我係女方，平時主要都係我講佢聽（多數係齋聽果種，佢唔太識俾回應）
男人少講心事係正常，但我忽然覺得原來拍拖到結婚咁耐，我地都好少有心靈交流
我想睇下有冇其他屋企都係咁，我係咪只有接受我另一半一世都係咁
3個讚
同你一模一樣，我覺得係相處習慣黎
1個讚
我同老婆都係，佢講9成我講1成，ok既，習慣就好
咩心事先？我好少同老公講咩心事
男人唔明女人的
講完佢都會冇乜反應，可能係男人角度真係覺得冇咩big deal掛
關於家庭、仔女我就會同佢講，大家一齊會有個答案解決。
其實比較個人既都係同fd講好啲，起碼大家明大家，仲有幾個岩傾啲既太太，大家傾下「人妻的偽術」
2個讚
覺得我老公冇咩心事，男人感覺冇咁細膩，感情表達亦冇女人咁直接，夫婦之間相處，舒服便好
睇你老公係咩性格嘅人，
如果佢係果種好理性，好獨立，
中意咩問題都自己解決既人。
可能唔中意心靈交流。
我地因為好啱傾先結婚，雖然佢心事比較少，佢都會好用心咁聽我講所有嘢，我諗呢個係我地嘅本質，所以自己都無乜淨係飲飲食食嘅朋友，做得朋友嘅都可以傾到好深入，不過老公會係我首選傾訴對象
我地成日會傾，多數佢講 
佢比我多嘢講
我同你相反我係聽佢講果個
我覺得無咩問題，反正大事情上能溝通就可以
我哋都冇乜心事傾，而家差不多連講嘢都冇，佢夜收工又早起
如果由識到而家男人都無乜講心事 咁就ok
(一早慣左獨立唔駛同女人講)
如果由識會同你講少少心事 變下變下唔講心事我覺得就唔太ok,因為可能佢已經有啲野唔想再同你分享或者價值觀唔同唔想同你再講
我就不嬲做講野嗰個,但男人得個聽,或者根本左耳入右耳出
有大事就會搵佢商量
我同你一樣，認為長遠係問題…
大家講係性格、習慣影響，都講中左…我唔太想我同我老公繼續咁樣習慣落去…
記得婚前輔導，都有人指出我講唔到俾我老公知我自己想老公點樣俾安慰我…多年以後，我先知道，但我老公一時三刻都唔太做到我想要既野…
如果雙方都OK就無問題，我就一定唔得，
我發生啲乜都係第一個同我老公講，
我老公都會同我講返佢當日遇到嘅事。
之前有講過，有乜都要同對方傾，
好重要，我地係會一齊傾下心事。
我比較直接，唔中意估對方想點。
我朋友唔多，已婚又有仔女既更少，所以我一直視另一半為傾訴對象
我近日變了，尤其响我教另一半點同小朋友相處時，我明白唔識點回應人係可以去學，我好努力學習做一個媽媽，响佢學習點去做一個爸爸時，我希望自己都可以從中受惠
我同我小朋友都屬於情感需要比較大果類人，所以特別渴望心靈交流
1個讚
我正正覺得唔舒服，我怪佢唔識俾回應都唔係今時今日先發生
佢自己意識到有問題，但總係推託唔知點改
我老公多數飲醉酒就會講多啲
咁不如慢慢講比佢知你想要啲咩，用心聆聽、安慰、說話嘅溫度，呢啲都需要時間歷練，慢慢話佢知，比時間互相適應，行吓行吓，條路就會越嚟越順利
我屋企都係咁，拍拖時候都有講下，但住埋一齊就接近無…有心靈交流或者溝通對我來講都重要，有時得我講佢無反應又會好無癮，咁係一個惡性循環
same 本身自己好多野講、老公負責聽
小事佢間中講，我咪聽下，又或者我問佢都會答我
大事佢會自己講，大家一齊傾
認同其他人講，係一種相處模式嚟，唔一定人人一樣，大家覺得舒服就可以
同埋女人天生就係多野講過男人，好似話有研究、女人起碼有一半嘅說話都係廢話嚟
1個讚
Yes