我朋友個表妹嘅bb讀過而家收我個間嬰院
佢嘅評價都唔錯
Oh see 
不過我自己經驗, 育嬰園啲姨姨老師都好有愛心, 只係環境真係迫左啲, 同埋好多家長要不定時 OT, 難夾育嬰園個模式
出事嗰間唔算係一般育嬰院,係類似兒童之家嘅BB版,即係啲冇人要/冇照顧者嘅BB
係呀, 但保護兒童會都有做育嬰園/幼稚園… 唔多唔少見到單新聞都會自動係腦 link-up 左佢地 
1個讚
冇錯，果間院嘅小朋友未必有家長睇到小朋友嘅狀態。所以點俾人虐待都唔會有人發現，果次只係因為佢哋係天台做所以俾居民影到…
1個讚
嘩~~~
宜家d 工人真係好惡
咩都有得揀唔做?
飯都唔煮咁有無問agent 請佢番黎做乜?
係喎，第一次請工人真經典
試過老人家原來發高燒到40度
叫佢幫手探熱
當時屋企人煮緊飯
工人話探咗無燒
屋企人覺得奇怪
出嚟睇住佢叫佢探多一次
燒到40度
差到一個點
不過好好彩第二個工人真係好好、又乖
又會慳錢，咩都主動做
打理到屋企又乾淨
2個讚
嘩真係好求其!
恭喜你~
好工人真係可遇不可求
1個讚
我小朋友都好好彩滿月就入到育嬰園。我好滿意我個間育嬰園呀，老師好好，小朋友又多機會同朋友仔玩，再選一次我都一定會選佢。
我身邊都好多朋友選了育嬰園，雖然疫情間各有安排（我個間都有兩個月唔開，但真係無人照顧的小朋友可繼續托；其他的聽過有真係冇開的，亦有開放約一半位的，間間做法不同），但朋友們都讚老師們好錫自己孩子，有專業人士觀察小朋友發展。
我個間會半年收到一份發展評估報告，講明小朋友做到或未做到某些動作，作為家長真係好放心。
但老實說，如果你本身係無back up ，我都覺得你應該繼續請保姆姨姨好。因為育嬰園真係會唔想小朋友病到再傳染人，如果小朋友病了，返學係會被打回頭，到時就一定要有人照顧到佢。
而收工遲，就要睇嬰園延展服務時間有幾多個位，要唔要抽籤，係一年抽一次定點？因為我個間比較少位，每年抽一次簽，多數你拎了一年，第二年就因公平原則而會比另外的小朋友。
1個讚
我明呀⋯⋯將心比心，自己都唔想其他病咗嘅小朋友返學
我今日再同bb婆婆傾，佢態度都軟化咗，覺得可以去嬰院試吓先
不過backup個方面真係諗唔掂，雖然姨姨有心機湊都錫bb，但姨姨個老公食煙，就算姨姨話佢老公工作關係3、4日至返屋企一次，但最近每日接bb嘅時候都聞到bb有陣煙味，所以我有啲保留，始終二手煙、三手煙長期接觸對BB都有影響
不過多謝你提醒我，到時我去見老師時問下佢哋之前嘅停課安排先
1個讚
咁唔會考慮了，我會育嬰院+工人backup
2個讚
咁我會忍痛放棄姨姨，二手煙我無法接受
1個讚
二手煙同三手煙都冇得搞…姨姨有幾好都冇辦法啦
1個讚
我長輩除左易病果樣野，佢地係接受左。因為喺屋企真係教唔到。我仔仔出街唔會扭買玩具，同佢講bye bye xxx, 佢會跟住講，揮手講完bye bye, 就ok.
濕疹果個媽咪唔係我。你應該mix up 左
同期入既同學，包括我小朋友，有幾個都有特殊需要，有家長睇過外國做過d數據，小朋友細個受到壓，唔夠愛，會影響腦部發展，你可以上網睇睇資料，我唔清楚有冇關係。
小朋友讀完幾年後，有次認識到一個曾經係哩間嬰院實習過的老師，得知一些情況，所以都幾後悔比小朋友入去讀，哩間嬰院印象中冇cctv
二手煙三手煙真係接受唔到⋯
其實只要公公婆婆幫到手就得。佢哋可以照顧孫仔，但又唔洗咁瞓身都係好事。我覺得係兩者平衡到，自己又放心。
如果仔仔大大下，公公婆婆想照顧多點，其實都可以叫公公婆婆早少少接走佢同佢去玩下又得（唔駛每日都得，只需早接走時寫手冊就得）。
我仔係自出世以來都係公公婆婆三點鬆少少就接走，係佢開始入大組，更多互動時間，先再改成四點幾五點接走。大家都舒服。
好奇想問，保姆姨姨依家公價幾多？
我哋同公公婆婆住得唔近呀，同埋婆婆有病不能獨自出遠門，請咗工人俾婆婆，遲啲會嚟
原來係咁！
有工人好好多，真係touch wood 有咩事都可以有back up ！
有Back up我覺得你可以試育嬰園呀！！
但個工人係喺婆婆屋企，唔係我請佢嚟我屋企做啵⋯⋯最多預先知道返唔到學嘅時候放喺婆婆屋企
如果bb喺嬰院入面突然唔舒服，就只可以睇吓爸爸請唔請到急假……我份工請急假就難啲，同埋冇得靠公公去接bb，所以我自己都唔知算唔算叫有back up