教識姐姐去接
如果長老屋企同嬰院唔近，有啲難喎
個人經驗，bb係育嬰園會突然唔舒服既機會率唔會好高，我見佢有少少唔舒服都已經會幫佢請假留响屋企休息…
如果真係有突發情況，工人幫到手去接都好，作為家長，我會尋求公司諒解睇下請唔請到急假…
幼兒唔舒服最怕都係佢發燒，我小朋友返育嬰園果段日子，試過因病連續請左大約1個月假…
平時，入園前探熱見到我小朋友體溫略高，老師知屋企有人湊，都會請我帶佢返屋企…而家諗返轉頭，或者都係慎防佢體溫再升，我要撲出去接佢(我地跨區返育嬰園，有交通時間)…
如果計真係要突然撲出去…1年幾以黎，印象中只有1次…
1個讚
係唔係一般公司都俾請急假
咁又係如果見bb唔舒服，正常都唔會帶返嬰院
因為請姐姐照顧媽咪係我哋幾兄弟姊妹商量完嘅決定，佢哋覺得姐姐一定要喺媽咪視線範圍內，咁樣對媽咪係最好最安全
我都有同佢哋傾過去嬰院，但可能間中（如停課、病）要姐姐幫手，佢哋覺得我帶bb去媽咪屋企俾姐姐湊冇問題，但唔預姐姐去嬰院接bb
我大仔由3個月就係畀育嬰院照顧，我哋全家都好滿意，而家細仔(1M)排緊。
育嬰院$5000幾蚊一個月全包，請保姆應該唔得啦。
不過入育嬰院就預咗頭半年易病，佢病咗或者育嬰院假期，你就要預後備人手去睇住佢。
育嬰院好專業，好有愛心，絶對唔係人哋講到咁「地底泥」囉。家中長老開頭都對育嬰院有偏見，唔想我哋放育嬰院，但個零月後都完全改觀，讚啲職員好細心。
唔好畀嗰單院舍虐兒事件誤導你，就算同一機構，都係獨立嘅服務單位，唔可以相提並論。
1個讚
我知佢哋專業呀，所以先想返嬰院
我同咗長老講頭幾次好抗拒，但我問過人口碑唔錯，至少婆婆覺得可以試返一排先
我都覺得機構入面其中之一間分校衰，唔等於間間都衰
我返而阿仔10個月都無位，可以講我知邊間咁好？
我諗係睇地區同埋你有冇一到間育嬰園嘅報名月齡就即刻交表？
我陀緊一踏入5個月第一日就即時交表喇