，情緒失控一扭，無論做緊咩係邊，即刻掉頭返屋企。（試過兩次）
或者揀d有風景睇既線，分散下注意力
Keep住同佢傾計
講下車箱內嘅野（叫佢背車站名）
講下街景有咩、經過咩地方，問佢食店名，順便認字
如果係小朋友自願出去可以咁做。但更多時候係大人迫佢哋出去，呢招就唔work。例如去長輩屋企。
又，因為小朋友太宅， 有時我係要迫佢哋出去玩，做多啲運動。小朋友成日求我，可唔可以快啲返屋企…
不過當然都有其他方法可以用
2個讚
咁要解決咗佢唔肯出街嘅問題先？
佢係被迫出去嘅話坐咩、行路都唔會work
連出門口都會扭。
同樓主嘅問題唔同
迫就肯出嘅，都係格硬迫。用咗好多方法，處理咗好多年，都半放棄了。興趣嘅嘢好難格硬嚟。
我小朋友又ok，大嘅半小時內可以咩都唔做單係坐/企，細嘅要係咁同佢傾計。再耐啲就要捉棋（用電話捉）。有段時間係成日坐長途地鐵去做治療，一個星期出入好多次，都慣曬。
樓主又無講因為咩原因出街嘅。
同意樓上，第一樣要諗下，係小朋友要出街？定係大人要佢出？
如果係小朋友要出，咁我要求會高啲，想佢對自己嘅選擇負責任，
如果係我要佢出，咁都可以盡量配合佢，有難處配合唔到嘅，盡量耐心同佢解釋。
你好勁。
有時好怕 係街見到啲小朋友喊幾句 父母就會就晒佢
咁小朋友就得逞 知道下次再咁做就得
ps:我無小朋友
我果個之前都會咁。所以同佢玩下估站顏色，邊度門開，吹下無聊水
搭完有獎勵 會唔會好啲？比佢感覺搭完地鐵就有好野發生
我係好無耐性啫
喺街我都會爆發，係好核突㗎，但爆幾次佢哋無論喺屋企定外面都會知道扭計係有後果，就唔敢亂扭。
（當然，我會嘗試用無咁激動嘅方法解決咗先，唔聽嘅話先用呢招）
現場教仔都可以
試吓（方法之一）比佢挨住你借力，或者一手攬住，話媽咪都好攰，但係要一齊企
多謝大家，每一個意見都值得我參考。
小朋友近日由全日班轉左返半日，所以我間中會安排外出活動，暫時仲係需要時間整合自己同小朋友之間既想法、期望。
今日搭地鐵，佢都有扭計，我試左中間落車要佢冷靜左先，當時都經歷好多掙扎。
除左搭車扭，佢出街都係咁扭，或者因之前疫情太耐冇出街，有冇其他原因就要慢慢再搵下……
總之出去一次，結論係我身心俱疲