唔知各位媽咪諗好咗嚟緊禮拜六同小朋友去邊未？我有個活動推薦俾大家~~
「被人侵犯要即刻話『唔好』，仲要大聲嗌救命！將件事話比你信任嘅人聽！」以前《多多與寶寶龍》係咁樣教我哋嘅。但係對於小朋友嚟講，要分辨好壞接觸、邊啲秘密唔應該守、了解咩係「侵犯」，就絕對唔係容易之事。
至於作為家長嘅我哋，一方面唔知點樣開口同小朋友講性教育，另一方面都唔知要教啲咩，以致我哋對性教育無從入手，慢慢就變得避而不談。
而呢個活動將以繪本同小遊戲打開親子之間嘅溝通窗口，同小朋友展開性教育，同時裝備家長成為小朋友最有力嘅後盾！
活動詳情：
日期：28 / 5 / 2022
時間：14:00 - 15:30
地點：480.0性別ｘ藝術空間
（油麻地彌敦道504號德富強大廈1樓A室，近油麻地站C出口）
費用全免
查詢及報名：+852 5116 7599
[ 限1大1小（12歲以下）同行參加，各計1名額 ]