又咁講，經期唔來都1個月，等多2~3個星期先決定真係無來經先再去驗孕都唔出奇，隨時知道有咗已經係2個月
1個讚
講得好啱
我識得兩公婆、意外有第三個果陣、話生啦生啦、我鍾意小朋友、最後意外有左第四個生埋。
呢傢第四個上埋小學、個老豆嫌啲細路煩、放假都係自己約朋友去行山、早出晚歸、錢唔夠用、叫個老婆離婚申請公屋綜緩、同大條道理話唔離婚成家攬住死咩。
當初話生啦生啦、辛苦晒老婆啦～門面做晒之後就冇下文……
2個讚
問一問又拖幾日了，樓主偏向生BB，第日外家幫手湊，自己返工
樓主想有BB先反對老公結紥，而家個BB出現左，應該唔會揀要老公。
由一開始佢話要離婚，咁即係你係可有可無嘅。
冇做避孕措施即係你冇保護自己，佢亦都冇保護你，同意先要審視下你哋兩個嘅關係。
1個讚
其實樓主都係愛自己多啲，如果唔係點解會係老公極反對下都成功懷孕？避孕係兩個人嘅事呀⋯⋯
咁究竟呢段婚姻係樓主為左借完精就可以同男人say bye，定真係好愛個老公想同佢一生一世？
你衣加只係”唔捨得”個老公，唔想做單親，所以，你竟然仲有空間去揀？
如果你愛你老公多過愛自己，首先你唔會比自己有BB，即使意外有咗都會靜靜雞落咗佢唔俾老公知⋯⋯
所以唔使譴責邊個愛自己多啲定愛另一半多啲，呢個世界絕大部份嘅人都係愛自己先。
最後我會建議你保住個BB，反正離婚可以搵過第二春，我身邊好多成功例子。
2個讚
我身邊有人真係咁
不過係老婆想生第二個，佢最後怕佢老婆出古惑，索性唔搞佢老婆
咁忍得、自己去紮咗咪算
人生苦短、最砌得都係果二三十年、唔搞咪好浪費
1個讚
佢對老婆可能冇乜感情，結婚擺酒買樓生B全部係老婆迫佢
如果我身邊有咁嘅人、我會估佢係斷背山。
我覺得佢都唔太鍾意佢老婆，唔搞算
我作為女性朋友都唔好意思問佢有冇出去食
佢完全為責任，老婆又要迫佢湊呢樣嗰樣，所以佢企硬唔生第二個
我估佢老婆真係做得出出古惑生第二個，佢先會咁
但搞左第二個！？
咁結婚來都冇乜意思啫，乜都被迫，佢老婆又肯嘅，佢係好有錢定好靚仔？！如果連女人都唔掂，絕對有理由懷疑係斷背，結婚只係應付下屋企人
2個讚
冇啊冇第二個仔女，我頭先打錯，已改返
有冇出面搞我就唔知。鍾意男人又唔似係
佢老婆係追佢，拍到三十一定要結婚，一定要生，一定要擺酒，買樓
其實都冇乜嘢嘅，只係個男又比佢迫到嗰度搞笑，唔想咪唔想囉，感覺佢都唔鍾意個女
咁好慘，2個人都好辛苦
我感覺係個男後生唔識推，同佢結咗婚又唔知點拋棄佢，生埋就更加唔使諗
所以醒：打死唔生第二個
佢話佢當佢老婆係家人
不過個女係極老土嗰啲
呢啲男人到某一日遇到個啱既，個家就玩完。
3個讚
Exactly係咁，會毫不猶豫拋棄個老婆，如果個老婆醒嘅應該sense到呢點
男未玩夠，個女又要迫佢
如果SENSE到，應該係會好嚴格咁管住個老公
我公司以前有個男同事，個老婆日日10點，兩點都會打嚟公司CHECK佢係咪喺度（驚佢扮放假去左玩。）、我係女人都覺得樣衰。
樓主，希望你珍惜肚入面既生命，過多幾個星期都會感覺到胎動，係一個生命。
唔係你哋鍾意就要，唔鍾意就落左佢。
BB係無辜㗎