自行驗孕 兩條線好深色 去左診所攞懷孕證明
都約左公家同私家做產檢
仲有咩現階段需要做/需要買？
成日形住仲有野未做 搞到好大壓力
仲有少少流啡…
要做嘅你都做咗
照下幾多週先
現階段冇嘢要買
反而有少少流啡要休息多啲
唔好太操勞，盡量讓自己放輕鬆，唔好咁大壓力
食葉酸，休息多啲就夠，睇吓遲啲做唔做t21/nifty 唐氏檢測
休息多d, 唔好諗太多，唔好食西瓜或者其他瓜類飲凍飲
放鬆心情，休息多啲，食葉酸，
其他嘢可以等個胎穩定啲先再搞，
咁初期冇咩要買住嘅～
有冇作嘔作悶嗰啲呀？
有… 上星期五晚開始胃口好差
跟住好多野都食唔落 成日作嘔作悶
淨係食到m記
到左星期四晚嘔得好誇張
尋日頂唔順睇左普通科醫生 講左懷孕中
之後話我腸胃炎…
我唔敢食藥 請左兩日病假 係床度過的
嘔清哂 慢慢逼自己食野 跟住就好返好多
今日三餐都有食 雖然份量好少 至少有野落肚
每日都有食葉酸 好彩無嘔出黎
我15w都成日耐唔時流啡呀～由佢lo
太擔心會影響bb
有耐唔時睇醫生就夠lo
嘔依方面真係幫唔到你
我無嘔
但知道好多媽媽都勁嘔
好正常反應
最緊要唔好唔開心
加油
試吓飲滴雞精，飲完感覺精神啲無咁易反胃
正常番工?
係 聽日開始返工啦
點都逼自己食野 就勉強可以
宜家係胃脹氣 搞到好易唔舒服
我開頭都作悶得好勁，又係胃氣勁脹，冇嘔但乜都食唔落，所以有時有少少胃口，就薯條/辛辣麵都照殺。其餘時間都係飲下蘋果汁、寶礦力、黑糖薑茶，食少少嘢維持體力。
後尾我睇中醫調理就舒服少少，不過都係要等到十四週左右胃口先正常返。
我今日晏晝食左kfc…
宜家食唔到正餐 飲水都要逼自己飲
要食零食/垃圾食品先食到大部分
但又會狂爆瘡 本身皮膚已經唔好…
唔緊要架
食到就食啦
頭三個月都唔係好吸收媽媽營養
好多人過左三個月會好好多