呢一兩日去小便嘅時候下面隱隱作痛，尿入面有少少血。我上個星期先至m黎完，所以唔係因為m到先痛。會唔會係尿道炎啊？有冇人試過？第一次遇到咁嘅情況好擔心，同房事有冇關係？
尿道炎. 去睇醫生食藥會快D好.
另外飲大量清水, 去清入面既菌
5個讚
我家姐試過啊 因為佢飲水飲得少
底褲可能著得太耐買新嘅替換 好多因素都會導致尿道炎 唔一定係房事
佢有尿道炎之後成日急尿好似有種去唔清小便既感覺咁 最好都係睇醫生問清楚啦
1個讚
尿有血真係要正視， 會唔會係平時飲得水少?
尿道炎呀。
好common既，唔洗擔心。去睇醫生食消炎藥幾日內就好返晒架喇。
不過第日都容易翻發架。要注意多飲水、保持衛生，房事後最好去一次小便。
我曾經試過尿道炎, 底褲or護墊唔乾淨有細菌, 或者你最近有冇換新沐浴露? 都可能關事喎, 我之前成日去跑步, 出得汗多焗住, 條跑褲又好貼身, 加上飲水唔夠就好容易搞到有尿道炎, 後尾睇醫生再自己配藥食兩日就好返晒lu
2樓已經講解左, 係尿道炎.
會同房事有關.
如果第1次咁樣, 最好睇醫生, 先學習下如何處理, 食抗生素.
發過一次, 可能會好易番發~
我以前都好常病發
要飲水，定時飲水
要夠睡眠
去toilet後只能由前到後咁抹，一次性
清潔不能用皂液，只能用清水或女性專用果d （不過最好都少用，醫生話清水就夠）
內褲要定期換一批新，仲要全棉
多穿裙 保持通爽
做完“床上運動”後一定要沖洗外陰
床上運動”最好唔好玩玩具，都唔好接觸到“後面”
如果發得密，你性伴侶都要睇醫生，可能佢都帶菌
下面呢個POST 可以再解答得仔細D
我自問都飲水飲得夠呀，唔明點解會尿道炎，房事前我哋兩個都沖好晒涼
我而家都不停飲水，多啲尿屙個感覺舒服少少
又無話特別少，我諗都係正常份量掛
冇用開護墊嘅習慣… 通常都係m黎前幾日至開始用，沐浴露都冇轉新。唔通真係關底褲事？尿道炎藥係可以自己去藥房配？
其實抵抗力弱咗、益生菌唔夠、underwear 唔通爽乾淨、飲水唔夠、休息唔夠、完事後冇去尿尿
有好多原因引致的
以前我做空姐 十個有九個都中過 因為飛機環境好乾燥 著絲襪又焗 洗手間唔多又懶得去 成日忍尿 又訓得唔好 都會好易有尿道炎同埋翻發
一定要睇醫生 醫生會驗尿種菌睇下有咩問題 同埋開抗生素比你 一定要醫生開架
乖啦 快啲睇醫生 普通診所就可以架啦！
我呢一年都冇翻發 除咗一日飲夠1500ml水之外 我每日都食 high strength cranberry
我都好怕再有尿道炎
樓主最近如果少休息、壓力大、著緊身褲都會有關
我聽人講小紅莓汁都可以預防尿道炎。我習慣去出面嘅廁所墊兩張紙巾先去，等廁所水唔好彈到
係可以配. 不過我覺得你第一次有咁情況真係睇睇醫生好.
UNDER 定期一定要換新. 因為你洗左其實日子耐都會有細菌.
同埋盡量唔會著會焗住下面既衣物.
睇醫生先啦，尿血，醫生通常都會幫你驗尿，自己都放心啲呀。
醫生都有開呢隻俾我,好似成百蚊一pack…嚇親
另外推介呢隻,之前日本買,都幾work
多謝jm解說，無啦啦有尿道炎，自己搵上網睇成因，真係自己都唔係好搵到點解，睇番飲水習慣、衛生習慣…都好正常呀
個種keep住隱隱作痛既感覺，真係好辛苦，而家已經睇左醫生，飲多d水，特登買左pack新內衣褲，希望快d好…
1個讚
可能係瞓得唔夠同埋底褲有細菌啦，而家間中去小便時都有d痛……唔係擔心到夜晚瞓唔著
Thanks已經睇左醫生，如果到時都仲唔舒服就去藥房配定一盒放屋企，希望快d好返