我老公都好中意狗 當隻狗係女 見到d浪浪好慘會眼濕濕 所以有時我都諗 其實佢只係真係好明確知道自己唔想要小朋友 所以先咁絕情？當然狗同人係2個level的責任…
其實你老公都講得好白，我認為你唔需要再心存希望，應該盡早決定做單親，定唔要BB。
還是你想再拖到無得落BB，再博佢應承生？
建議你唔好咁做，咁做=離婚，你下定決心離婚就可以一試嘅。
5個讚
見大家的意見大部分都係生唔生再諗 老公就一定唔要…我諗每個人都自私嘅…只係佢無諗過要退一步 大家達成共識 婚姻先可以行到落去 依家只可以我follow佢的想法…當然 我都可以自己決定 二選一或兩者都不 重新出發 我已經帶埋隻狗返娘家 冷靜下諗未來點行
5個讚
勉強唔離婚，勉強生，勉強係無幸福
離婚自己搞掂,經濟許可嗎？一係你繼續做野，請個
工人幫手湊，而且湊小朋友真係好辛苦，我好鍾意
小朋友，都算識教，但係都好攰好攰好攰
總有些小朋友係好難湊
未生前你可能好多期望，但現實係
非常困難，除非經濟好充裕好充裕
6個讚
小動物唔洗跟功課，唔洗安排課外活動，唔會搏咀，唔洗驚佢識壞朋友受影響，唔洗幫佢諗留學移民買樓… 冇可比性。
3個讚
睇得出你依家都係兩難局面。
試下列出各個選擇的好與壞，不要做人生後悔的決定。
如果選擇老公，就要安全避免，不要有下一次意外。
唔好諗老公定bb，係應該諗你自己想點，如果你係想有個愛你嘅老公一齊組織家庭，咁呢個好明顯唔岩，倒不如盡快斬纜重新出發，做人最悼忌要將就
3個讚
咁既男人你仲要？不負責任的垃圾！
你老公一向都係話曬事？
如果決定生，第時個小朋友大個咗，唔好俾佢知道佢阿爸當時唔想要佢 
2個讚
頭幾年拍拖都係嘅 我都就得幾辛苦 之後同居 佢轉工工作壓力無咁大 個人就無咁難頂 我都無咁就佢 表達自己多d 呢1,2年到我工作壓力大d 佢開始take左做家務 煮飯煲湯的責任 (以前係無煮家庭)
朋友話呢d請個工人都做到…唔代表佢愛你…我俾佢洗咗腦 
1個讚
咁其實佢都會變，不過要長既時間
如果佢主動幫輕你，都係關心你
同埋佢似乎承受唔到短時間的轉變
你覺得佢似唔似有亞氏保加？
佢點睇你地既關係？
請工人要俾錢，煮飯呢啲冇愛更加唔想做，落街買外賣都得，同老公商量下啦，BB真係無辜架
煮個飯你就冧成咁，d飯佢冇份食咩，做夫妻最悼忌要將就，你就到10年就唔就到一世，恕我直言你一開始已經嫁錯左，錯唔緊要，最緊要識返轉頭，唔好再委屈自己，知冇
1個讚
咁佢唔係對你唔好，不過佢愛自己多過你。bb出世佢都有責任，你都話兩個人有共識先行到，但一意孤行係佢。
你屋企人點睇？係單親長大小朋友唔一定有缺失，但做單親媽媽，可能由你入院生小朋友個刻已經要一個人承受一切，你得唔得？
咁我又唔覺得佢係亞氏保加，可能佢成長嘅經歷都令佢好唔想要小朋友。佢又要做但又唔做足安全措施，而家一句要墮胎，其實同個啲未婚搞大女朋友個肚又要人落仔無分別，一樣渣男一個。無論你決定點，希望你會愛惜自己，也要相信你值得一個對你更好既人。
較中肯嘅留言，呢到一面倒咁鬧個男人，但樓主都有責任，愛係一齊做，孕又一齊唔避，個男人一早講咗唔要、接受唔到，但樓主拖下拖下就3個月，其實樓主好似已經決定咗，只係想個男人讓步。
15個讚
即係學生都會識去睇醫生拎事後丸。事情發展到咁都係因為心存僥倖。覺得一次半次唔會咁易有，覺得有左老公都會口硬心軟。
2個讚
咁正常男人，如果老婆真係有左，最多都係好唔情願做爸爸，應用唔會叫老婆落仔啩？
不過樓主真係唔好再拖，無論你有咩決定，都祝你有你個新開始
2個讚
好多女人都接受唔到會選擇落，個生命唔喺男人到更加無感覺。
又唔好話正唔正常，唔想要小朋友都係個人取態，樓主老公以為呢個係共識，點知都拖到差唔多三個月都冇結論。
有啲人真係唔想/唔敢負咁大責任去照顧一個人一世嘅。明知自己唔想而冇硬夾話要個BB都叫有責任感架啦。
如果樓主落仔加唔離婚，最好就同意老公結紮啦。
2個讚