話說上個星期6,上雪印ZOOM果個產前講座, 下半PART 係陪月講坐月要留意既野…
本身聽果陣都唔係話好專心…點知忽然間聽到佢講… 生完之後100日都唔可以食生冷野…我即刻好大聲"下" 左一聲出黎… C6仲係旁邊到笑我咁大反應…
本身仲諗係就生得咁只要再忍埋呢幾個月, 就可以解放啦…點知…佢一講100日者係個時間拉長左成3個月… 我既世界即刻好崩潰…
生之前 我無戒口, 亦無戒生冷野, 臨生前1個月我仲更加唔會. 凍野, 西瓜, 龜苓膏, 腐竹E米糖水…涼既野全部都食.
但生完坐月真係好好好好好緊要, 我直至復工前, 都真係戒得好清, 零凍野.
(我係前2後8)
1個讚
我都覺得坐月坐得好係好緊要
我自覺坐得唔好，依家成日頭痛
1個讚
我都明白坐月好緊要…
之但係我已經忍左咁多個月,本身諗住生完一個月坐完月就可以解禁嫁啦麻…點知…原來坐月都要3個幾月…一下子就唔係好接受得到… 心理唔係好平衡
我已經搵左陪月姐姐. 有佢睇住應該會好D…我本身都已經係有偏頭痛, 希望坐完月會有改善啦…
我覺得唔洗神化坐月會勁到可以令到你原先身體既問題會消失
陪月可能都會煩你唔好食咩唔好做d咩，岩岩生完都真係需要食d有營養嘅野，如果你餵人奶更甚。不過如果真係忍唔到口，戒口戒到情緒差嘅話咪食少少，媽媽心情愉快都好緊要架 
2個讚
唔只雪印，
雀巢都有講防敏1000天，
我當年見到呢句slogan第一下都覺得係咪痴線…
1000天係差唔多3年喎！
呢個唔係for個bb咩？
為左餵人奶，我真係算忍得口
樓主話有請陪月，基本上我個陪月煮足咁多餐，煮到我唔想食咁濟，所以或者係因為咁都冇點諗住食雜糧果d，除左慎防食左收奶既食物，基本上唔覺得特別有去諗戒唔戒口
我唔會覺得會消失,不過希望會少D囉…
XD 咁陪月係到提我, 我都會聽既…但係100日就有D長囉…
我諗我可能會好似而家咁…大部分時間戒,但係有時會偷偷地食少少囉…
1000日??? 點做到幾年都好似而家咁食到咁清淡??
我請左一個月陪月, 佢係到我實會聽話…但係佢走左啦喎…呢個世界咁多野引我…就好難講啦… 仲要係夏天…
我覺得之後監住我既…應該會係C6…我琴日話買D麵…佢都話唔比買…佢話黎緊成6個月我都唔食得呢D… 買返黎唔會食得晒嫁…
BTW…我都打算如果可以既就餵人奶嫁…
坐月有個陪月煮飯係好啲，但係陪月放假都可以食下自己想食嘅野啦。陪月走左之後最緊要你自己舒服同埋方便。
除左生冷野，我陪月話重點都係食清淡啲，佢煮野好少鹽但係都會用豉油蠔油，仲幾多下。
聽過話凍野可以含暖佢先吞
但係生野就唔好食啦。
你有咩想食就生之前食啦雪糕，涼粉我足月之後隔幾日就食一次
唔知收奶野食唔食得，但係一諗到唔知有幾多個月冇得食，就次次食水餃都叫韮菜餃。生左之後食米綫要走韮菜啦
清淡呢2個字已經好多野唔食得啦…我覺得到時我都只能夠盡量嫁炸… 但係C6琴晚講我食D咩, 個仔就者係食D咩…咁諗又真係好似令到我易D忍我住既…
我有妊娠糖尿而家戒得好清下…唔敢生之前亂食呀, 為左個B 我先肯忍咁耐, 但係一諗到生左仲要忍多咁耐…就唔係太開心囉…
我都唔知食乜野會收奶, 要到時問下陪月姐姐先知… 唔係一陣食錯就大鑊啦
我都妊娠糖尿呀，去到38周先夠膽食西瓜同綠豆沙
韭菜、豆豉都收奶，花膠都唔ok
花膠都唔得??? 我仲幾鐘意食嫁添